ایس آئی یو کا بغدادی تھانے پر چھاپہ، گینگ وار سے مبینہ روابط پر سب انسپکٹر گرفتار
اشاعت کی تاریخ: 24th, January 2026 GMT
اسپیشل انویسٹی گیشن یونٹ (ایس آئی یو) کی پولیس ٹیم نے بغدادی تھانے پر چھاپہ مار کر شعبۂ تفتیش میں تعینات ایک سب انسپکٹر کو حراست میں لے لیا ہے۔
پولیس ذرائع کے مطابق حراست میں لیے گئے افسر کو ابتدائی کارروائی کے بعد ایس آئی یو کے دفتر، صدر سی آئی اے سینٹر منتقل کر دیا گیا ہے جہاں اس سے تفتیش جاری ہے۔
ذرائع کا کہنا ہے کہ مذکورہ سب انسپکٹر پر لیاری گینگ وار کے وصی اللہ لاکھو اور اس کے ساتھیوں سے مبینہ روابط رکھنے کا الزام ہے۔ پولیس کو شبہ ہے کہ زیرِ حراست افسر بھتہ وصولی کے معاملات میں گینگ وار کے ملزمان کو سہولت فراہم کرتا رہا ہے۔
واقعے کے بعد پولیس محکمے میں ہلچل مچ گئی ہے، جبکہ اعلیٰ حکام کی جانب سے معاملے کی مکمل اور شفاف تحقیقات کی یقین دہانی کرائی گئی ہے۔
ذریعہ
ذریعہ: Daily Mumtaz
پڑھیں:
بانی پی ٹی آئی کی بشریٰ بی بی سے ہفتہ وار ملاقات کرادی گئی
فائل فوٹواڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
جیل ذرائع کے مطابق بانی پی ٹی آئی اور بشریٰ بی بی کی ملاقات کانفرنس روم میں کرائی گئی، جو 40 منٹ تک جاری رہی۔
جیل ذرائع کے مطابق دوران ملاقات عمران خان اور بشریٰ بی بی نے ایک دوسرے کی خیریت دریافت کی۔
دوسری طرف اڈیالہ جیل میں بانی پی ٹی آئی اور بشری بی بی سے ملاقات کے دن کے موقع پر کسی وکیل اور فیملی ممبر کی ملاقات نہ ہوسکی۔
وزیراعلیٰ خیبر پختونخوا سہیل آفریدی بھی بانی پی ٹی آئی سے اظہار یکجہتی کیلئے اڈیالہ جیل آئے تھے۔
بانی پی ٹی آئی کی تینوں بہنیں علیمہ خان، نورین نیازی اور عظمی خان اڈیالہ جیل تو پہنچیں لیکن پولیس نے انہیں فیکٹری ناکے سے آگے جانے کی اجازت نہ دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ