سندھ کے عوام کے لیے خوشخبری، وفاقی حکومت نے معاشی اور تعلیمی ترقی کے لیے بڑے فیصلے کرلیے
اشاعت کی تاریخ: 25th, January 2026 GMT
وفاقی حکومت نے سندھ میں معاشی اور تعلیمی ترقی کے فروغ کے لیے اہم فیصلے کرلیے ہیں، جن کے تحت کراچی میں ایک نیا اکنامک زون قائم کیا جائے گا جبکہ ٹنڈو محمد خان اور کراچی کے علاقے گڈاپ ملیر میں ایک ایک دانش اسکول بھی تعمیر کیا جائے گا۔
حکومتِ پاکستان کے ترجمان برائے سندھ بیرسٹر راجا خلیق الزماں انصاری نے اپنے بیان میں کہاکہ یہ اقدامات وزیراعظم کی جانب سے سندھ کے عوام، بالخصوص کراچی کے تاجروں کے لیے ایک تحفہ ہیں۔
مزید پڑھیں: دریائے سندھ سے نہریں نکالنے کا منصوبہ ختم کیا جائے، مراد علی شاہ نے وفاقی حکومت گرانے کی دھمکی دیدی
ان کا کہنا تھا کہ وفاقی حکومت نے سندھ میں طویل المدتی بنیادوں پر تعلیمی اور معاشی ترقی کے منصوبے شروع کرنے کا فیصلہ کیا ہے۔
ترجمان کے مطابق وزیراعظم کی خصوصی ہدایات پر سندھ میں دو دانش اسکول قائم کیے جائیں گے، جن میں سے ایک ٹنڈو محمد خان اور دوسرا کراچی کے علاقے گڈاپ ملیر میں ہوگا۔
انہوں نے بتایا کہ یہ تعلیمی ادارے جدید سہولیات سے لیس ہوں گے اور کم وسائل رکھنے والے اور پسماندہ علاقوں کے بچوں کو معیاری تعلیم فراہم کرنے میں اہم کردار ادا کریں گے۔
انہوں نے مزید کہاکہ کراچی کے ضلع ملیر میں قائم کیے جانے والے اکنامک زون سے صنعتی سرگرمیوں میں اضافہ ہوگا، روزگار کے نئے مواقع پیدا ہوں گے اور مقامی معیشت کو تقویت ملے گی۔
بیرسٹر راجا خلیق الزماں انصاری کا کہنا تھا کہ وزیراعظم شہباز شریف کی قیادت میں وفاقی حکومت سندھ کی ترقی، نوجوانوں کے بہتر مستقبل اور معاشی خود کفالت کے لیے عملی اور ٹھوس اقدامات کر رہی ہے۔
ان کے مطابق تعلیم اور صنعت سے متعلق یہ منصوبے نہ صرف سندھ بلکہ پورے ملک کی ترقی کے لیے سنگِ میل ثابت ہوں گے۔
مزید پڑھیں: سوال ہی پیدا نہیں ہوتا کہ وفاقی حکومت نہروں کے منصوبے پر کام کرسکے، وزیراعلیٰ سندھ
ترجمان نے اس عزم کا اظہار کیاکہ وفاقی حکومت سندھ کے عوام کے ساتھ کھڑی ہے اور ترقیاتی منصوبوں میں کسی بھی قسم کے امتیاز کے بغیر تمام علاقوں کو شامل کیا جا رہا ہے، تاکہ عوام کو حقیقی معنوں میں خوشحالی اور ریلیف فراہم کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews خوشخبری سندھ کے عوام معاشی ترقی وفاقی حکومت وی نیوز.
ذریعہ
ذریعہ: WE News
کلیدی لفظ: سندھ کے عوام وفاقی حکومت وی نیوز سندھ کے عوام وفاقی حکومت کراچی کے ترقی کے کے لیے
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا