ٹی20 ورلڈکپ سے متعلق کھلاڑیوں سے بات چیت کے لیے محسن نقوی کی قومی ٹیم سے آج ملاقات متوقع
اشاعت کی تاریخ: 25th, January 2026 GMT
چیئرمین پاکستان کرکٹ بورڈ محسن نقوی آج قومی کرکٹ ٹیم سے ملاقات کریں گے جس میں آئندہ ٹی20 ورلڈکپ کپ کے حوالے سے ان سے گفتگو ہوگی۔
میڈیا رپورٹس کے مطابق محسن نقوی اس ملاقات کے دوران کھلاڑیوں کو اعتماد میں لیں گے اور ٹی20 ورلڈ کپ کے حوالے سے آئندہ کے لائحہ عمل پر تفصیلی بات چیت کریں گے۔
یہ بھی پڑھیے: محسن نقوی کی پی سی بی کو ٹی20 ورلڈ کپ کی تیاریاں عارضی طور پر روکنے کی ہدایت
یہ ملاقات ایک ایسے وقت میں ہورہی ہے جب گزشتہ روز لاہور میں پریس کانفرنس کرتے ہوئے محسن نقوی نے کہا تھا کہ بنگلہ دیش کے ساتھ زیادتی ہوئی ہے اور کوئی بھی ملک دوسرے کو ڈکٹیٹ نہیں کر سکتا، پاکستان ٹی20 ورلڈ کپ میں شرکت کرے گا یا نہیں، اس کا حتمی فیصلہ حکومت کرے گی۔
رپورٹ میں بتایا گیا ہے کہ کھلاڑیوں کے ساتھ اس اہم ملاقات میں چیئرمین پی سی بی ورلڈ کپ میں شرکت سے متعلق موجودہ صورتحال اور حکومتی فیصلوں سے بھی انہیں آگاہ کریں گے۔
یہ بھی پڑھیے: ایشیا کپ 2025 کی ٹرافی کہاں ہے؟ چیئرمین پی سی بی محسن نقوی نے بتا دیا
دوسری جانب وزیراعظم کے مشیر رانا ثناء اللہ نے کہا ہے کہ ٹی20 ورلڈ کپ کے معاملے پر پاکستان کو بنگلہ دیش کے ساتھ کھڑا ہونا چاہیے۔ ان کا کہنا تھا کہ جس طرح پاک بھارت معاملے میں فیصلہ کیا گیا، ویسا ہی فیصلہ بنگلہ دیش کے معاملے میں بھی ہونا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی سی بی کرکٹ محسن نقوی.
ذریعہ
ذریعہ: WE News
کلیدی لفظ: پی سی بی کرکٹ محسن نقوی ٹی20 ورلڈ کپ محسن نقوی پی سی بی
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا