سانحے کی آڑ میں سیاست کرنے اور صوبے کو دو لخت کرنے کی کوشش ناقابل قبول ہے: مرتضیٰ وہاب
اشاعت کی تاریخ: 24th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی کے حالیہ سانحے پر جاری سیاسی بیانات کے تناظر میں میئر کراچی مرتضیٰ وہاب نے ایم کیو ایم کی تنقید کا سخت جواب دیتے ہوئے واضح کیا ہے کہ کسی سانحے کو بنیاد بنا کر سیاست کرنے یا صوبے کو تقسیم کرنے کی اجازت نہیں دی جائے گی، عوامی مسائل پر سیاست نہیں بلکہ عملی اقدامات کی ضرورت ہے۔
نجی ٹی وی چینل پر گفتگو کرتے ہوئے مرتضیٰ وہاب نے وفاق اور صوبے کے درمیان ترقیاتی منصوبوں کے حوالے سے فرق کی نشاندہی کی۔
انہوں نے کہا کہ پنجاب میں بنیادی ڈھانچے کے منصوبے براہِ راست وفاق کی معاونت سے مکمل کیے جاتے ہیں جبکہ کراچی کے لیے تعاون کا یہی معیار نظر نہیں آتا، کراچی میں یلو لائن اور ریڈ لائن جیسے منصوبوں پر سوال اٹھانے کے بجائے وفاق سے پوچھا جائے کہ گرین لائن منصوبہ تاحال کیوں ادھورا ہے۔
میئر کراچی نے زور دے کر کہا کہ شہر کے مسائل کو سیاسی پوائنٹ اسکورنگ کے لیے استعمال کرنا کسی صورت قابل قبول نہیں اور نہ ہی کسی کو یہ حق حاصل ہے کہ سانحوں کی آڑ میں انتظامی ناکامیوں کو صوبائی تقسیم کی بحث میں بدلا جائے، کراچی کے مسائل کا حل اختیارات کی لڑائی نہیں بلکہ باہمی تعاون میں پوشیدہ ہے۔
دوسری جانب ایم کیو ایم کے سینئر رہنما اور سینیٹر فیصل سبزواری نے میئر کراچی کے مؤقف پر ردعمل دیتے ہوئے کہا کہ سیاست دراصل امکانات کا کھیل ہے اور کراچی کو وفاق کے حوالے کرنے کی تجویز بھی ایک آئینی اور سیاسی امکان کے طور پر زیرِ بحث آ سکتی ہے، ایم کیو ایم کسی سانحے کو سیاسی فائدے کے لیے استعمال نہیں کر رہی ہے۔
فیصل سبزواری کا کہنا تھا کہ کراچی کے مسائل دہائیوں سے حل طلب ہیں اور اگر موجودہ انتظامی ڈھانچہ شہریوں کو ریلیف دینے میں ناکام ثابت ہو رہا ہے تو متبادل راستوں پر بات کرنا کوئی غیر جمہوری عمل نہیں، اصل سوال یہ ہے کہ شہر کو کب اور کیسے اس کا حق ملے گا۔
واضح رہے کہ ایم کیو ایم پاکستان کی جانب سے کراچی کو وفاق کے زیرِ انتظام لانے کا مطالبہ سامنے آیا ہے، جس پر سیاسی حلقوں میں نئی بحث نے جنم لے لیا ہے۔ اس معاملے پر وفاقی، صوبائی اور شہری قیادت کے درمیان بڑھتی ہوئی بیان بازی آئندہ دنوں میں سیاسی درجہ حرارت مزید بڑھا سکتی ہے۔
ذریعہ
ذریعہ: Jasarat News
کلیدی لفظ: ایم کیو ایم کراچی کے ایم کی
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے