پالتو جانوروں کو گھر پر اکیلا چھوڑنا دشوار، مصنوعی ذہانت نے یہ مشکل بھی حل کردی
اشاعت کی تاریخ: 27th, January 2026 GMT
گھر میں پالتو جانوروں کو اکیلا چھوڑنا ہمیشہ سے مالکان کے لیے تشویش کا باعث رہا ہے اور جانور بھی مالکان کے بغیر بیچین ہی رہتے ہیں لیکن مصنوعی ذہانت اب اس مسئلے کا بھی جدید حل لے آئی۔
یہ بھی پڑھیں: فاطمہ بھٹو کی نئی کتاب: بے چینی، رشتوں کی پیچیدگیوں اور پالتو جانور کی محبت کے قصے
مختلف شعبہ زندگی میں انقلابی تبدیلیاں لانے کے بعد اب اے آئی ٹیکنالوجی پالتو جانوروں کی دیکھ بھال اور جذباتی ضروریات پوری کرنے کے لیے بھی میدان میں آ گئی ہے۔
لاس ویگاس میں منعقد ہونے والی سی ای ایس 2026 نمائش کے دوران ٹویا اسمارٹ نے ’آورا‘ نامی ایک جدید اے آئی پاورڈ کمپینین روبوٹ متعارف کرایا ہے جو خاص طور پر بلیوں اور کتوں کے لیے تیار کیا گیا ہے۔
یہ روبوٹ گھر میں اکیلے رہ جانے والے پالتو جانوروں کو ذہنی مصروفیت، تفریح اور جذباتی سہارا فراہم کرنے کی صلاحیت رکھتا ہے۔
آورا کو دیگر ڈیوائسز سے منفرد کیا بناتا ہے؟ٹویا اسمارٹ کے مطابق آورا کو محض نگرانی کے لیے نہیں بلکہ پالتو جانوروں کے ساتھ فعال طور پر تعامل کے لیے ڈیزائن کیا گیا ہے۔
مزید پڑھیے: ’ہم بھی فیشن کریں گے‘، ادیداس نے پالتو جانوروں کی سن لی، ماڈرن کلیکشن متعارف
روایتی فکسڈ کیمروں کے برعکس یہ روبوٹ گھر میں آزادانہ حرکت کر سکتا ہے اور بصری میپنگ اور آبجیکٹ ریکگنیشن ٹیکنالوجی کے ذریعے پالتو جانور کو تلاش کرتا ہے۔
آورا پالتو جانوروں کے رویے اور آوازوں کے پیٹرنز کا تجزیہ کر کے ان کی جذباتی کیفیت جیسے تناؤ، بے چینی یا تنہائی کو پہچان سکتا ہے۔
یہ معلومات ریئل ٹائم میں اسمارٹ فون ایپ کے ذریعے مالک تک پہنچائی جاتی ہیں۔
یہ اے آئی روبوٹ پالتو جانوروں کے ساتھ مختلف طریقوں سے کھیل اور رابطہ قائم کرتا ہے جن میں لیزر پلے، ٹریٹس فراہم کرنا، جانوروں کی آوازیں، چہرے کے تاثرات اور اسمارٹ وائس فیچرز شامل ہیں۔
مزید پڑھیں: آپ کے لیے پالتو جانوروں کے جذبات، تکالیف سمجھنا اب ممکن، مگر کیسے؟
ڈیوائس میں نصب کیمرا کھیل کے لمحات اور پرسکون اوقات کی مختصر ویڈیوز بھی ریکارڈ کرتا ہے جس سے مالکان بغیر مسلسل نگرانی کے اپنے پالتو جانوروں کی روزمرہ سرگرمیوں سے باخبر رہ سکتے ہیں۔
آورا خودکار طور پر اپنے ڈاکنگ اسٹیشن پر واپس جا کر نہ صرف چارج ہوتا ہے بلکہ خوراک فراہم کرنے کے عمل کو بھی مکمل کرتا ہے۔
ٹویا اسمارٹ کا کہنا ہے کہ طویل عرصے تک تنہائی پالتو جانوروں میں مختلف رویہ جاتی مسائل پیدا کر سکتی ہے جن میں چھپنا، حد سے زیادہ صفائی (گروومنگ) اور کھانے میں عدم دلچسپی شامل ہیں۔
یہ بھی پڑھیے: پانی میں نیلی سبز کائی: انسان اور جانوروں دونوں کے لیے خطرناک
کمپنی کے مطابق روایتی اسمارٹ پالتو ڈیوائسز بنیادی ضروریات تو پوری کرتی ہیں لیکن جانوروں کی جذباتی فلاح و بہبود کو نظر انداز کر دیتی ہیں جس خلا کو آورا پر کرنے کی کوشش ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: پالتو جانوروں کے جانوروں کی کرتا ہے کے لیے
پڑھیں:
فیفا ورلڈکپ 2026 ، کونسی ٹیم فیورٹ؟، اوپٹا سپر کمپیوٹر نے حیران کن پیشگوئی کردی
دنیائے کھیل کا سب سے بڑا اور مقبول ترین میلہ ’فیفا فٹبال ورلڈکپ 2026‘ اپنی تمام تر رعنائیوں کے ساتھ 12 جون سے شروع ہونے جا رہا ہے۔
فٹبال کی تاریخ کا یہ اب تک کا سب سے انوکھا اور تاریخی ٹورنامنٹ ہوگا جس کی مشترکہ میزبانی امریکا، میکسیکو اور کینیڈا کر رہے ہیں۔
اس بار ورلڈکپ محض ایک کھیل نہیں بلکہ اعصاب کی جنگ ثابت ہونے والا ہے، کیونکہ تاریخ میں پہلی بار 32 کے بجائے 48 ٹیمیں عالمی اعزاز کے لیے ایک دوسرے سے ٹکرائیں گی۔
یہ بھی پڑھیں:104 میچز، 48 ٹیمیں اور اربوں شائقین، فیفا ورلڈ کپ 2026 میں کیا کچھ نیا ہونے جارہا ہے؟
جہاں شائقین کا جوش و خروش عروج پر ہے، وہی کھیلوں کے معروف ڈیٹا ماڈل ’اوپٹا سپر کمپیوٹر‘ نے آرٹیفیشل انٹیلی جنس کی مدد سے 10 ہزار سیمولیشنز تیار کر کے فاتح ٹیم کے حوالے سے ایک سنسنی خیز پیشگوئی کر دی ہے۔
ٹورنامنٹ کا نیا فارمیٹ اور راؤنڈ آف 32 کا تاریخی آغازماضی کے برعکس اس بار ٹورنامنٹ کے ڈھانچے میں بڑی تبدیلیاں کی گئی ہیں۔ ٹورنامنٹ میں شریک 48 ٹیموں کو 12 گروپس میں تقسیم کیا گیا ہے اور ہر گروپ 4 ٹیموں پر مشتمل ہے۔
اس نئے فارمیٹ کے تحت ایونٹ کے دوران مجموعی طور پر ریکارڈ 104 میچز کھیلے جائیں گے۔ ہر گروپ سے پہلے اور دوسرے نمبر پر آنے والی ٹیمیں ناک آؤٹ مرحلے میں کوالیفائی کریں گی، جس سے ایونٹ کی تاریخ میں پہلی بار ’راؤنڈ آف 32′ کا سنسنی خیز آغاز ہوگا۔
زیادہ ٹیموں کی شمولیت کے باعث جہاں مقابلوں کا جوش بڑھے گا، وہیں کسی بھی ٹیم کے لیے فائنل تک کا سفر طویل اور تھکا دینے والا ہوگا۔
اوپٹا سپر کمپیوٹر کیا ہے اور یہ کیسے کام کرتا ہے؟شائقین فٹبال کے لیے یہ جاننا ضروری ہے کہ ’اوپٹا سپر کمپیوٹر‘ کوئی روایتی فزیکل کمپیوٹر نہیں ہے۔ یہ دراصل آرٹیفیشل انٹیلی جنس (اے آئی) ٹیکنالوجی پر مبنی ایک انتہائی ایڈوانس ماڈل ہے جو فٹبالرز اور ٹیموں کے موجودہ فارم، ماضی کے ریکارڈز اور ہزاروں دیگر ڈیٹا پوائنٹس کا تجزیہ کرتا ہے۔
یہ ماڈل ڈیٹا کی بنیاد پر پورے ٹورنامنٹ کو 10 ہزار سے زیادہ بار ڈیجیٹل طور پر سیمولیٹ کرتا ہے اور پھر پیشگوئی کرتا ہے کہ کس ٹیم کے ٹورنامنٹ جیتنے، فائنل میں پہنچنے یا کسی خاص میچ میں کامیابی حاصل کرنے کے کتنے فیصد امکانات موجود ہیں۔
’اسپین‘ فیورٹ، مگر ایک بڑا دھچکا بھیاوپٹا سپر کمپیوٹر کی 10 ہزار ڈیجیٹل سیمولیشنز کے بعد جو نتائج سامنے آئے ہیں، انہوں نے فٹبال کی دنیا کو حیران کر دیا ہے۔ ماڈل نے تمام تر غیریقینی صورتحال کے باوجود ’اسپین‘ کو ٹرافی جیتنے کے لیے واضح طور پر فیورٹ قرار دیا ہے۔
مزید پڑھیں: اسلام آباد میں فیفا ورلڈ کپ 2026 کی تقریبات کا آغاز، سیالکوٹ کی فٹبال نے میلہ لوٹ لیا
سپر کمپیوٹر کے مطابق اسپین کے ورلڈکپ جیتنے کا امکان 16.1 فیصد ہے۔ تاہم دلچسپ اور پریشان کن بات یہ ہے کہ جہاں اسپین کو فاتح قرار دیا گیا ہے، وہیں ڈیٹا یہ بھی بتاتا ہے کہ اسپین وہ واحد بڑی ٹیم ہے جس کے کوارٹر فائنل تک نہ پہنچنے کا امکان 52.1 فیصد ہے۔ یعنی اگر اسپین ابتدائی ناک آؤٹ مرحلے عبور کرنے میں کامیاب رہا، تو اس کے سیمی فائنل میں پہنچنے کا امکان 39 فیصد جبکہ فائنل میں پہنچنے کا امکان 25.6 فیصد ہوگا۔
دیگر بڑی ٹیموں کے جیتنے کے امکاناتسپر کمپیوٹر کے مطابق ٹرافی کی دوڑ میں اسپین تنہا نہیں ہے بلکہ دیگر روایتی حریف بھی اس کے تعاقب میں ہیں۔ سپر کمپیوٹر نے 4 بڑی ٹیموں کے جیتنے کے امکانات کو 10 فیصد سے زیادہ قرار دیا ہے۔ اس فہرست میں فرانس دوسرے نمبر پر ہے جس کے ورلڈکپ جیتنے کا امکان 13 فیصد ظاہر کیا گیا ہے۔ اسی طرح انگلینڈ 11.2 فیصد امکان کے ساتھ تیسرے اور لیونل میسی کی ارجنٹینا (دفاعی چیمپیئن) 10.4 فیصد امکان کے ساتھ چوتھے نمبر پر ممکنہ فاتح قرار دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین امریکا اوپٹا سپر کمپیوٹر برطانیہ ٹیم فیورٹ حیران کن پیش گوئی فیفا ورلڈ کپ لندن ورلڈ کپ۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ