گل پلازہ آتشزدگی کی ایف آئی آر درج، واقعہ ’غفلت اور لاپرواہی کا نتیجہ‘ قرار
اشاعت کی تاریخ: 24th, January 2026 GMT
گل پلازہ میں ہونے والی ہولناک آتشزدگی کے واقعے پر پولیس نے مقدمہ درج کر لیا ہے، جس میں واقعے کو ’غفلت اور لاپرواہی کا نتیجہ‘ قرار دیا گیا ہے۔
پولیس کے مطابق یہ آتشزدگی 17 جنوری کی شب گل پلازہ میں بھڑکی تھی، جس پر قابو پانے میں تقریباً دو روز لگے۔ آتشزدگی کے نتیجے میں گراؤنڈ پلس تین منزلہ عمارت کو شدید نقصان پہنچا، متعدد حصے منہدم ہو گئے جبکہ اب تک 71 افراد جان کی بازی ہار چکے ہیں۔
ساؤتھ زون کے ڈی آئی جی سید اسد رضا نے تصدیق کی ہے کہ مقدمہ ریاست کی مدعیت میں پولیس افسر کے ذریعے درج کیا گیا ہے۔
یہ بھی پڑھیے: گل پلازہ کی عمارت سے متعلق تحقیقاتی رپورٹ جاری، اہم انکشافات سامنے آگئے
درج ایف آئی آر کے مطابق تھانہ نبی بخش کے ایس ایچ او انسپکٹر نواز علی زرداری نے بتایا کہ پولیس کو 17 جنوری کو رات تقریباً 10 بج کر 30 منٹ پر گل پلازہ میں آگ لگنے کی اطلاع موصول ہوئی۔ ایف آئی آر میں کہا گیا ہے کہ آگ تیزی سے پھیلی اور دیکھتے ہی دیکھتے پوری پلازہ کو اپنی لپیٹ میں لے لیا، جبکہ فائر بریگیڈ اور دیگر امدادی ٹیمیں آگ بجھانے میں مصروف تھیں۔
ایف آئی آر کے مطابق آگ پلازہ کے گراؤنڈ فلور پر واقع دکان نمبر 193، جو پھولوں اور تحائف کی دکان تھی، سے بھڑکی اور تیزی سے پورے شاپنگ پلازہ میں پھیل گئی۔
ایف آئی آر میں کہا گیا ہے کہ ریسکیو کارروائیاں جاری ہیں اور مزید ہلاکتوں کا خدشہ بھی ظاہر کیا گیا ہے۔
یہ بھی پڑھیے: آرٹس کونسل کراچی میں سانحہ گل پلازہ کے شہداء کی یاد میں دعائیہ تقریب، شمعیں روشن
پولیس نے سانحے کی بڑی وجوہات میں فائر فائٹنگ آلات کی عدم موجودگی اور ہنگامی صورتحال سے نمٹنے کے لیے مناسب انتظامات نہ ہونے کو قرار دیا ہے۔ رپورٹ کے مطابق پلازہ میں ایمرجنسی ایگزٹس موجود نہیں تھے جبکہ بجلی بند ہونے کے باعث اندر موجود افراد کے انخلا میں شدید مشکلات پیش آئیں۔
ایف آئی آر میں کہا گیا ہے کہ انہی وجوہات کی بنا پر قیمتی انسانی جانیں ضائع ہوئیں اور بھاری مالی نقصان بھی ہوا۔
یہ مقدمہ تعزیراتِ پاکستان کی دفعات 322، 337-H(i)، 436 اور 427 کے تحت درج کیا گیا ہے۔ پولیس کے مطابق تاحال کسی شخص کو نامزد نہیں کیا گیا اور مقدمہ نامعلوم افراد کے خلاف درج کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: کیا گیا ہے ایف آئی آر پلازہ میں گل پلازہ کے مطابق
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان