بسنت سے قبل لاہور کے فصیل بند شہر میں 346 غیر محفوظ عمارتوں کی نشاندہی
اشاعت کی تاریخ: 28th, January 2026 GMT
بسنت کے تہوار سے قبل والڈ سٹی اتھارٹی نے لاہور ہائیکورٹ کے احکامات پر عمل کرتے ہوئے تاریخی فصیل بند شہر میں خستہ حال اور خطرناک عمارتوں کا سروے مکمل کر لیا ہے۔
سروے کے مطابق لاہور کے فصیل بند شہر میں مجموعی طور پر 346 عمارتوں کو خطرناک قرار دیا گیا ہے، جن میں سے 183 عمارتیں ناقابلِ مرمت جبکہ 163 کو مرمت کے قابل قرار دیا گیا ہے۔
یہ بھی پڑھیں: لاہور کی 59 عمارتیں خطرناک قرار، داتا گنج بخش ٹاؤن سرفہرست
رپورٹ میں بتایا گیا ہے کہ انتہائی خطرناک عمارتوں میں سے 92 عمارتیں خالی کروا لی گئی ہیں، تاہم 254 عمارتیں تاحال آباد ہیں جو مسلسل جانی خطرے کا سبب بنی ہوئی ہیں۔
اتھارٹی کے مطابق آباد عمارتوں میں سے 103 ناقابلِ مرمت جبکہ 151 مرمت کے قابل ہیں، جبکہ خالی کرائی گئی عمارتوں میں سے 80 کو مسمار کرنے اور 12 کو مرمت کے قابل قرار دیا گیا ہے۔
والڈ سٹی اتھارٹی کا کہنا ہے کہ ان غیر محفوظ عمارتوں کی چھتیں بسنت کے دوران پتنگ بازی کے لیے ہرگز محفوظ نہیں ہیں۔
مزید پڑھیں: لاہور میں 5 ملکوں کی مشہور عمارتوں کے ڈیزائن والے گلوبل ویلیج میں کیا ہے؟
حکام نے چھتوں کے استعمال پر پابندی عائد کرنے کے لیے اقدامات شروع کر دیے ہیں، جن میں وارننگ نوٹسز آویزاں کرنا اور آگاہی بینرز لگانا شامل ہے۔
بسنت کے دوران حادثات سے بچاؤ کے لیے رپورٹ میں سفارش کی گئی ہے کہ خطرناک حصوں کو سیل کیا جائے، پولیس اور نیم فوجی دستے تعینات کیے جائیں اور ضلعی انتظامیہ کے تعاون سے اضافی حفاظتی اقدامات کیے جائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بسنت پتنگ بازی چھت لاہور والڈ سٹی اتھارٹی.
ذریعہ
ذریعہ: WE News
کلیدی لفظ: پتنگ بازی چھت لاہور والڈ سٹی اتھارٹی گیا ہے کے لیے
پڑھیں:
لاہور میں بلدیاتی الیکشن کیلئے حلقہ بندیوں کی ابتدائی فہرست جاری کر دی گئی
لاہور: (ویب ڈیسک) بلدیاتی الیکشن کے لیے حلقہ بندیوں کی ابتدائی فہرست جاری کر دی گئی، لاہور میں مجموعی طور پر 433 یونین کونسلز بنائی گئی ہیں۔
نجی ٹی وی چینل’’ دنیا نیوز‘‘ کے مطابق ڈسٹرکٹ الیکشن کمشنر پنجاب نے لاہور کی یونین کونسل کی حلقہ بندیوں کی ابتدائی فہرست جاری کر دی، فہرست کےمطابق لاہور کو 9 ٹاؤن میں تقسیم کیا گیا جس میں راوی ٹاؤن 52، شالیمار میں 72، واہگہ ٹاؤن میں 25 یونین کونسلز قائم کی گئی ہیں۔
ماڈل ٹاؤن میں 77، نشتر ٹاؤن میں 40، صدر کینٹ میں 29 یونین کونسل بنائی گئیں، رائے ونڈ سٹی میں 32، لاہور سٹی میں 69 اور علامہ اقبال ٹاؤن میں 37 یونینز بنائی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
شہری 23 جون تک حلقہ بندیوں پر اعتراضات دائرکرسکتے ہیں، 24 جولائی تک اعتراضات پر فیصلہ سنایا جائے گا، تمام حلقہ بندیوں کی حتمی فہرست 10 اگست 2026 کو جاری ہوگی۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ