بالائی علاقوں میں برف باری کا سلسلہ تھم گیا
اشاعت کی تاریخ: 24th, January 2026 GMT
ملک کے بالائی علاقوں میں برف باری کا سلسلہ تھم گیا، کشمیر، گلگت بلتستان، خیبر پختونخوا اور بلوچستان کے مختلف مقامات پر کئی کئی فٹ برف موجود ہے، رابطہ سڑکیں بند جبکہ سردی میں اضافہ ہوگیا۔
ہنزہ میں زلزلے سے متاثرہ علاقے چیپورسن میں تیز ہواؤں سے متاثرین کی مشکلات بڑھ گئیں جبکہ زلزلے کے آفٹر شاکس کا سلسلہ جاری ہے، شدید سردی کے باعث متاثرین کا ہنزہ کے دیگر علاقوں کی جانب انخلا شروع ہوگیا ہے۔
استور میں مشرف چوک سے برفانی تودہ ہٹا کر ضلعی ہیڈکوارٹر تک سڑک بحال کردی گئی۔
مظفر آباد آزاد کشمیر میں شدید برف باری کے بعد شاہراہ لیپا شیر گلی سے ہر قسم کی آمد و رفت بند ہے۔
اپر ہزارہ ڈویژن کے تمام اضلاع میں رات سے ریسکیو آپریشن جاری ہے جبکہ کاغان شہر تک سڑک کلیئر کردی گئی۔
کل سے مغربی ہواؤں کے نئے سسٹم کی بالائی علاقوں میں داخلے کی پیشگوئی سامنے آئی ہے جبکہ اتوار کو بلوچستان میں گرج چمک کے ساتھ بارش اور برف باری کا امکان ہے۔
.
ذریعہ
ذریعہ: Jang News
پڑھیں:
مردان: گھر سے خاتون سمیت 3 افراد کی لاشیں برآمد
مردان: خیبرپختونخوا کے ضلع مردان کے علاقے شیخ ملتون سیکٹر بی میں ایک گھر سے خاتون سمیت تین افراد کی لاشیں برآمد ہونے کا واقعہ سامنے آیا ہے۔
ریسکیو 1122 کے مطابق اطلاع موصول ہوتے ہی میڈیکل ٹیم فوری طور پر موقع پر پہنچ گئی اور پولیس کی موجودگی میں کارروائی کا آغاز کیا گیا۔
ریسکیو حکام کے مطابق تینوں لاشوں کو قانونی کارروائی اور ضروری معائنے کے لیے مردان میڈیکل کمپلیکس (ایم ایم سی) اسپتال منتقل کر دیا گیا ہے۔
ابتدائی اطلاعات کے مطابق جاں بحق افراد کی شناخت جلال، زوجہ جلال اور مصطفیٰ کے ناموں سے ہوئی ہے۔
واقعے کی وجوہات فوری طور پر سامنے نہیں آسکیں، جبکہ پولیس نے معاملے کی تحقیقات شروع کر دی ہیں۔ حکام کا کہنا ہے کہ پوسٹ مارٹم اور تفتیشی عمل مکمل ہونے کے بعد واقعے کی اصل نوعیت واضح ہو سکے گی۔
پولیس اور متعلقہ ادارے مختلف پہلوؤں سے واقعے کا جائزہ لے رہے ہیں، جبکہ اہلِ علاقہ میں واقعے کے بعد تشویش کی لہر دوڑ گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ