پاکستان کی بہترین سفارتکاری: ایران اور یو اے ای کے ساتھ سفارتی و معاشی تعلقات مزید مضبوط
اشاعت کی تاریخ: 24th, January 2026 GMT
پاکستان کے ایران اور متحدہ عرب امارات (یو اے ای) کے ساتھ سفارتی اور معاشی تعلقات میں مسلسل مضبوطی آ رہی ہے، جس کا اظہار حالیہ اعلیٰ سطحی رابطوں اور ملاقاتوں سے ہوتا ہے۔
دفتر خارجہ کے مطابق نائب وزیراعظم و وزیر خارجہ سینیٹر محمد اسحاق ڈار اور اسلامی جمہوریہ ایران کے وزیر خارجہ سید عباس عراقچی کے درمیان ٹیلی فونک رابطہ ہوا، جس میں خطے کی صورتحال اور عالمی سطح پر جاری اہم معاملات پر تفصیلی گفتگو کی گئی۔
مزید پڑھیں: اقوام متحدہ میں پاکستان کے مستقل مندوب کی اسحاق ڈارسے ملاقات، کثیرالجہتی سفارتکاری مزید مؤثر بنانے پر زور
اس موقع پر ایرانی وزیر خارجہ نے جنیوا میں اقوام متحدہ کی انسانی حقوق کونسل میں ایران سے متعلق قرارداد پر پاکستان کے اصولی مؤقف کی تعریف کی اور ووٹنگ کے مطالبے کے ساتھ قرارداد کے خلاف ووٹ دینے پر پاکستان کا شکریہ ادا کیا۔
انہوں نے وزیراعظم محمد شہباز شریف، حکومت پاکستان اور پاکستانی عوام کے لیے نیک تمناؤں اور قدردانی کا اظہار بھی کیا۔
دوسری جانب نائب وزیراعظم و وزیر خارجہ سینیٹر محمد اسحاق ڈار نے دبئی میں متحدہ عرب امارات کے سینیئر حکومتی و کاروباری رہنما جاسم محمد بو عطابہ الزعابی سے ملاقات کی، جو ابوظبی ڈیپارٹمنٹ آف فنانس کے چیئرمین، سپریم کونسل برائے مالی و اقتصادی امور کے سیکریٹری جنرل، اتصالات کے چیئرمین اور ابوظبی ہولڈنگ کمپنی کے وائس چیئرمین کے عہدوں پر فائز ہیں۔
ملاقات کے دوران پاک یو اے ای تعلقات کو تاریخی، برادرانہ اور باہمی اعتماد پر مبنی قرار دیتے ہوئے دوطرفہ شراکت داری کی مضبوط بنیاد بتایا گیا۔
فریقین نے تجارت، سرمایہ کاری اور اقتصادی تعاون کی موجودہ صورتحال کا جائزہ لیا اور مستقبل کے امکانات پر بھی تبادلہ خیال کیا۔
گفتگو میں پاکستان میں یو اے ای کی سرمایہ کاری بڑھانے، اتصالات کی جاری سرمایہ کاری اور بالخصوص پاکستان ٹیلی کمیونیکیشن کمپنی لمیٹڈ (پی ٹی سی ایل) میں اس کے حصص سے متعلق امور پر بھی غور کیا گیا۔
نائب وزیراعظم و وزیر خارجہ نے سرمایہ کاروں کو سہولیات فراہم کرنے کے لیے حکومت پاکستان کے عزم کو دہرایا اور دونوں ممالک کے درمیان اقتصادی و تجارتی روابط کو مزید وسعت دینے کی ضرورت پر زور دیا۔
انہوں نے پی ٹی سی ایل سے جڑے دیرینہ مسائل کے حل اور آئندہ ترقی کے لیے قریبی تعاون کو بھی ناگزیر قرار دیا۔
اس موقع پر جاسم محمد بو عطابہ الزعابی نے پاکستان میں سرمایہ کاری کے فروغ، درپیش مسائل کے حل اور مشترکہ مقاصد کے حصول کے لیے مکمل تعاون کی یقین دہانی کرائی۔
مزید پڑھیں: پاکستان کی مؤثر سفارتکاری کے ثمرات، عالمی سطح پر بھی پذیرائی
دونوں فریقین نے قیادت کی رہنمائی میں زیر التوا امور کے جلد حل اور تجارت، سرمایہ کاری و مشترکہ منصوبوں میں نئے مواقع تلاش کرنے پر اتفاق کیا۔
ملاقات میں پاکستان کی جانب سے متحدہ عرب امارات میں سفیر شفقت علی خان، ٹریڈ کونسلر علی زیب، قائم مقام قونصل جنرل فواد علی خان اور تھرڈ سیکریٹری فراز ارشد شریک تھے، جبکہ امارات کی جانب سے اتصالات یو اے ای کے سی ای او مسعود محمد شریف بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایران پاکستان سفارتی و معاشی تعلقات وی نیوز یو اے ای.
ذریعہ
ذریعہ: WE News
کلیدی لفظ: ایران پاکستان سفارتی و معاشی تعلقات وی نیوز یو اے ای سرمایہ کاری پاکستان کے یو اے ای کے لیے
پڑھیں:
صدر زرداری کی اٹلی کے صدر ور عوام کو یومِ جمہوریہ پر مبارکباد
اسلام آباد (اُردو پوائنٹ اخبارتازہ ترین - این این آئی۔ 02 جون2026ء) صدر مملکت آصف علی زرداری نے اٹلی کے صدر سرجیو میتاریلا اور اٹلی کے عوام کو یومِ جمہوریہ پر مبارکباد دیتے ہوئے اس یقین کا اظہار کیا ہے کہ آنے والے برسوں میں پاکستان اور اٹلی کے درمیان دوطرفہ تعلقات مزید فروغ پائیں گے۔(جاری ہے)
منگل کو ایوانِ صدر کے پریس ونگ کے مطابق صدر مملکت نے اپنے تہنیتی پیغام میں کہا کہ پاکستان اٹلی کے ساتھ اپنے دیرینہ دوستانہ تعلقات کو انتہائی قدر کی نگاہ سے دیکھتا ہے جو کہ باہمی اعتماد، تعاون اور امن و خوشحالی کے لیے مشترکہ عزم پر مبنی ہیں۔
انہوں نے اس یقین کا اظہار کیا کہ آنے والے برسوں میں یہ دوطرفہ تعلقات مزید فروغ پائیں گے۔ صدر آصف علی زرداری نے کہا کہ پاکستان یورپی یونین کے ساتھ اپنے روابط کو بہت اہمیت دیتا ہے اور بین الاقوامی تعاون، مذاکرات اور امن و استحکام کے فروغ کے لیے یورپی یونین میں اٹلی کے تعمیری کردار کو انتہائی سراہتا ہے۔ انہوں نے باہمی دلچسپی کے شعبوں میں پاکستان اور یورپی یونین کے تعلقات کو مزید مستحکم کرنے کے لیے پاکستان کے عزم کا اعادہ کیا۔
وزارت آئی ٹی نے 1.67 ارب روپے سے زاید کے فنڈز طلب کرلیے