31 جنوری کو ایف بی آر کے تمام ٹیکس دفاتر کھلے رکھنے کا اعلان
اشاعت کی تاریخ: 28th, January 2026 GMT
کلیم اختر:فیڈرل بورڈ آف ریونیو (ایف بی آر) کے تمام ٹیکس دفاتر 31 جنوری کو معمول کے اوقاتِ کار کے مطابق کھلے رہیں گے۔
ایف بی آر نے ٹیکس اور ڈیوٹیز کی وصولی کو یقینی بنانے کے لیے ہفتہ کے روز کو خصوصی ورکنگ ڈے قرار دے دیا ہے۔
ہدایات کے مطابق تمام ٹیکس دفاتر کو معمول کے مطابق کام کرنے کی ہدایت کی گئی ہے تاکہ مالی سال کے ٹارگٹ وصولیوں کے پیشِ نظر ریونیو میں اضافہ کیا جا سکے۔
پاکستان کا ایک اور بڑا اعزاز؛ اقتصادی تعاون تنظیم کی باضابطہ چیئرمین شپ سنبھال لی
ذرائع کے مطابق ٹیکس وصولیوں کو یقینی بنانے کے لیے ایف بی آر نے سخت ہدایات بھی جاری کر دی ہیں۔
ہفتہ کے روز دفاتر کھلے رکھنے سے ٹیکس دہندگان کو اپنے واجبات کی بروقت ادائیگی میں سہولت فراہم کی جائے گی۔ اس حوالے سے ایف بی آر نے تمام چیف کمشنرز ان لینڈ ریونیو کو باضابطہ مراسلہ بھی ارسال کر دیا ہے۔
.
ذریعہ
ذریعہ: City 42
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
پاکستان نے ورلڈ کپ 2028 کیلیے براہ راست کوالیفائی کر لیا