ایرانی حکومت کے دن گنے جا چکے ہیں، ٹرمپ کے بعدجرمن چانسلر بھی دھمکی پر اتر آیا
اشاعت کی تاریخ: 28th, January 2026 GMT
data-id="863a0a8" data-element_type="widget" data-widget_type="theme-post-content.default">
برلن :امریکی صدر ڈونلڈ ٹرمپ کے جارحانہ روائیوں کے بعد جرمن چانسلر فریڈرک مرز نے بھی ایرانی حکومت کے مستقبل سے متعلق دھمکی آمیز رویہ اختیار کرتے ہوئے کہا ہے کہ موجودہ ایرانی نظام کے دن گنے جا چکے ہیں اور اس کے اقتدار کے خاتمے میں زیادہ وقت نہیں لگے گا۔
رومانیہ کے وزیرِ اعظم الیے بولوژان کے ہمراہ مشترکہ پریس کانفرنس کرتے ہوئے جرمن چانسلر نے کہا کہ ایسا نظام جو اپنے ہی عوام کے خلاف کھلے تشدد، خوف اور جبر کے ذریعے اقتدار برقرار رکھے، اس کے لیے اب دنیا میں کوئی گنجائش باقی نہیں رہی۔
فریڈرک مرز کا کہنا تھا کہ ایرانی حکومت اخلاقی طور پر اپنی حیثیت کھو چکی ہے اور اب اس کے پاس ملک پر حکمرانی کا کوئی جواز موجود نہیں، یہ معاملہ چند ہفتوں تک بھی محدود ہو سکتا ہے کیونکہ عوام کے خلاف طاقت کے استعمال سے حکومتیں زیادہ دیر تک قائم نہیں رہ سکتیں۔
جرمن چانسلر کے مطابق عالمی برادری ایرانی عوام کے حالات پر گہری نظر رکھے ہوئے ہے اور خطے میں ہونے والی پیش رفت کو سنجیدگی سے لیا جا رہا ہے۔
دوسری جانب امریکی صدر ڈونلڈ ٹرمپ نے ایک بار پھر ایران کو سخت دھمکی دیتے ہوئے خطے میں فوجی دباؤ بڑھانے کا اعلان کیا ہے، ایک بہت بڑا امریکی بحری بیڑا تیزی سے ایران کی طرف بڑھ رہا ہے جو طاقت، جوش اور واضح مقصد کے ساتھ اپنے مشن کی جانب گامزن ہے۔ ان کے مطابق اس بحری بیڑے کی قیادت عظیم طیارہ بردار بحری جہاز ابراہم لنکن کر رہا ہے، جو وینزویلا کی جانب بھیجے گئے بحری بیڑے سے بھی بڑا اور زیادہ طاقتور ہے۔
ذریعہ
ذریعہ: Jasarat News
پڑھیں:
پاکستان انسٹی ٹیوٹ آف فیشن ڈیزائن میں قائممقام وائس چانسلر کی تعیناتی کیلیے سینیٹ کا اجلاس طلب
پاکستان انسٹی ٹیوٹ آف فیشن ڈیزائن میں قائمقام وائس چانسلر کی تعیناتی کیلیے سینیٹ کا اہم اجلاس31 جولائی کو طلب کر لیا گیا جس میں صدر پاکستان و چانسلر کی ہدایات پر قائمقام وی سی کی تعیناتی سے متعلق ایجنڈے پر دوبارہ غور کیا جائے گا۔
تفصیلات کے مطابق صدر پاکستان نے 24اپریل کو ریفرنس وزارت تعلیم کو بھجوایا ہے جس میں بطور چانسلر پاکستان انسٹی ٹیوٹ آف فیشن ڈیزائن ایکٹ کی شق8(6)کے تحت سینٹ کے 17ویں اجلاس کے ایجنڈا نمبر13پر دوبارہ غور کرنے کی ہدایات جاری کی ہیں۔
دستیاب دستاویز کے مطابق 5 جنوری2026 کو ہونے والے سینیٹ کے17ویں اجلاس میں سابق وائس چانسلر پروفیسر حناطیبہ خلیل کو بطور وائس چانسلر کام جاری رکھنے کی منظوری دی گئی حالانکہ پروفیسر حنا طیبہ خلیل دو ٹرم مکمل کر چکی تھیں۔
سینیٹ کی قائمہ کمیٹی برائے تعلیم نے بھی پاکستان انسٹی ٹیوٹ آف فیشن ڈیزائن کے سینٹ اجلاس (جس میں حناطیبہ خلیل کو قائمقام وائس چانسلر ذمہ داریاں جاری رکھنے کی منظوری دی) کو کالعدم قرار دینے کی سفارش کر رکھی۔
قائمہ کمیٹی کی چیئرپرسن بشری انجم بٹ نے اجلاس کے دوان کہا تھا کہ عبوری وائس چانسلر کی تعیناتی سے متعلق ایوان صدر نے واضح کیا تھا کہ ایجنڈے کی منظوری نہیں لی گئی تھی۔
ذرائع نے بتایا کہ بشری انجم بٹ نے پاکستان انسٹی ٹیوٹ آف فیشن ڈیزائن کی وائس چانسلر کی تعیناتی سے متعلق ریفرنس ایوان صدر کو بھجوایا جس میں کہا گیا کہ انسٹی ٹیوٹ کے فیکلٹی ممبران ،افسران اور سٹیک ہولڈرز کی جانب سے الزامات لگائے کہ پروفیسر حناطیبہ خلیل وائس چانسلر بد انتظامی اور اختیارات کے غلط استعمال کی پریکٹس میں ملوث ہیں۔
انسٹی ٹیوٹ کی پروکیورمنٹ اور مالی معاملات میں بے ضابطگیوں سمیت انسٹی ٹیوٹ میں گورننس کے بدترین صورتحال ہے، اس کے علاوہ گرلز ہاسٹل کی تعمیر سے متعلق 450 ملین کے ٹینڈرز میں مبینہ بے ضابطگیاں بھی ہوئی ہیں۔
ایوان صدر نے سینیٹر بشری انجم بٹ کی جانب سے بھجوائے گئے ریفرنس پر اپنی سفارشات وزارت تعلیم کو بھجوا دی ہیں،
وزارت تعلیم کے ذرائع نے سینیٹ اجلاس کی تصدیق کرتے ہوئے کہا ہے کہ ایوان صدر کی ہدایات کی روشنی میں سینئر فیکلٹی ممبر کو ہی قائمقام وائس چانسلر پاکستان انسٹی ٹیوٹ آف فیشن ڈیزائن تعینات کیا جائے گا اور اس حوالے سے سنیارٹی لسٹ منگوا لی گئی ہے،
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار