یونان کشتی حادثے کے مرکزی ملزم ثاقب ججا کی عبوری ضمانت میں 12 فروری تک توسیع
اشاعت کی تاریخ: 27th, January 2026 GMT
فائل فوٹو
لاہور ہائیکورٹ نے یونان کشتی حادثے کے مرکزی ملزم ثاقب ججا کی عبوری ضمانت میں 12 فروری تک توسیع کردی۔
چیف جسٹس لاہور ہائیکورٹ جسٹس عالیہ نیلم نے یونان کشتی حادثے کے مرکزی ملزم ثاقب ججا کی عبوری ضمانت کی درخواست پر سماعت کی۔
اس موقع پر مدعی کے وکیل نے کہا کہ مدعیوں نے بیان دیا ہے کہ ثاقب ججا ہمارا ملزم نہیں۔
وفاقی حکومت کے وکیل نے کہا کہ ان مدعیوں کی درخواست پر ہی ایف آئی اے نے کارروائی کی، اب یہ کہہ رہے ہیں کہ یہ ہمارا ملزم نہیں ہے۔
چیف جسٹس عالیہ نیلم نے کہا کہ آپ ایک ظالم کو بچانے کی کوشش کر رہے ہیں، انسانی زندگی کی کوئی قیمت ہے یا نہیں، میڈیا شور مچاتا ہے کہ ادارے کام نہیں کرتے، آپ نے خود درخواست دی اب کہہ رہے ہیں کہ یہ ہمارا ملزم نہیں۔
یونان میں پیش آنے والے کشتی حادثے میں جاں بحق ہونے والے مزید 4 پاکستانیوں کی لاشیں مل گئیں۔
مدعی جمیل نے کہا کہ میں قرآن پر حلف دیتا ہوں۔
چیف جسٹس عالیہ نیلم نے کہا کہ قرآن بہت بڑا ہے ہم اس کا بوجھ نہیں اٹھا سکتے۔
چیف جسٹس نے ایف آئی اے سے استفسار کیا کہ کیا ان کا بچہ اس حادثے میں بچ گیا تھا۔
وفاقی حکومت کے وکیل نے کہا کہ جی تین مدعیوں کے بچے یونان حادثے میں بچ گئے تھے۔
چیف جسٹس عالیہ نیلم نے کہا کہ آپ خوش قسمت ہیں کہ آپ کا بچہ بچ گیا تھا، ظالم کو بچانے کی کوشش مت کریں، جو کہتے ہیں یہ سادہ لوگ ہیں، یہ سادہ لوگ نہیں ہیں، آپ لوگ عدالت میں سچ نہیں بول رہے، یہ ملک ایسے ٹھیک نہیں ہوگا آگے آنا پڑے گا۔
علاوہ ازیں عدالت نے تمام مدعیوں کو کل 12 بجے اسپشل سینٹرل کورٹ میں پیش ہونے کا حکم دے دیا۔
چیف جسٹس عالیہ نیلم نے کہا کہ ان سب کے بیانات کی تصدیق کریں، ان کے انگوٹھوں کے نشانات کا فرانزنک کرائیں، اگر ثابت ہوا کہ مدعیوں نے درخواست دی تھی تو پھر جھوٹا بیان دینے پر ان کے خلاف کارروائی کریں گے۔
.
ذریعہ
ذریعہ: Jang News
کلیدی لفظ: کشتی حادثے یونان کشتی
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا