پاکستان اور میانمار کے درمیان مفاہمت کی یادداشت پر دستخط
اشاعت کی تاریخ: 26th, January 2026 GMT
اسلام آباد(نیوزڈیسک)پاکستان اور میانمار کے درمیان مفاہمت کی یادداشت پر دستخط ہوگئے۔ یادداشت کا مقصد دونوں ممالک کے درمیان رابطوں کو مزید مضبوط بنانا ہے۔
اسلام آباد میں میانمار کے وزیر خارجہ تھان سوی نائب وزیراعظم اسحاق ڈار نے کہا کہ پاکستان اور میانمار کےتعلقات باہمی احترام پر مبنی ہیں، میانمار کے ساتھ تمام شعبوں میں تعلقات کو فروغ دینا چاہتے ہیں۔ پاکستان میانمار میں امن ،ترقی اور خوشحالی چاہتا ہے۔
اسحاق ڈار کا کہنا تھا کہ ہم باہمی مفاد کے شعبوں میں تعاون کو فروغ دینے کیلئے پرعزم اور دلچسپی رکھتے ہیں، ثقافت ،سیاحت سمیت دیگر شعبوں میں تعاون کے مواقع موجود ہیں۔
اس موقع پر میانمار کے وزیر خارجہ نے کہا کہ نائب وزیراعظم اسحاق ڈار کے ساتھ مفید بات چیت ہوئی، زراعت ،تجارت سمیت دیگر شعبوں میں تعلقات کے فروغ کا جائزہ لیا گیا، پاکستان کے ساتھ مختلف شعبوں میں تعاون کیلئے تیار ہیں، مشکلات اور چیلنجزکے باوجود رابطوں کو قابل قدربنائیں گے۔
تھان سوی کا کہنا تھا کہ پاکستان اور میانمار کے درمیان تعاون کو مزید مضبوط بنائیں گے، سیاحت کے شعبے میں تعاون کو فروغ دیا جائے گا، مستقبل میں ایک دوسرے کے تجربات سے فائدہ اٹھائیں گے۔
.
ذریعہ
ذریعہ: Daily Mumtaz
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا