پاکستان علما کونسل کا افغان حکومت کے نئے فوجداری ضابطے پر تشویش کا اظہار
اشاعت کی تاریخ: 25th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان علما کونسل نے افغان حکومت کے نئے فوجداری ضابطے پر شدید تحفظات کا اظہار کیا ہے۔
پاکستان علما کونسل نے افغان حکام کے حالیہ احکامات پر ردِعمل دیتے ہوئے کہا ہے کہ شریعتِ اسلامیہ کے نام پر معاشرے کو غلام اور آزاد طبقات میں تقسیم کرنا انتہائی تشویشناک ہے۔ اعلامیے میں کہا گیا کہ افغان حکومت کے یہ احکامات قرآن و سنت کی حقیقی تعلیمات سے مطابقت نہیں رکھتے بلکہ بعض پہلوؤں سے ہندو مت کی روایات سے مشابہ نظر آتے ہیں۔
علما کونسل کا کہنا تھا کہ افغان طالبان حکومت خود کو ایک شرعی اسلامی حکومت قرار دیتی ہے، لہٰذا اس پر لازم ہے کہ وہ ان امور پر فوری طور پر اپنا واضح مؤقف دنیا کے سامنے رکھے۔ بیان میں زور دیا گیا کہ عہدِ جاہلیت کے قوانین اور رسومات کو اسلام کے نام پر دوبارہ نافذ کرنا کسی صورت درست نہیں۔
اعلامیے میں مزید کہا گیا کہ جس طرزِ عمل کو اختیار کیا گیا ہے وہ انسانی وقار، عزت اور حرمت کے منافی ہے۔ اس نوعیت کے احکامات کو نہ تو شرعی کہا جا سکتا ہے اور نہ ہی اسلامی، بلکہ یہ جدید دور کی جاہلیت کی عکاسی کرتے ہیں۔
ذریعہ
ذریعہ: Jasarat News
کلیدی لفظ: علما کونسل
پڑھیں:
پنجاب حکومت کا مفت سفر کی سہولت سے متعلق اہم پالیسی تبدیلی پر غور
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے لاہور سمیت صوبہ بھر میں شہریوں کو دی جانے والی مفت سفری سہولت کے مستقبل سے متعلق اہم پالیسی تبدیلی پر غور شروع کر دیا ۔ ذرائع کے مطابق مفت سفری سہولت کو پیٹرولیم مصنوعات کی قیمتوں سے مشروط کرنے کا فیصلہ کیا گیا ہے۔ محکمہ ٹرانسپورٹ کی جانب سے وزیراعلی پنجاب کو دی گئی بریفنگ میں بتایا گیا کہ اگر پیٹرول کی قیمتیں 300روپے فی لیٹر تک پہنچ جاتی ہیں تو مفت سفری سہولت فوری طور پر ختم کیے جانے کا امکان ہے، اس حوالے سے آئندہ ہفتے حتمی فیصلہ متوقع ہے۔ لاہور سمیت صوبہ بھر میں دی گئی مفت سفری سہولت میں مزید توسیع نہ کرنے کی تجویز بھی زیر غور ہے،اس کے ساتھ یہ امکان بھی ظاہر کیا جا رہا ہے کہ مفت سفر کی سہولت جلد ختم کر دی جائے۔(جاری ہے)
رپورٹ میں بتایا گیا کہ گزشتہ دو ماہ کے دوران صوبہ بھر میں 7کروڑ سے زائد مسافروں نے اس سہولت سے فائدہ اٹھایا۔یہ مفت سفری سہولت پیٹرولیم مصنوعات کی قیمتوں میں اضافے کے باعث متعارف کروائی گئی تھی اور اس کا اطلاق مختلف پبلک ٹرانسپورٹ سروسز پر کیا گیا تھا جن میں میٹرو بس، اورنج لائن ٹرین، الیکٹرو بس ،سپیڈو بس سروس سروس شامل تھیں۔
حکام کے مطابق موجودہ معاشی صورتحال اور ایندھن کی قیمتوں میں اتار چڑھا کو مدنظر رکھتے ہوئے اس پالیسی کا دوبارہ جائزہ لیا جا رہا ہے جبکہ حتمی فیصلہ اعلی سطحی مشاورت کے بعد کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ