ٹی ٹوئنٹی ورلڈ کپ کوریج: آئی سی سی کا بنگلا دیشی صحافیوں کو ایکریڈیشن دینے سے انکار
اشاعت کی تاریخ: 27th, January 2026 GMT
data-id="863a0a8" data-element_type="widget" data-widget_type="theme-post-content.default">
انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپ کی کوریج کے لیے بنگلا دیشی صحافیوں کو ایکریڈیشن دینے سے انکار کر دیا ہے۔
بنگلا دیشی میڈیا کے مطابق سری لنکا اور بھارت میں ہونے والے میچز کے لیے کسی بھی بنگلا دیشی صحافی کو ایکریڈیشن جاری نہیں کی گئی جبکہ متعدد صحافیوں کی پہلے منظور شدہ ایکریڈیشن بعد میں منسوخ کر دی گئی۔
بنگلا دیشی صحافیوں کا کہنا ہے کہ بعض رپورٹرز کو پہلے ایکریڈیشن کی تصدیقی ای میل موصول ہوئی تاہم بعد ازاں مسترد ہونے کی ای میل بھیج دی گئی۔ سینئر صحافیوں کے مطابق ماضی میں ایسا نہیں ہوا کیونکہ آئی سی سی عام طور پر ایسوسی ایٹ یا غیر شریک ٹیموں کے صحافیوں کو بھی کوریج کی اجازت دیتا رہا ہے۔
بنگلا دیش کے اسپورٹس صحافیوں کی تنظیموں نے اس اقدام پر شدید تشویش کا اظہار کرتے ہوئے آئندہ کے لائحہ عمل کا اعلان جلد کرنے کا عندیہ دیا ہے۔ صحافی تنظیموں کا کہنا ہے کہ آئی سی سی کی جانب سے ایکریڈیشن مسترد کرنے کی کوئی باضابطہ وضاحت نہیں دی گئی جس سے شکوک و شبہات جنم لے رہے ہیں۔
دوسری جانب بنگلا دیش کرکٹ بورڈ کی میڈیا کمیٹی کے چیئرمین امزاد حسین نے تصدیق کی ہے کہ 130 سے 150 بنگلا دیشی صحافیوں نے ایکریڈیشن کے لیے درخواست دی تھی تاہم تمام درخواستیں مسترد کر دی گئیں۔ ذرائع کے مطابق آئی سی سی نے اب صحافیوں کی نمائندہ تنظیم سے نئی فہرست طلب کر لی ہے اور امکان ہے کہ سری لنکا میں ہونے والے میچز کے لیے بنگلا دیشی صحافیوں کو ایکریڈیشن جاری کر دی جائے گی۔
.
ذریعہ
ذریعہ: Jasarat News
کلیدی لفظ: بنگلا دیشی صحافیوں کو ایکریڈیشن صحافیوں کو کے لیے
پڑھیں:
بابوسر ٹاپ 8 جون تک ہر قسم کی ٹریفک کیلئے بند
مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ اسلام ٹائمز۔ بابوسر ٹاپ روڈ 8 جون تک ہر قسم کی ٹریفک کے لیے بند رہے گی۔ مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ انتظامیہ کے مطابق عوام غیر ضروری سفر سے گریز کریں اور پولیس و ضلعی انتظامیہ کے ساتھ تعاون کریں۔ مزید معلومات اور تازہ ترین صورتحال سے آگاہی کے لیے ڈپٹی کمشنر دیامر آفس 05812920055 دیامر پولیس کنٹرول روم 05812930037 پولیس ہیلپ لائن 15 پر رابطہ کریں۔
وزارت آئی ٹی نے 1.67 ارب روپے سے زاید کے فنڈز طلب کرلیے