قانون اور اختیار کے نام پر ماورائے آئین اقدامات تشویشناک ہیں: فرحت اللّٰہ بابر
اشاعت کی تاریخ: 25th, January 2026 GMT
فرحت اللّٰہ بابر—فائل فوٹو
پیپلز پارٹی کے رہنما فرحت اللّٰہ بابر نے کہا ہے کہ نائن الیون کے بعد دنیا کی سیاست اور سلامتی کے تصورات یکسر تبدیل ہوئے، دہشت گردی کے خلاف جنگ نے خطے کو براہِ راست متاثر کیا۔
فرحت اللّٰہ بابر نے اسلام آباد میں شہید ذوالفقار علی بھٹو یونیورسٹی میں سیمینار سے خطاب کرتے ہوئے کہا کہ قانون اور اختیار کے نام پر ماورائے آئین اقدامات تشویش ناک ہیں۔
انہوں نے کہا کہ تحقیقات کے بغیر الزامات لگانا انصاف کے اصولوں کے منافی ہے۔
سینئر پی پی پی رہنما نے کہا کہ طاقت ور طبقات کو بھی قانون کے دائرے میں آنا ہو گا، جمہوریت شفافیت اور جوابدہی کے بغیر مضبوط نہیں ہو سکتی۔
فرحت اللّٰہ بابر نے کہا کہ اختلافِ رائے کو دبانا مسائل کا حل نہیں، ریاست کو اپنے شہریوں کے بنیادی حقوق کا تحفظ یقینی بنانا ہو گا۔
ان کا یہ بھی کہنا ہے کہ خوف کے ماحول میں آزاد رائے پنپ نہیں سکتی، پاکستان کو آئین کی بالادستی کی طرف واپس جانا ہو گا۔
.
ذریعہ
ذریعہ: Jang News
پڑھیں:
نیب مقدمات کی سماعت کا اختیار وفاقی آئینی عدالت کو منتقل، سپریم کورٹ نے محفوظ فیصلہ سنا دیا
سپریم کورٹ نے نیب قانون میں کی گئی ترامیم کے بعد عدالتی دائرہ اختیار سے متعلق اہم مقدمے کا محفوظ شدہ فیصلہ سنا دیتے ہوئے قرار دیا ہے کہ قومی احتساب بیورو (نیب) سے متعلق تمام مقدمات اب وفاقی آئینی عدالت میں سنے جائیں گے۔
جسٹس محمد علی مظہر نے مختصر فیصلہ سناتے ہوئے کہا کہ نیب قانون میں ترامیم کے بعد سپریم کورٹ کو نیب مقدمات کی سماعت کا اختیار حاصل نہیں رہا، اس لیے نیب سے متعلق تمام زیر التوا اور آئندہ مقدمات وفاقی آئینی عدالت کو منتقل کیے جائیں گے۔
یہ بھی پڑھیں:ایرانی ڈیزل اسمگلنگ کیس: وفاقی آئینی عدالت نے اہم سوالات اٹھا دیے
سپریم کورٹ نے اپنے فیصلے میں نیب اور وفاقی حکومت کا مؤقف درست قرار دیتے ہوئے کہا کہ آئین کے آرٹیکل 175، نیب آرڈیننس کے سیکشن 32 اور 32 اے کے تحت نیب مقدمات کی سماعت کے لیے وفاقی آئینی عدالت ہی مجاز فورم ہے۔
سپریم کورٹ نے اس معاملے پر فریقین کے تفصیلی دلائل سننے کے بعد 16 جولائی کو فیصلہ محفوظ کیا تھا، جو جمعہ کو سنایا گیا۔
اس فیصلے کے بعد نیب سے متعلق تمام مقدمات کی سماعت اب وفاقی آئینی عدالت میں ہوگی، جبکہ سپریم کورٹ ان مقدمات کی سماعت نہیں کرے گی۔ یہ فیصلہ نیب مقدمات کے عدالتی دائرہ اختیار سے متعلق ایک اہم آئینی نظیر قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان نے ورلڈ کپ 2028 کیلیے براہ راست کوالیفائی کر لیا