حکومت کے خلاف تشدد کو فروغ دینا اور لوگوں کو اکسانا داخلی دہشت گردی ہے، امریکہ
اشاعت کی تاریخ: 25th, January 2026 GMT
وزیر داخلہ نے مینیسوٹا کے گورنر ٹیم والز اور مینیاپولس کے میئر جیکوب فری کیخلاف الزام لگایا ہے کہ وہ وفاقی افسران کے خلاف تشدد کو بھڑکا رہے ہیں، صدر ٹرمپ شورش کا قانون نافذ کرنے کے لئے تیار ہیں۔ اسلام ٹائمز۔ امریکہ کے وزیر داخلہ نے امریکی امیگریشن افسران کے ہاتھوں مارے گئے ایک نوجوان کو دہشت گرد قرار دیا ہے اور کہا ہے کہ حکومت کے خلاف تشدد کو فروغ دینا یا اکسانا داخلی دہشت گردی کے زمرے میں آتا ہے۔ واضح رہے کہ ایک میل نرس ٹرمپ کی امیگریشن پالیسیوں کے خلاف مظاہروں میں شریک تھا، اس کو امریکی امیگریشن اور کسٹمز ایجنسی کے افسران نے گولی مار کر قتل کر دیا۔ امریکہ کے وزیر داخلہ، کرسٹی نوئم نے اس نوجوان کو داخلی دہشت گرد قرار دیتے ہوئے کہا ہے کہ اگر آپ حکومت کے خلاف تشدد کو فروغ دیتے ہیں یا اکساتے ہیں، تو یہ داخلی دہشت گردی کی تعریف میں آتا ہے۔
اس کے علاوہ وزیر داخلہ نے مینیسوٹا کے گورنر ٹیم والز اور مینیاپولس کے میئر جیکوب فری کیخلاف الزام لگایا ہے کہ وہ وفاقی افسران کے خلاف تشدد کو بھڑکا رہے ہیں۔ نوئم نے مزید کہا کہ صدر ٹرمپ شورش کا قانون نافذ کرنے کے لئے تیار ہیں۔ واضح رہے کہ ان کے بیانات اس وقت سامنے آئے ہیں جب شہریوں نے واقعے کی ویڈیو ریکارڈنگ نشر کی ہے جس میں مارے گئے نوجوان الیکس پرٹی کو فون کے ساتھ دیکھا گیا ہے اور اس کے ہاتھ میں کوئی ہتھیار نظر نہیں آتا۔ پرٹی کے اہل خانہ نے ایک بیان میں کہا کہ وہ ایک میل نرس تھا اور اپنی زندگی کو مثبت تبدیلی کے لئے وقف کرنا چاہتا تھا، ہمارے بیٹے کے بارے میں حکومت کی طرف سے بیانات شرمناک اور نفرت انگیز ہیں۔
ذریعہ
ذریعہ: Islam Times
کلیدی لفظ: کے خلاف تشدد کو وزیر داخلہ داخلی دہشت
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی