سانحہ گل پلازہ: شہداء کے اہلخانہ کیلئے 1 کروڑ روپے فی کس امداد کا اعلان
اشاعت کی تاریخ: 27th, January 2026 GMT
کراچی: (نیوزڈیسک) سندھ کے وزیراعلیٰ سید مراد علی شاہ کی زیر صدارت سندھ کابینہ کے اجلاس میں سانحہ گل پلازہ پر گہرے دکھ اور افسوس کا اظہار کیا گیا اور شہداء کے لیے دعا کی گئی۔ سندھ کابینہ نے سانحہ گل پلازہ کے شہداء کے اہلِ خانہ کو فی کس ایک کروڑ روپے معاوضہ دینے کی منظوری دی، جبکہ متاثرہ دکانداروں کو پانچ لاکھ روپے فوری امداد اور ایک کروڑ روپے بلا سود قرضہ فراہم کرنے کا فیصلہ کیا گیا۔
اجلاس میں یہ بھی طے پایا کہ دکانداروں کو دو ماہ کے اندر متبادل دکانیں فراہم کی جائیں گی۔ کابینہ نے واقعے کی تحقیقات کے لیے وزیراعلیٰ سندھ کی سربراہی میں سب کمیٹی قائم کرنے، کمشنر کراچی کی انکوائری رپورٹ کا جائزہ لینے اور اس کی روشنی میں مزید کارروائی کا فیصلہ بھی کیا۔
اس کے علاوہ کابینہ نے رینیوایبل انرجی کمپنی کو بند کرنے، ورکرز ویلفیئر بورڈ سندھ کی گورننگ باڈی کی ازسرِنو تشکیل، بی آر ٹی یلو لائن کی لاگت میں نظرثانی اور بڑے ترقیاتی و فلاحی منصوبوں کی تکمیل سے متعلق اہم فیصلوں کی منظوری دی، جبکہ حکومت سندھ نے متاثرین کی بحالی اور ریلیف کے لیے ہر ممکن اقدامات جاری رکھنے کے عزم کا اعادہ کیا۔
.
ذریعہ
ذریعہ: Daily Mumtaz
پڑھیں:
حیسکو میں گھوسٹ، ریٹائرڈ ملازمین کی تنخواہ کے نام پر 1 ارب 6 کروڑ روپے کی خرد برد کا انکشاف
فائل فوٹوپبلک اکاؤنٹس کمیٹی کے اجلاس میں حیدرآباد الیکٹرک سپلائی کمپنی (حیسکو) میں گھوسٹ، ریٹائرڈ ملازمین کی تنخواہ کے نام پر 1 ارب 6 کروڑ روپے کی خرد برد کا انکشاف ہوا ہے۔
آڈٹ رپورٹ کے مطابق حیسکو کے ڈی ڈی او، ایکسیئن اور سی ایف او آفس کی ملی بھگت سے خرد برد کی گئی۔
سی ای او حیسکو کے مطابق اس کیس میں چار ملازمین کو برطرف کیا جا چکا ہے۔ تین اکاؤنٹس افسران، ایک فنانس افسر کو نوکری سے نکالا گیا۔
ایف آئی اے حکام کا کہنا ہے کہ اس کیس کے 5 مقدمات درج کیے گئے، 130 سے زائد افراد ملوث تھے، اب تک صرف 13 کروڑ روپے کی ریکوری ہوئی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار