بلوچستان میں گیس کی بڑی دریافت، ملکی توانائی شعبے کے لیے خوش آئند پیش رفت
اشاعت کی تاریخ: 28th, January 2026 GMT
پاکستان توانائی کے شعبے میں مقامی پیداوار بڑھانے اور درآمدی انحصار کم کرنے کی سمت ایک اور اہم قدم آگے بڑھا چکا ہے۔ ایس آئی ایف سی کے اصلاحاتی وژن کے تحت بلوچستان میں گیس کی ایک بڑی دریافت سامنے آئی ہے۔
ماری انرجیز لمیٹڈ نے ضلع ڈیرہ بگٹی میں واقع کلچس ساؤتھ بلاک کے تبری-1 کنویں میں کامیاب گیس دریافت ہونے کا باضابطہ اعلان کیا ہے۔ یہ اس بلاک میں پہلا کامیاب کنواں ہے، جو ملکی سطح پر گیس کی پیداوار میں اضافے کے لیے ایک اہم سنگِ میل قرار دیا جا رہا ہے۔
تبری-1 کنواں گزشتہ برس کھودا گیا تھا اور اسے 7,170 فٹ کی گہرائی تک ڈرل کیا گیا۔ ابتدائی ٹیسٹنگ کے دوران کنویں سے یومیہ 11 ایم ایم ایس سی ایف ڈی تک گیس کے بہاؤ کی تصدیق ہوئی ہے، جبکہ کنویں کی مکمل پیداواری صلاحیت جانچنے کے لیے مزید ٹیسٹنگ اور تجزیاتی عمل جاری ہے۔
ماہرین کے مطابق یہ دریافت مقامی گیس پیداوار میں اضافے، درآمدی ایندھن پر انحصار میں کمی اور قومی توانائی تحفظ کو مضبوط بنانے میں اہم کردار ادا کرے گی۔ اس منصوبے میں یونائیٹڈ انرجی پاکستان لمیٹڈ بطور آپریٹر شامل ہے، جبکہ ماری انرجیز لمیٹڈ اور دیوان پیٹرولیم جوائنٹ وینچر کے شراکت دار ہیں۔
ایس آئی ایف سی کی سہولت کاری سے حاصل ہونے والی یہ کامیابی بلوچستان میں توانائی کے شعبے کی ترقی، صنعتی سرگرمیوں کے فروغ اور ملکی معاشی استحکام کی جانب ایک مثبت اور امید افزا پیش رفت قرار دی جا رہی ہے۔
ذریعہ
ذریعہ: Daily Mumtaz
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی