پاکستان نے بھارتی جارحیت کا جواب اقوامِ متحدہ کے منشور کے مطابق دیا، عاصم افتخار
اشاعت کی تاریخ: 27th, January 2026 GMT
data-id="863a0a8" data-element_type="widget" data-widget_type="theme-post-content.default">
اقوامِ متحدہ میں پاکستان کے مستقل مندوب عاصم افتخار نے کہا ہے کہ پاکستان نے مئی 2025 میں بھارتی جارحیت کے جواب میں اقوامِ متحدہ کے منشور کے تحت اپنے فطری حقِ دفاع کا استعمال کیا۔
سلامتی کونسل کے مباحثے میں خطاب کرتے ہوئے انہوں نے واضح کیا کہ یکطرفہ اقدامات اجتماعی سلامتی کے نظام کو کمزور کرتے ہیں اور عالمی امن کے لیے خطرہ بن سکتے ہیں۔
عاصم افتخار کا کہنا تھا کہ یو این منشور سے ہٹ کر کیے گئے اقدامات کثیرالجہتی اداروں کی ساکھ کو نقصان پہنچاتے ہیں، اور پاکستان خود بھی اس طرح کی خلاف ورزیوں کا سامنا کر چکا ہے۔ انہوں نے کہا کہ عالمی نظام میں قانون کی بالادستی کو برقرار رکھنا ناگزیر ہے تاکہ طاقت کے بجائے اصولوں کی بنیاد پر فیصلے کیے جا سکیں۔
پاکستانی مندوب نے بتایا کہ مئی 2025 میں بھارت نے بلااشتعال عسکری جارحیت کا ارتکاب کیا جو بین الاقوامی قانون اور پاکستان کی خودمختاری کی صریح خلاف ورزی تھی۔ ان کے مطابق ایسے اقدامات خطے کے امن و استحکام کو شدید خطرات سے دوچار کرتے ہیں اور ان کا بروقت نوٹس لینا ضروری ہے۔
عاصم افتخار نے زور دیا کہ اقوامِ متحدہ کے منشور کے آرٹیکل 51 کے تحت پاکستان نے اپنے فطری حقِ دفاع کا استعمال کیا، اور جبر یا استثنیٰ سے جنم لینے والا کوئی بھی “نیا معمول” قابلِ قبول نہیں ہو سکتا۔ انہوں نے کہا کہ سلامتی کونسل کو اپنی ذمہ داریاں مؤثر انداز میں نبھانی ہوں گی۔
انہوں نے مزید کہا کہ سلامتی کونسل کو ایسا مؤثر میکانزم وضع کرنا چاہیے جس کے ذریعے اپنی قراردادوں کے نفاذ کی منظم نگرانی ممکن ہو۔ اس کے ساتھ ساتھ سلامتی کونسل اور بین الاقوامی عدالتِ انصاف کے درمیان زیادہ مربوط اور منظم رابطہ قائم کیا جانا چاہیے تاکہ عالمی قانون پر عملدرآمد کو یقینی بنایا جا سکے۔
.
ذریعہ
ذریعہ: Jasarat News
کلیدی لفظ: سلامتی کونسل عاصم افتخار انہوں نے
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار