سرامکس فیکٹری آتشزدگی، چینی باشندوں سمیت 8 افراد جھلس کر زخمی
اشاعت کی تاریخ: 28th, January 2026 GMT
فیصل آباد: (نیوزڈیسک) علامہ اقبال انڈسٹریل سٹیٹ چائنیز سرامکس فیکٹری میں آگ بھڑک اٹھی، آگ سے 2 چینی باشندوں سمیت 8 افراد جھلس گئے۔
ریسکیو عملہ کے مطابق چینی پاشندوں شی شونگ اور لیو لونگ کو ابتدائی طبی امداد فراہم کی گئی، آگ سے جھلسنے والے اکرام الحق، ثمر عباس، ساجد غنی، جاوید، امان اللہ اور محمد نعیم کو ہسپتال منتقل کر دیا گیا۔
ریسکیو 1122 کے فائر فائٹنگ عملے نے آگ پر قابو پایا، کولنگ کا عمل جاری ہے، آگ سرامکس فیکٹری کی بھٹی کی مرمت کے دوران گیس لیکیج کی وجہ سے لگی۔
.
ذریعہ
ذریعہ: Daily Mumtaz
پڑھیں:
کراچی میں فائرنگ سے باپ اور نوجوان بیٹا جاں بحق
شہر قائد کے علاقے سرجانی ٹاؤن روزی گوٹْھ میں فائرنگ کے افسوسناک واقعے میں باپ اور بیٹا جاں بحق جبکہ دوسرا بیٹا زخمی ہوگیا۔
تفصیلات کے مطابق سرجانی روزی گوٹھ میں فائرنگ کا افسوسناک واقعہ پیش آیا جس میں والد اور دو بیٹے زخمی ہوئے۔
مقتولین کی لاشوں اور زخمی کو چھیپا کے رضا کاروں نے عباسی شہید اسپتال منتقل کیا۔
اس حوالے سے ترجمان ڈسٹرکٹ ویسٹ پولیس کا کہنا ہے کہ سرجانی روزی گوٹھ میں فائرنگ سے جاں بحق افراد کی شناخت 62 سالہ کامل حسین اور اس کے بیٹے کو 26 سالہ دوہان کے نام شناخت کیا گیا جبکہ زخمی ہونے والے دوسرے بیٹے 30 سالہ عادل کو طبی امداد فراہم کی جا رہی ہے۔
ترجمان کے مطابق ابتدائی معلومات میں پتہ چلا ہے کہ فائرنگ کا واقعہ رشتے داروں کے درمیان تنازع پر جھگڑے کے دوران پیش آیا جس کی اطلاع ملتے ہی سرجانی ٹاؤن پولیس نے موقع پر پہنچ کر شواہد حاصل کیے اور واقعے کی مزید چھان بین شروع کر دی ہے۔
ترجمان کے مطابق فائرنگ کرنے والے ملزم کی بھی شناخت کرلی گئی ہے جس کی گرفتاری کے لیے لیے پولیس چھاپہ مار رہی ہے جسے جلد گرفتار کرلیا جائیگا۔
ایس ایچ او سرجانی ٹاؤن سہیل خاصخیلی نے بتایا کہ فائرنگ کا واقعہ لڑکی کے رشتے پر ہونے والے تنازعے کی وجہ سے پیش آئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ