وزیر خزانہ سے سی ای اوسنجینٹا گروپ کی ملاقات؛ پاکستان میں زرعی ترجیحات پر تبادلہ خیال
اشاعت کی تاریخ: 24th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) عالمی اقتصادی فورم (World Economic Forum; WEF) کے سالانہ اجلاس 2026، منعقدہ ڈیووس(Davos) کےموقع پر، سنجینٹا گروپ کے چیف ایگزیکٹو آفیسر، جیف رَو (Jeff Rowe) نے پاکستان کے وزیرِ خزانہ، سینیٹر محمد اورنگزیب سے بالمشافہ ملاقات کی اور اُن کے ساتھ پاکستان کی زرعی ترجیحات اور باہمی تعاون کو مزید مضبوط بنانے کے مواقع پر تبادلۂ خیال کیا۔
اعلیٰ سطح کی اس ملاقات نے پاکستان کی اسٹریٹجک اہمیت کو ایک کلیدی شراکت دار اور جدت و سرمایہ کاری کے مرکز کے طور پر اجاگر کیا۔ گفتگو کے دوران پاکستان کے زرعی منظرنامے، شعبے کو درپیش چیلنجوں، پیداواری صلاحیت میں اضافہ اورپائیداری کو فروغ دینے کے مواقع پر تبادلۂ خیال کیا گیا۔ جناب رَو (Rowe)نے ٹیکنالوجی، جدت اور تکنیکی مہارت کے ذریعے پاکستان کی معاونت کے لیے سنجینٹا کے عزم کا اعادہ کیا جو زرعی ترقی کے لیے پاکستان کی ترجیحات سے ہم آہنگ ہے۔
ملاقات کے دوران وزیرِ خزانہ نے جناب رَو (Rowe) کو اُن کی آئندہ علاقائی مصروفیات کے دوران پاکستان کے دورے کی دعوت دی جو ملک کے زرعی نظام کو مضبوط بنانے میں نجی شعبے کے کردار کی مسلسل اہمیت کی عکاسی کرتا ہے۔ گفتگو میں اس امر پر بھی زور دیا گیا کہ پاکستان سنجینٹا کی عالمی قیادت کے لیے ایک ترجیحی منڈی کی حیثیت رکھتا ہے، اور بین الاقوامی پلیٹ فارموں اور فورموں پر مسلسل رابطہ اور تعاون جاری رہے گا۔
گروپ کی عالمی قیادت کی ٹیم کے لیےسنجینٹا پاکستان توجہ کا مرکز رہا ہے جس سے سنجینٹا کی طویل مدتی حکمتِ عملی اور سرمایہ کاری کے حوالے سے اس کی مسلسل ترجیحات میں پاکستان کی اہمیت کی عکاسی کرتا ہے۔ سنجینٹا سنہ 1956ء سے پاکستان میں فصلوں کے تحفظ کی مارکیٹ میں ایک نمایاں کردار ادا کر رہا ہے۔ کراچی میں اس کی پیداواری سہولت موجودہے، اور یہ جدت اور کسانوں کو مرکزیت دینے والے حل کے ذریعے اپنی سرگرمیوں کو مزید وسعت دیتا جا رہا ہے۔
اس کے علاوہ، گزشتہ ہفتے برلن،جرمنی، میں منعقد ہونے والے عالمی فورم برائے خوراک و زراعت ((Global Forum for Food & Agriculture; GFFA 2026کے موقع پر،سنجینٹا گروپ کی ایگزیکٹو نائب صدر برائے پائیداری، کارپوریٹ افیئر اینڈ ٹرانسفارمیشن، محترمہ الیگزینڈرا برانڈ(Alexandra Brand) نے پاکستان کے وفاقی وزیر برائے قومی غذائی تحفظ و تحقیق، جناب رانا تنویر حسین سے ملاقات کی۔ سنجینٹا کے وفد میں چیف سسٹین ایبلٹی آفیسر، محترمہ پیٹرا لاکس(Petra Laux) اور جرمنی میں سرکاری اُمور کی سربراہ محترمہ الینا گمپرٹ (Alina Gumpert) بھی شامل تھیں، جبکہ پاکستانی وزیر کے ہمراہ پاکستان کی سفیر برائے جرمنی، عزت مآب ثقلین سیدہ موجود تھیں۔
عالمی فورم برائے خوراک و زراعت کے موقع پر ہونے والی گفتگو میں پاکستان کے زرعی شعبے میں سنجینٹا کے مسلسل کردار اور ایگری ویلیو چین کے مختلف مراحل میں تعاون کو وسعت دینے کے مواقع پر توجہ مرکوز کی گئی۔ وفاقی وزیر نے مزید سرمایہ کاری کی حوصلہ افزائی کی، جبکہ محترمہ برانڈ نے پاکستان کو ایک اہم کاروباری مرکز کے طور پر اس کی اہمیت کو دوہراتے ہوئے کسانوں کی تربیت، حیاتیاتی سلوشنز اور زرعی ٹیکنالوجیز کے شعبوں میں ممکنہ عوامی و نجی شراکت داریوں کو اجاگر کیا۔
سنجینٹا کی عالمی قیادت کی ٹیم کے لیے اعلیٰ سطح کی یہ ملاقاتیں پاکستان میں کنٹری جنرل مینیجر، ذیشان بیگ اور کنٹری ہیڈ برائے کارپوریٹ افیئرز و سسٹین ایبلٹی،سید علی مرتضیٰ پر مشتمل سنجینٹا کی مقامی ٹیم نے اکتوبر 2025 میں حکومتِ پنجاب کی وزارتِ زراعت اور سنجینٹا گروپ کی چین کے درمیان ہونے والے کامیاب مکالمے کے تسلسل کے طور پر منظم کیں تھیں۔
سنجینٹا کی عالمی قیادت کی ٹیم کے لیے اعلیٰ سطح کی یہ ملاقاتیں پاکستان میں سنجینٹا پاکستان کی ٹیم کی کوششوں کا نتیجہ تھیں جس میں کنٹری جنرل مینیجر، ذیشان بیگ اور کنٹری ہیڈ برائے کارپوریٹ افیئرز و سسٹین ایبلٹی،سید علی مرتضیٰ شامل تھے۔ اکتوبر،2025ء میں وزارتِ زراعت ،حکومتِ پنجاب اور سنجینٹا گروپ کی چین کے درمیان ہونے والے کامیاب مکالمے بھی ان ہی ملاقاتوں کا تسلسل تھیں۔
سنجینٹا گروپ زرعی جدت میں ایک عالمی رہنما ہے، فصلوں کے تحفظ کے حوالے سے دنیا کی نمبر ایک کمپنی اور بیجوں کے شعبے میں تیسری بڑی کمپنی ہے، جو 90 سے زائد ممالک میں کام کر رہی ہے اور دنیا بھر میں پائیدار زراعت کے فروغ کے لیے سرگرمِ عمل ہے۔
ذریعہ
ذریعہ: Jasarat News
کلیدی لفظ: سنجینٹا گروپ کی کی عالمی قیادت پاکستان میں پاکستان کی پاکستان کے نے پاکستان سنجینٹا کی کی ٹیم کے لیے
پڑھیں:
وفاقی وزیر داخلہ محسن نقوی سے گورنر خیبرپختونخوا کی ملاقات
سٹی 42: وفاقی وزیر داخلہ محسن نقوی سے گورنر خیبرپختونخوا فیصل کریم کنڈی کی ملاقات ہوئی ۔ خیبرپختونخوا میں امن عامہ کی صورتحال اور دیگر اہم امور پر تفصیلی تبادلہ خیال کیاگیا ۔
ملاقات میں خیبرپختونخوا میں انسدادِ دہشتگردی کے لئے اٹھائے گئے اقدامات کا جائزہ لیا گیا۔گورنر خیبرپختونخوا نے صوبے کو درپیش سکیورٹی چیلنجز سے وفاقی وزیر داخلہ آگاہ کیا
وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلیجنس بیسڈ آپریشنز پر سکیورٹی فورسز کو خراج تحسین پیش کیا ۔ دونوں رہنماؤں کا دہشتگردی کے خلاف جنگ کے شہداء کو خراج عقیدت پیش کیا ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
محسن نقوی نے کہا خیبرپختونخوا میں قیام امن کیلئے سکیورٹی فورسز کی قربانیاں ناقابل فراموش ہیں۔وفاقی وزیر داخلہ محسن نقوی نے صوبہ خیبر پختونخوا میں امن و استحکام کے
لیے ہر ممکن تعاون کی یقین دہانی کروائی ۔
محسن نقوی نے کہا وفاقی حکومت خیبرپختونخوا میں قیام امن کیلئے خیبرپختونخوا حکومت کے ساتھ مکمل تعاون کر رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ