گل پلازہ کے ملبے سے برآمد ایک لاکھ روپے مالکان کے حوالے
اشاعت کی تاریخ: 25th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر)کراچی کے تجارتی مرکز گل پلازہ میں جہاں ایک طرف ملبے تلے دبے افراد کی تلاش کا کربناک عمل جاری ہے، وہیں ریسکیو اہلکاروں نے دیانت داری کی اعلیٰ مثال قائم کر دی۔ گزشتہ رات عمارت کے بیسمنٹ میں سرچنگ کے دوران ایک دکان سے بھاری مالیت کی نقد رقم برآمد کر کے اسے اصل حق داروں تک پہنچا دیا گیا۔ گزشتہ رات جب ٹیمیں بیسمنٹ میں متاثرہ دکانوں کی تلاشی اور صفائی میں مصروف تھیں، تو ایک دکان کے ملبے سے نقد رقم ملی۔ گنتی کرنے پر معلوم ہوا کہ یہ ایک لاکھ روپے سے زائدکی رقم تھی۔ ریسکیو حکام نے فوری طور پر متعلقہ دکاندار سے رابطہ کیا اور قانونی ضابطے پورے کرنے کے بعد تمام رقم مالک کے حوالے کر دی۔گل پلازہ کے تاجروں اور دکان کے مالکان نے ریسکیو ٹیم کی اس ایمانداری کو شدید سراہا ہے۔ متاثرہ تاجر کا کہنا تھا کہ اس قیامت خیز سانحے میں جہاں کروڑوں کا سامان راکھ ہو گیا، وہاں ریسکیو اہلکاروں کی جانب سے امانت کی اس طرح حفاظت کرنا قابلِ ستائش ہے۔
ذریعہ
ذریعہ: Jasarat News
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا