افغانستان: طالبان کے نئے فوجداری ضابطے پر انسانی حقوق تنظیم کی تشویش
اشاعت کی تاریخ: 24th, January 2026 GMT
افغان انسانی حقوق گروپ نے طالبان کے نئے فوجداری ضابطے پر گہری تشویش کا اظہار کیا ہے، جو افغان عدالتوں میں نافذ کیا جا رہا ہے۔
افغان جریدے کے مطابق طالبان کے سربراہ ہیبت اللّٰہ اخوندزادہ نے حال ہی میں یہ ضابطہ منظور کیا ہے تاکہ افغان عدالتی نظام میں نافذ ہو۔ انسانی حقوق گروپ رواداری کا کہنا ہے کہ یہ ضابطہ اقلیتوں کے خلاف امتیازی سلوک اور بنیادی آزادیوں کی خلاف ورزی کے مترادف ہے۔
تنظیم نے انتباہ کیا کہ ضابطہ من مانی گرفتاریوں اور سزاؤں کی اجازت دیتا ہے اور یہ بین الاقوامی انسانی حقوق کے معیارات کے خلاف ہے۔ مزید کہا گیا کہ ضابطہ میں ملزم کو وکیل کا حق، خاموش رہنے یا ہرجانے کا حق فراہم نہیں کیا گیا اور منصفانہ مقدمے کے دیگر اہم تحفظات بھی موجود نہیں ہیں۔
انسانی حقوق گروپ نے خبردار کیا کہ ضابطہ کی بعض شقیں ماورائے عدالت قتل اور طالبان پر تنقید کو جرم قرار دینے کی راہ ہموار کر سکتی ہیں۔ ضابطہ سماجی درجہ بندی اور غلامی کی حمایت بھی کرتا ہے اور خواتین و بچوں کے خلاف نفسیاتی اور جنسی تشدد کو نظر انداز کرتا ہے۔
تنظیم نے مطالبہ کیا ہے کہ انسانی حقوق کی خلاف ورزی کرنے والے ضابطے کو فوری معطل کیا جائے کیونکہ اس میں شامل امتیازی دفعات افغانستان میں اقلیتوں کو نشانہ بناتی ہیں۔
دوسری جانب افغان میڈیا کے مطابق طالبان نے اس رپورٹ پر تاحال کوئی تبصرہ نہیں کیا۔
ذریعہ
ذریعہ: Daily Mumtaz
پڑھیں:
دوسرا ون ڈے: آسٹریلیا کی پاکستان کے خلاف بیٹنگ جاری
پاکستان نے آسٹریلیا کے خلاف 3 ایک روزہ میچوں پر مشتمل سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کرلیا، جس کے بعد مہمان ٹیم کی بیٹنگ جاری ہے۔
لاہور کے قذافی اسٹیڈیم میں پاکستان اور آسٹریلیا کے درمیان جاری 3 ایک روزہ میچوں کی سیریز کے دوسرے میچ میں قومی ٹیم نے ایک بار پھر ٹاس اپنے نام کرلیا۔
پاکستان نے ٹاس جیت کر پہلے فیلڈنگ کا فیصلہ کیا۔ دوسرے ون ڈے کے لیے ٹیم میں کوئی تبدیلی نہیں کی گئی۔ pic.twitter.com/YEk2H1aXuB
— Zeeshu Bhatti (@zeeshu_bhatti) June 2, 2026
پاکستانی کپتان شاہین شاہ آفریدی نے ٹاس جیتنے کے بعد پہلے فیلڈنگ کا فیصلہ کرتے ہوئے آسٹریلوی ٹیم کو بیٹنگ کی دعوت دی۔
ٹاس کے موقع پر گفتگو کرتے ہوئے شاہین آفریدی نے کہاکہ پہلے ون ڈے میں کامیابی حاصل کرنے والی قومی ٹیم میں کوئی تبدیلی نہیں کی گئی اور اسی کمبی نیشن کو برقرار رکھا گیا ہے۔
واضح رہے کہ سیریز کے ابتدائی ایک روزہ میچ میں پاکستان نے آسٹریلیا کو 5 وکٹوں سے شکست دے کر 3 میچوں کی سیریز میں 0-1 کی برتری حاصل کر رکھی ہے۔
دوسرے میچ میں قومی ٹیم کی کوشش ہوگی کہ کامیابی حاصل کرکے سیریز اپنے نام کرے، جبکہ آسٹریلیا سیریز میں واپسی کے لیے میدان میں اترا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آسٹریلیا ایک روزہ سیریز پاکستان ون ڈے میچ وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے