وزیراعلیٰ سہیل آفریدی نے لازمی رقوم کی عدم ادائیگی پر وزیراعظم کو خط بھیج دیا
اشاعت کی تاریخ: 26th, January 2026 GMT
وزیراعلیٰ خیبر پختونخوا محمد سہیل آفریدی نے وفاقی حکومت کی جانب سے آئینی طور پر لازم وفاقی رقوم کی عدم ادائیگی پر وزیراعظم پاکستان کو باضابطہ خط ارسال کر دیا ہے۔
وزیراعلیٰ نے خط میں واضح کیا ہے کہ وفاقی رقوم کی منتقلی میں مسلسل تاخیر صوبے کو شدید مالی بحران سے دوچار کر رہی ہے، جس کے نتیجے میں صوبائی گورننس، بجٹ عمل درآمد اور عوامی خدمات کی فراہمی بری طرح متاثر ہو رہی ہے۔
وزیراعلیٰ نے اپنے خط میں نشاندہی کی کہ صوبائی بجٹ آئینی مالی حقوق اور متوقع وفاقی ریلیزز کی بنیاد پر تیار کیا گیا تھا، تاہم عملی طور پر اصل ریلیز بجٹ اہداف سے نمایاں طور پر کم رہی ہیں۔
انہوں نے خط میں لکھا ہے کہ وفاقی قابل تقسیم پول سے 658 ارب روپے کے مقابلے میں اب تک صرف 604 ارب روپے موصول ہوئے ہیں، جس کے باعث 54 ارب روپے کا واضح شارٹ فال پیدا ہوا ہے، جس نے کیش مینجمنٹ اور ترقیاتی و سماجی منصوبوں کی بروقت تکمیل کو شدید متاثر کیا ہے۔
محمد سہیل آفریدی نے اس امر پر زور دیا کہ خیبر پختونخوا دہشت گردی کے خلاف جنگ میں فرنٹ لائن صوبہ ہے اور قومی سطح پر بھاری اخراجات برداشت کر رہا ہے۔
انسداد دہشت گردی، سیلاب سے بحالی، عارضی طور پر بے گھر افراد کی دیکھ بھال اور امن و امان کے قیام جیسے امور پر آنے والا مالی بوجھ غیر منصفانہ طور پر صوبے پر ڈالا جا رہا ہے، جو درحقیقت قومی ذمہ داریاں ہیں۔
انہوں نے کہا کہ نیٹ ہائیڈل منافع، آئل اینڈ گیس رائلٹیز اور این ایف سی منتقلیاں آئینی واجبات ہیں اور معمول کی ماہانہ این ایف سی منتقلی روکنا نہ صرف آئین بلکہ کوآپریٹو فیڈرلزم کی روح کے بھی منافی ہے۔
خط میں وزیراعلیٰ نے ضم شدہ اضلاع کی صورتحال پر بھی شدید تشویش کا اظہار کیا اور کہا کہ ان اضلاع کے لیے صوبائی سطح پر 292 ارب روپے مختص کیے گئے تھے جبکہ وفاق کی جانب سے اب تک صرف 56 ارب روپے جاری کیے گئے ہیں، وفاقی سطح پر تاخیر نے انضمام کے مقاصد کو نقصان پہنچایا ہے اور اس سے قومی یکجہتی بھی کمزور ہو رہی ہے۔
وزیراعلیٰ خیبر پختونخوا نے وزیراعظم سے مطالبہ کیا ہے کہ وفاقی واجبات کی فوری اور غیر مشروط ادائیگی یقینی بنائی جائے کیونکہ مزید تاخیر صوبے پر مالی دباؤ میں اضافے کا باعث بنے گی۔
انہوں نے زور دیا کہ این ایف سی منتقلی، نیٹ ہائیڈل منافع، تیل و گیس رائلٹیز اور ضم شدہ اضلاع کے فنڈز آئینی تقاضوں کے مطابق فوری طور پر جاری کیے جائیں۔
خط کے اختتام پر وزیراعلیٰ نے معاملے کی سنگینی کے پیش نظر وزیراعظم کی فوری اور ذاتی توجہ کا مطالبہ کیا اور کہا کہ اس معاملے میں مزید تاخیر صوبے پر مزید مالی دباؤ کا باعث بنے گی۔
.
ذریعہ
ذریعہ: Nawaiwaqt
کلیدی لفظ: ارب روپے
پڑھیں:
اے جی پی آر کا کلیمز جمع کرانے کی آخری تاریخ کا اعلان
تصویر، فیس بکاکاؤنٹنٹ جنرل آف پاکستان ریونیو (اے جی پی آر) نے مالی سال 26-2025 کی ادائیگیوں کے کلیمز جمع کرانے کی آخری تاریخ کا اعلان کردیا۔
اے جی پی آر کے اعلامیے کے مطابق تمام ڈرائینگ اور ڈسبرسنگ آفیسرز کو حالیہ کلیمز 12 جون تک جمع کرانا ہوں گے۔
اعلامیے کے مطابق 12 جون 2026ء تک جاری کردہ ٹوکنز پر تمام غیرمنظور شدہ بلوں کو دوبارہ جمع کرانے کی تاریخ 15 جون ہوگی۔
اعلامیے کے مطابق اے جی پی آر اسلام آباد اور ذیلی دفاتر کےاسائنمنٹ اکاؤنٹس کےلیے ریلیز جمع کرانے کی آخری تاریخ 19 جون ہوگی۔
اے جی پی آر کے اعلامیے کے مطابق 12 جون 2026ء کے بعد اعزازیہ کا کوئی کلیم قبول نہیں کیا جائے گا۔ موجودہ مالی سال سے متعلق تنخواہ کے چیک رواں مالی سال کے اختتام پر زائد المعیاد ہوجائیں گے۔
اے جی پی آر کے اعلامیے کے مطابق 30 جون 2026ء کے بعد موجودہ مالی سال کےلیے کوئی متبادل چیک جاری نہیں کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ