وزیراعلیٰ پنجاب مریم نواز نے 47 ارب روپے کے ’رمضان نگہبان پیکج‘ کی منظوری دیدی
اشاعت کی تاریخ: 26th, January 2026 GMT
وزیراعلیٰ پنجاب مریم نواز شریف نے 47 ارب روپے کے رمضان نگہبان پیکج کی منظوری دے دی ہے۔
رمضان شروع ہونے سے پہلے ہی وزیراعلی پنجاب مریم نواز شریف نے 47 ارب روپے کے”رمضان نگہبان پیکج کی منظوری دے دی۔رمضان کے بابرکت مہینے میں کوئی دسترخوان خالی نہیں رہےگااور نہ ہی کوئی مستحق تنہا۔
۱:- 42 لاکھ مستحق خاندانوں کو دس،دس ہزار روپے ملیں گے۔
۲:- نادار افراد کو “نگہبان کارڈز”… pic.
— Azma Zahid Bokhari (@AzmaBokhariPMLN) January 26, 2026
وزیراعلیٰ مریم نواز کا کہنا ہے کہ رمضان کے بابرکت مہینے میں کوئی دسترخوان خالی نہیں رہے گا اور نہ ہی کوئی مستحق فرد تنہا ہوگا۔
وزیر اطلاعات پنجاب عظمیٰ بخاری کے مطابق اس پیکج کے تحت صوبے بھر کے 42 لاکھ مستحق خاندانوں کو 10،10 ہزار روپے فراہم کیے جائیں گے جبکہ نادار افراد کو نگہبان کارڈز مہیا کیے جائیں گے۔
عظمیٰ بخاری نے کہاکہ اس کے علاوہ پنجاب بھر میں ’مریم کے مہمان‘ کے نام سے دسترخوان لگائے جائیں گے اور عوام کو سہولت فراہم کرنے کے لیے رمضان سہولت بازار بھی قائم کیے جائیں گے۔
’رمضان نگہبان پیکج کا مقصد مہنگائی کے دباؤ کو کم کرنا اور مستحق افراد کو رمضان کے دوران ریلیف فراہم کرنا ہے۔‘
مزید پڑھیں: وزیراعظم نے رمضان پیکج کا تھرڈ پارٹی آڈٹ کروانے کی ہدایت کردی
واضح رہے کہ رمضان المبارک میں ہر سال حکومت کی جانب سے مستحق افراد کے لیے پیکج کا اعلان کیا جاتا ہے، جبکہ وفاقی حکومت بھی مستحقین کی مدد کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews رمضان نگہبان پیکج مریم نواز وزیراعلٰی پنجاب وی نیوز
ذریعہ
ذریعہ: WE News
کلیدی لفظ: رمضان نگہبان پیکج مریم نواز وی نیوز رمضان نگہبان پیکج مریم نواز جائیں گے
پڑھیں:
نواز شریف کل میرپور میں انتخابی جلسے سے خطاب کریں گے
آزاد جموں و کشمیر کے عام انتخابات 2026ء کے سلسلے میں پاکستان مسلم لیگ نون کے صدر 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔ اسلام ٹائمز۔ آزاد جموں و کشمیر کے عام انتخابات 2026ء کے پہلے مرحلے میں میرپور ڈویژن میں پولنگ 27 جولائی کو ہوگی۔ اس سلسلے میں پاکستان مسلم لیگ (ن) کے صدر اور سابق وزیراعظم میاں نواز شریف 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔جلسے میں وزیر اعلیٰ پنجاب مریم نواز شریف اور پارٹی کے دیگر رہنما بھی شرکت کریں گے۔ قائداعظم سٹیڈیم میں جلسے کی تیاریاں جاری ہیں جبکہ سٹیج کی تعمیر کے لیے کنٹینرز بھی پہنچا دیئے گئے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا