وائٹ ہاؤس سے وراثت تک صحت کی خبروں کے بیچ ٹرمپ کو ’یاد‘ رکھے جانے کی فکر
اشاعت کی تاریخ: 28th, January 2026 GMT
امریکی صدر ڈونلڈ ٹرمپ کی صحت حالیہ مہینوں میں مسلسل زیرِ بحث رہی ہے اور اب رپورٹس میں دعویٰ کیا جا رہا ہے کہ وہ اس بات پر بھی غور کرنے لگے ہیں کہ تاریخ انہیں کس انداز میں یاد رکھے گی۔ اگرچہ ٹرمپ خود بارہا اپنی صحت کو بہترین قرار دیتے رہے ہیں، تاہم امریکی میڈیا اور وائٹ ہاؤس ذرائع کے مطابق بڑھتی عمر کے ساتھ یہ سوال ان کے ذہن میں زیادہ نمایاں ہو گیا ہے۔
???? REPORT: Donald Trump has reportedly stopped dyeing his hair, with a senior staffer saying the president is conceding to age.
— Frost (@FrostArticle) January 28, 2026
نیو یارک میگزین کی ایک رپورٹ کے مطابق ڈونلڈ ٹرمپ، جو جلد 80 برس کے ہو جائیں گے، اب اپنی سیاسی اور ذاتی وراثت کے بارے میں سوچنے لگے ہیں۔ وائٹ ہاؤس کے ایک سینیئر عہدیدار کا کہنا ہے کہ وائٹ ہاؤس میں زیرِ تعمیر بال روم بھی دراصل ’یہاں کوئی نشان چھوڑنے‘ کی سوچ کا حصہ ہے۔
وائٹ ہاؤس کی جانب سے ٹرمپ کو ایک غیر معمولی توانائی کے حامل صدر کے طور پر پیش کیا جاتا رہا ہے۔ ڈپٹی چیف آف اسٹاف اسٹیفن ملر کے مطابق ٹرمپ کی یادداشت، توانائی اور کام کرنے کی صلاحیت ایک عام انسان سے کہیں زیادہ ہے۔
تاہم رپورٹ میں یہ بھی بتایا گیا ہے کہ ٹرمپ نے بالوں کو سنہری رنگ میں رنگوانا چھوڑ دیا ہے اور اب انہیں قدرتی طور پر سفید ہونے دے رہے ہیں۔ اس کے علاوہ ایک سینیئر اسٹاف ممبر نے انکشاف کیا کہ ٹرمپ کی سماعت اب پہلے جیسی نہیں رہی۔
ایک موقع پر ٹرمپ اپنے والد کی صحت کے حوالے سے سوال کے جواب میں ’الزائمر‘ کا لفظ بھی یاد نہ رکھ سکے۔ ان کے بیٹے ایرک ٹرمپ کا کہنا ہے کہ صدر ٹرمپ توہم پرست ہیں، موت کے بارے میں سوچنا پسند نہیں کرتے اور حال پر توجہ مرکوز رکھنا چاہتے ہیں، مستقبل پر کم غور کرتے ہیں۔ ان کے مطابق ٹرمپ کا یقین ہے کہ ان کے پاس ابھی کئی سال باقی ہیں۔
یہ بھی پڑھیں:’امریکی صدر ٹرمپ انتقال کرگئے’ دعوے اور تصاویر وائرل ہونے لگیں
دوسری جانب سوشل میڈیا پر بعض افراد، جنہیں ماہرین ’آرم چیئر فزیشنز‘ قرار دیتے ہیں، حالیہ جسمانی علامات اور بیانات کی بنیاد پر صدر کی صحت کے بارے میں قیاس آرائیاں کر رہے ہیں۔
ٹرمپ نے گزشتہ سال بتایا تھا کہ انہوں نے ایک ’کامل‘ ایم آر آئی ٹیسٹ کروایا، تاہم بعد میں اعتراف کیا کہ انہیں معلوم نہیں تھا کہ جسم کے کس حصے کا اسکین ہوا۔ بعد ازاں ان کے معالج نے وضاحت کی کہ یہ دراصل سینے اور پیٹ کا سی ٹی اسکین تھا۔
وائٹ ہاؤس کے مطابق ٹرمپ کے ہاتھوں پر پڑنے والے نیل بار بار مصافحہ کرنے اور زیادہ مقدار میں اسپرین کے استعمال کے باعث ہیں۔ صدر روزانہ 325 ملی گرام اسپرین لیتے ہیں، جو عام طور پر تجویز کردہ مقدار سے زیادہ ہے۔
ڈونلڈ ٹرمپ 14 جون کو 80 برس کے ہو جائیں گے، اور ایسے میں ان کی صحت، طرزِ قیادت اور یہ سوال کہ تاریخ انہیں کس نام سے یاد رکھے گی، امریکی سیاست میں ایک اہم موضوع بنتا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر ٹرمپ کی صحت صدر ٹرمپ وائت ہاؤس
ذریعہ
ذریعہ: WE News
کلیدی لفظ: امریکی صدر ٹرمپ کی صحت وائت ہاؤس وائٹ ہاؤس کے مطابق ٹرمپ کی کی صحت
پڑھیں:
پاکستان مشرق وسطیٰ میں امن و استحکام کیلئے فعال سفارتی کردار جاری رکھے ہوئے ہے، اسحاق ڈار
نائب وزیر اعظم اور وزیرخارجہ اسحاق ڈار نے کہا ہے کہ پاکستان آسیان ریجنل فورم کے ذریعے علاقائی امن، استحکام اور تعاون کے لیے پرعزم ہے اور مشرق وسطیٰ میں امن کے لیے فعال سفارتی کردار جاری رکھا ہوا ہے۔
فلپائن کے دارالحکومت منیلا میں آسیان ریجنل فورم کے وزارتی اجلاس سے خطاب میں نائب وزیراعظم اسحاق ڈار نے کہا کہ پاکستان نے مشرق وسطیٰ میں امن و استحکام کے لیے فعال سفارتی کردار جاری رکھے ہو ئے ہے۔
انہوں نے زور دیا کہ تمام فریق تحمل کا مظاہرہ کریں اور سفارت کاری کے ذریعے مسائل حل کریں۔
نائب وزیراعظم اسحاق ڈار نے کہا کہ جموں و کشمیرکے تنازع کا حل ہی جنوبی ایشیا میں پائیدار امن کی بنیاد ہے، بھارت کا سندھ طاس معاہدہ معطل کرنا تشویش ناک اور اشتعال انگیز اقدام ہے۔
اسحاق ڈار نے فلسطینی عوام کے حق خودارادیت کے لیے غیرمتزلزل حمایت کا اعادہ کیا اور کہا کہ افغان سرزمین سے دہشت گردی پاکستان کے لیے سنگین خطرہ ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی