امریکا میں شدید برفانی طوفان، ہزاروں پروازیں منسوخ، 18 ریاستوں میں ایمرجنسی نافذ
اشاعت کی تاریخ: 25th, January 2026 GMT
امریکا میں شدید برفانی طوفان کے باعث ٹیکساس سے شمال مشرقی ریاستوں تک فضائی نظام شدید متاثر ہو گیا ہے۔ ہفتے کے روز کم از کم 18 ریاستوں میں ہنگامی حالت نافذ کر دی گئی، جبکہ ہزاروں پروازیں منسوخ یا تاخیر کا شکار ہوئیں۔
پولیٹیکو کے مطابق ہفتے اور اتوار کے دوران ملک بھر میں تقریباً 12 ہزار پروازیں منسوخ کی گئیں، جبکہ فلائٹ ایئر کے اعداد و شمار کے مطابق ہفتے کے روز امریکا کے اندر، امریکا آنے اور جانے والی 3,876 پروازیں منسوخ اور 2,783 تاخیر کا شکار ہوئیں۔
یہ بھی پڑھیے: امریکا میں شدید سرمائی طوفان، 10 ہزار پروازیں منسوخ، لاکھوں افراد متاثر
ٹیکساس کے شہر ڈلاس کا ڈیلاس فورٹ ورتھ انٹرنیشنل ایئرپورٹ سب سے زیادہ متاثر رہا، جہاں 717 روانہ ہونے والی پروازیں منسوخ اور 91 تاخیر کا شکار ہوئیں، جو مجموعی طور پر 81 فیصد منسوخ اور 10 فیصد تاخیر شدہ پروازوں کے برابر ہیں۔ اسی ایئرپورٹ پر آنے والی 683 پروازیں بھی متاثر ہوئیں، جن میں سے 77 فیصد منسوخ اور 7 فیصد تاخیر کا شکار رہیں۔
ڈلاس کے قریبی لیو فیلڈ ایئرپورٹ سے روانہ ہونے والی 93 پروازیں منسوخ اور 13 تاخیر کا شکار ہوئیں، جو بالترتیب 62 فیصد اور 8 فیصد بنتی ہیں۔ ٹینیسی کے نیش وِل انٹرنیشنل ایئرپورٹ پر بھی صورتحال تشویشناک رہی، جہاں روانہ ہونے والی 59 فیصد (148) پروازیں منسوخ اور 11 فیصد (26) تاخیر کا شکار ہوئیں، جبکہ آنے والی 72 فیصد (179) پروازیں منسوخ کر دی گئیں۔
محکمہ موسمیات کے مطابق برفانی طوفان راکی پہاڑوں سے مشرق کی جانب بڑھ رہا ہے اور جنوبی، وسطی اور شمال مشرقی ریاستوں کو اپنی لپیٹ میں لے چکا ہے۔ طوفان کے باعث متعدد علاقوں میں اسکول بند کر دیے گئے ہیں۔
یہ بھی پڑھیے: چترال میں گھر پر برف کا تودہ گرنے سے 9 مکین جاں بحق
جنوبی ریاستوں میں منجمد بارش جبکہ شمالی اور وسطی ریاستوں میں شدید برفباری ہو رہی ہے۔ آرکنساس کے شہر لِٹل راک میں ہفتے کی دوپہر تک 8 انچ برفباری ریکارڈ کی گئی، جبکہ واشنگٹن ڈی سی میں اتوار کی رات تک برف اور منجمد بارش کا امکان ہے۔
محکمہ موسمیات کے مطابق اگرچہ طوفان پیر تک کمزور پڑ جائے گا، تاہم اس کے بعد ایک ہفتے تک شدید سردی برقرار رہنے کا امکان ہے۔ حکام کا کہنا ہے کہ اس طوفان سے 180 ملین سے زائد افراد متاثر ہو سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا برفباری پرواز طوفان موسم.
ذریعہ
ذریعہ: WE News
کلیدی لفظ: امریکا پرواز طوفان تاخیر کا شکار ہوئیں پروازیں منسوخ اور ریاستوں میں کے مطابق
پڑھیں:
فراری کی پہلی الیکٹرک کار متعارف، رونمائی کے فوراً بعد تنقید کا طوفان
پُرتعیش گاڑیاں بنانے والی عالمی شہرت یافتہ کمپنی فراری کی پہلی مکمل الیکٹرک گاڑی منظرِ عام پر آتے ہی شدید تنقید کی زد میں آ گئی، جس کے اثرات کمپنی کی مارکیٹ پوزیشن پر بھی نمایاں طور پر دیکھے جا رہے ہیں۔
’لُوچے‘نامی اس نئی الیکٹرک گاڑی کو معروف ڈیزائنر سر جونی آئیو کے تخلیقی وژن کے تحت تیار کیا گیا ہے۔ اطالوی زبان میں ’لُوچے‘ کا مطلب ’روشنی‘ ہے۔ تاہم، گاڑی کا ڈیزائن اور مجموعی تصور صارفین اور ناقدین کی توقعات پر پورا نہ اتر سکا۔
فراری کی تاریخ میں پہلی بار متعارف کرائی گئی پانچ نشستوں والی اس الیکٹرک گاڑی کو غیرمعمولی کارکردگی کے ساتھ پیش کیا گیا ہے۔
کمپنی کے مطابق یہ گاڑی محض ڈھائی سیکنڈ میں صفر سے 96 کلومیٹر فی گھنٹہ کی رفتار حاصل کر سکتی ہے۔ اس کی قیمت 6 لاکھ 40 ہزار ڈالر، یعنی پاکستانی کرنسی میں تقریباً 18 کروڑ روپے رکھی گئی ہے۔
گاڑی کی تقریبِ رُونمائی میں اٹلی کی اہم شخصیات سمیت ملک کے صدر اور عیسائی برادری کے روحانی پیشوا پوپ لیو کو بھی مدعو کیا گیا تھا۔ تاہم، شاندار تقریب کے باوجود مارکیٹ کا ردِعمل فراری کے لیے حوصلہ افزا ثابت نہ ہو سکا۔
رونمائی کے صرف ایک دن بعد ہی کمپنی کے شیئرز کی قیمت میں آٹھ فی صد تک کمی ریکارڈ کی گئی، جسے سرمایہ کاروں کی مایوسی اور مارکیٹ کے منفی ردِعمل کی علامت قرار دیا جا رہا ہے۔
دوسری جانب ناقدین، سرمایہ کاروں اور بعض سیاسی شخصیات نے بھی گاڑی کے ڈیزائن اور تصور پر سوالات اٹھائے ہیں، جبکہ سوشل میڈیا پر اس کے منفرد انداز کو لے کر ملا جلا ردِعمل سامنے آ رہا ہے۔
ماہرین کا کہنا ہے کہ الیکٹرک گاڑیوں کی بڑھتی ہوئی عالمی مارکیٹ میں فراری کا یہ قدم تاریخی ضرور ہے، مگر کمپنی کو روایتی اسپورٹس کار کے شوقین صارفین کو قائل کرنے کے لیے مزید محنت کرنا پڑ سکتی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے