روس میں ایک وقت میں غیر معمولی طور پر 2 سورج طلوع ہونے کا سا منظر
اشاعت کی تاریخ: 25th, January 2026 GMT
ماسکو (نیوز ڈیسک)روس میں حیران کن طور پر ایک ہی وقت میں 2 سورج طلوع ہونے کا سا منظر کیمرے کی آنکھ نے محفوظ کر لیا۔
غیر ملکی خبر رساں ادارے کے مطابق روس کے جزیرے سخالین کی فضا میں برف کے کرسٹلز جمنے سے ایک ہی سورج دو جگہوں سے طلوع ہوتا نظر آیا۔
روس میں درجہ حرارت انتہائی کم ہونے کی وجہ سے فضا میں برف کے کرسٹلز بننے سے یہ واقعہ رونما ہوا، آنکھوں کے سامنے اچانک 2 سورج نمودار ہونے پر شہری حیران رہ گئے۔
یہ غیر معمولی منظر سیکڑوں شہریوں نے دیکھا جبکہ اسے کمیرے کی آنکھ میں بھی محفوظ کر لیا گیا، سخالین میں آج درجہ حرارت منفی 23 ڈگری سیںٹی گریڈ تک گرنے کا امکان ہے۔
.
ذریعہ
ذریعہ: Daily Mumtaz
پڑھیں:
دریائے راوی میں نچلے درجے کا سیلاب، زرعی اراضی اور فصلیں زیرِ آب
رانا فرحان سعید:ساہیوال کے علاقے قطب شہانہ کے مقام پر دریائے راوی میں نچلے درجے کا سیلاب ریکارڈ کیا گیا ہے، جس کے باعث قریبی علاقوں میں زرعی اراضی زیرِ آب آنا شروع ہو گئی ہے۔
مقامی زمینداروں کے مطابق گزشتہ سال ٹوٹنے والے بند کی تاحال مرمت نہ ہونے سے سیلابی پانی موضع اورنگ آباد میں داخل ہو گیا ہے۔
سیلابی پانی کے باعث سینکڑوں ایکڑ زرعی اراضی متاثر ہوئی ہے، جبکہ 100 سے زائد ایکڑ پر کھڑی کماد، تل، مکئی اور دھان کی فصلیں زیرِ آب آ گئی ہیں۔ پانی داخل ہونے سے جانوروں کا چارہ بھی بہہ گیا، جس کے باعث کاشتکاروں کو بھاری مالی نقصان اٹھانا پڑ رہا ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
مقامی افراد کا کہنا ہے کہ سیلابی پانی اب موضع اورنگ آباد اور موسیٰ پور کی نواحی آبادیوں کی جانب بڑھ رہا ہے، جس سے مزید علاقوں کے متاثر ہونے کا خدشہ پیدا ہو گیا ہے۔
زمینداروں نے الزام عائد کیا ہے کہ ضلعی انتظامیہ کی غفلت کے باعث گزشتہ سال متاثر ہونے والے بند کی بروقت مرمت نہیں کی گئی، جس کے نتیجے میں انہیں مسلسل دوسرے سال بھی کروڑوں روپے کے نقصان کا سامنا کرنا پڑ رہا ہے۔
متاثرہ کاشتکاروں نے حکومت اور ضلعی انتظامیہ سے فوری حفاظتی اقدامات، بند کی ہنگامی بنیادوں پر مرمت اور متاثرین کے نقصانات کے ازالے کا مطالبہ کیا ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
بھارت سے جنگ اور افغانستان میں کارروائی خارج ازامکان نہیں، وزیردفاع