ایک اور بحری بیڑا ایران کی طرف بڑھ رہا ہے، معاہدہ نہ کرنے پر یہ حملہ پہلے سے زیادہ شدید ہوگا، ڈونلڈ ٹرمپ
اشاعت کی تاریخ: 28th, January 2026 GMT
امریکی صدر ڈونلڈ ٹرمپ نے ایران کو ایک بار پھر خبردار کرتے ہوئے کہا ہے کہ امریکا کا ایک مضبوط بحری بیڑا ایران کی طرف بڑھ رہا ہے، اگر معاہدہ نہ کیا گیا تو اگلا حملہ پہلے سے کہیں زیادہ شدید ہوگا۔
صدر ٹرمپ نے سوشل میڈیا پر جاری بیان میں بتایا کہ یہ بیڑا طاقتور، پرجوش اور واضح مقصد کے ساتھ ایران کی جانب روانہ ہوا ہے، جس کی قیادت طیارہ بردار جہاز ابراہم لنکن کررہا ہے، جو وینیزویلا بھیجے گئے بیڑے سے بھی بڑا ہے۔
مزید پڑھیں: صدر ٹرمپ کی پالیسیوں کا امریکی ڈالر پر کیا اثر پڑ رہا ہے؟
ٹرمپ نے کہاکہ ضرورت پڑنے پر یہ بیڑا اپنے مشن کو فوری اور موثر طریقے سے مکمل کرنے کی صلاحیت رکھتا ہے۔
انہوں نے مزید کہاکہ ایران کو چاہیے کہ جلد مذاکرات کی میز پر آئے اور ایک منصفانہ اور مساوی معاہدے کے لیے بات چیت کرے، جو تمام فریقین کے لیے قابل قبول ہو اور جس میں جوہری ہتھیار شامل نہ ہوں۔
صدر ٹرمپ نے خبردار کیاکہ وقت تیزی سے ختم ہو رہا ہے اور یہ معاملہ انتہائی اہم ہے۔ انہوں نے یاد دلایا کہ ایران نے پہلے بھی معاہدہ کرنے سے انکار کیا تھا، جس کے بعد ’آپریشن مڈنائٹ ہیمر‘ انجام پایا، جس نے ایران کو شدید نقصان پہنچایا۔
ٹرمپ نے ایران کو واضح پیغام دیا کہ اگر معاہدہ نہ کیا گیا تو اگلا حملہ پہلے سے کہیں زیادہ شدید ہوگا، اور اس طرح کی صورتحال دوبارہ پیدا نہیں ہونے دی جائے گی۔
دوسری جانب ایرانی پاسدارانِ انقلاب نے آبنائے ہرمز میں فوجی مشقوں کا اعلان کرتے ہوئے خبردار کیا ہے کہ اگر امریکی بحری جہاز ایرانی سمندری حدود میں داخل ہوئے تو ان کے خلاف کارروائی کی جائے گی۔
مزید پڑھیں: چین کے ساتھ تجارتی معاہدہ کیا تو 100 فیصد ٹیرف لگا دوں گا، ٹرمپ کی کینیڈا کو دھمکی
غیر ملکی میڈیا رپورٹس کے مطابق پاسدارانِ انقلاب کی جانب سے جاری بیان میں واضح کیا گیا ہے کہ ایران اپنی سمندری حدود کی خلاف ورزی کسی صورت برداشت نہیں کرے گا اور امریکی جہازوں کی آمد کی صورت میں حملے کا امکان ہے۔
بیان میں مزید کہا گیا ہے کہ امریکی صدر بیانات تک محدود ہیں، جبکہ کسی بھی ممکنہ جنگ کا فیصلہ عملی طور پر میدان میں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدر ڈونلڈ ٹرمپ شدید حملہ وارننگ وی نیوز.
ذریعہ
ذریعہ: WE News
کلیدی لفظ: امریکی صدر ڈونلڈ ٹرمپ شدید حملہ وارننگ وی نیوز ایران کو رہا ہے
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا