بلوچستان شدید سردی کی لپیٹ میں،بہتا پانی جم گیا
اشاعت کی تاریخ: 24th, January 2026 GMT
بلوچستان شدید سردی کی لپیٹ میں ہے جہاں درجہ حرارت منفی 12 ڈگری تک گرنے سے معمولاتِ زندگی بری طرح متاثر ہو گئے ہیں۔ کئی علاقوں میں بہتا ہوا پانی بھی جم گیا، جس کے باعث شہریوں کو شدید مشکلات کا سامنا ہے۔
اگرچہ صوبے کے شمالی اور بالائی علاقوں میں برفباری کا سلسلہ رک چکا ہے، تاہم سائبیریا سے آنے والی سرد ہوائیں بدستور جاری ہیں۔ کوئٹہ، قلات، چمن اور زیارت میں درجہ حرارت نقطۂ انجماد سے نیچے جانے کے باعث گھروں کی پائپ لائنوں میں پانی جم گیا ہے، جس سے پینے کے پانی کی قلت پیدا ہو گئی ہے۔
شدید سردی کے سبب تالابوں، سڑکوں اور کھلے مقامات پر پانی منجمد ہو چکا ہے، جبکہ کوئٹہ۔زیارت شاہراہ کئی مقامات پر برف سے ڈھکی ہوئی ہے۔ صورتحال کے پیشِ نظر ضلعی انتظامیہ نے اگلے 24 گھنٹوں کے لیے سیاحوں کے زیارت جانے پر پابندی عائد کر دی ہے، جبکہ این 50 ژوب ہائی وے بھی مختلف مقامات پر بند ہے۔
چمن، قلعہ عبداللہ، زیارت، پشین اور توبہ اچکزئی سمیت دیگر علاقوں میں بھی روزمرہ زندگی مفلوج ہو کر رہ گئی ہے۔ پاک افغان سرحدی اور بالائی علاقوں میں درجہ حرارت منفی 12 ڈگری تک ریکارڈ کیا گیا ہے۔
سڑکوں کی بحالی کے لیے نیشنل ہائی وے اتھارٹی اور ضلعی انتظامیہ نمک پاشی اور بھاری مشینری کے ذریعے برف ہٹانے میں مصروف ہے تاکہ آمدورفت کو بحال کیا جا سکے۔
ذریعہ
ذریعہ: Daily Mumtaz
کلیدی لفظ: علاقوں میں
پڑھیں:
میرپور آزاد کشمیر ، مری ، کھاریاں سمیت ملک کے کئی علاقوں میں تیز ہواؤں کیساتھ بارش
سٹی 42: میرپور آزاد کشمیر ، مری ، کھاریاں سمیت ملک کے کئی علاقوں میں تیز ہواؤں کیساتھ بارش ہورہی ہے ۔
میرپور آزاد کشمیر و گردونواح میں تیز ہواؤں کے ساتھ بارش ہورہی ہے ۔ بارش کے باعث شدید گرمی کا زور ٹوٹ گیا، موسم خوشگوار ہو گیا۔درجہ حرارت میں نمایاں کمی، شہریوں نے سکھ کا سانس لے لیا
منگلا، چیچیاں، جاتلاں، اسلام گڑھ، چکسواری اور ڈڈیال میں بھی بارش ہے ۔ تیز ہواؤں کے باعث مختلف علاقوں میں بجلی کی آنکھ مچولی بھی جاری ہے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
مری میں کالی گھٹائیں برس پڑیں، بارش سے موسم مزید خوشگوار ہو گیا۔بارش اور ٹھنڈی ہواؤں نے مری کے حسن کو چار چاند لگا دیئے۔
گرم علاقوں سے آئے سیاح خوشگوار موسم سے بھرپور لطف اندوز ہونے لگے۔ بارش کے بعد سیاحتی مقامات پر رونقیں بڑھ گئیں۔
کھاریاں میں گرج چمک اور تیز ہوا کیساتھ بارش ہے ۔ بجلی بند موسم خوشگوار ہو گیا۔
بارش سے گرمی کی شدت کم ہو گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ