جامعہ کراچی؛ آئی سی سی بی ایس میں رکن سینڈیکیٹ کے بغیر سلیکشن بورڈ کی تیاری
اشاعت کی تاریخ: 26th, January 2026 GMT
جامعہ کراچی کے ’’انٹرنیشنل سینٹر فار کیمیکل اینڈ بائیولوجیکل سائنسز‘‘ آئی سی سی بی ایس کی موجودہ انتظامیہ کی جانب سینڈیکیٹ کی نمائندگی کے بغیر سلیکشن بورڈ کرانے کی تیاری کرلی گئی یے اور پروفیسر کی اسامی کے لیے یہ سلیکشن بورڈ منگل کو ہورہا ہے، جس میں سینڈیکیٹ کا نمائندہ شریک نہیں ہوگا۔
یاد رہے کہ سینڈیکیٹ جامعہ کراچی کا فیصلہ ساز ادارہ ہے جس کی نمائندگی یونیورسٹی کے تمام انسٹی ٹیوٹس کے سلیکشن بورڈز سمیت یونیورسٹی کے شعبوں کے لیے قائم سلیکشن بورڈ میں ہونی لازمی ہے اور اس ضمن میں جامعہ کراچی کی سینڈیکیٹ نے اپنے حال ہی میں منعقدہ اجلاس میں ایک سابق بیوروکریٹ اور سینڈیکیٹ میں وزیر اعلی سندھ کے نمائندے سہیل اکبر شاہ کو آئی سی سی بی ایس کے سلیکشن بورڈ میں نمائندگی دی ہے۔
خود شعبہ جات کے سلیکشن بورڈ کے لیے سینڈیکیٹ نے صادقہ صلاح الدین کو نمائندگی دی گئی ہے۔ تاہم آئی سی سی بی ایس کے لیے منگل کو ہونے والے پروفیسر کے سلیکشن بورڈ میں سہیل اکبر شاہ کو خط جاری نہیں کیا گیا۔
جامعہ کراچی کے آفیشل ذرائع اس کی وجہ یوں بیان کرتے ہیں کہ ’’چونکہ ابھی سینڈیکیٹ کی روداد سرکولیشن کے ذریعے منظور ہی نہیں ہوئی لہزا سہیل اکبر شاہ کا نوٹیفکیشن بھی جاری نہیں ہوا ہے اسی سبب سے انھیں سلیکشن بورڈ میں بحیثیت رکن مدعو نہیں کیا جارہا‘‘۔
مزید پڑھیںکراچی یونیورسٹی کی اراضی پر شروع کیا گیا پیٹرول پمپ سیل
ڈپٹی کمشنر ایسٹ نے جامعہ کراچی کی اراضی پر قائم کیے جانے والے پمپ کا این او سی منسوخ کردیا
سانحہ گل پلازہ؛ 6سوختہ لاشوں کے نمونے ڈی این اے کیلیے جامعہ کراچی لیب کو موصول
قابل ذکر بات یہ ہے کہ جامعہ کراچی کے مختلف شعبہ جات کے سلیکشن بورڈ کئی ماہ کی تاخیر کے بعد اب 2 فروری کو ہورہے ہیں جس میں جامعہ کراچی کی انتظامیہ متعلقہ رکن سینڈیکیٹ صادقہ صلاح الدین کو مدعو کررہی ہے اور چونکہ کئی ماہ سے جامعہ کراچی کے اپنے سلیکشن بورڈ میں رکن سینڈیکیٹ کی نمائندگی نہیں تھی اس لیے یونیورسٹی انتظامیہ نے اصول قوائد کا خیال رکھتے ہوئے یہ سلیکشن بورڈ منعقد نہیں کیے تاکہ کسی قسم کا قانونی یا اخلاقی اعتراض کا جواز نہ بن سکے تاہم اس کے برعکس آئی سی سی بی ایس رکن سینڈیکیٹ کے نوٹیفکیشن کا انتظار کیے بغیر ان کی عدم موجودگی میں یہ کہہ کر سلیکشن بورڈ کرارہا ہے کہ "بورڈ کا کورم پورا ہے"۔
ذرائع کا کہنا ہے کہ آئی سی سی بی ایس کے سلیکشن بورڈ میں سینڈیکیٹ کے سابقہ نمائندے کی رکنیت تو کئی ماہ قبل پوری ہوچکی تھی تاہم سلیکشن بورڈ کا اجلاس عین اس وقت انتہائی عجلت نئھ نمائندے کے نوٹیفکیشن کے اجراء سے قبل بلایا گیا ہے جس سے سوالات و شکوک و شبہات جنم لے رہے ہیں۔
ادھر اس معاملے پر ’’ایکسپریس‘‘ نے آئی سی سی بی ایس کے ڈائریکٹر پروفیسر ڈاکٹر رضا شاہ سے رابطہ کیا تاہم وہ رابطے سے گریز کرتے رہے اور فون اور میسج کا کوئی جواب نہیں دیا۔
ادھر یہ بھی معلوم ہوا ہے کہ پروفیسر کی اسامی کے لئے ایک امیدوار کے ریسرچ پیپر ایک سے زائد بار اعتراض کے ساتھ retract ہوچکے ہیں پہلی بار 2022 اور ازاں بعد ایک بار پھر یہ پیپر retract ہوگئے جسے سائنس و ریسرچ کی دنیا میں ایک عیب سمجھا جاتا ہے تاہم اس کے باوجود متعلقہ امیدوار کو پروفیسر بنانے کی کوشش کی جارہی ہے جس پر ادارے میں شدید چہ مہ گوئیاں ہورہی ہیں لیکن انتظامیہ اس پر کام نہیں دھر رہی۔
.
ذریعہ
ذریعہ: Express News
کلیدی لفظ: آئی سی سی بی ایس کے سلیکشن بورڈ میں جامعہ کراچی کے کے سلیکشن بورڈ رکن سینڈیکیٹ کے لیے
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار