سانحہ گل پلازہ کے تمام حقائق سامنے لائیں گے‘ سعید غنی
اشاعت کی تاریخ: 29th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) وزیر محنت و افرادی قوت و سماجی تحفظ سندھ سعید غنی نے کہا ہے کہ سانحہ گل پلازہ میں جاں بحق ہونے والے تمام افراد کے لواحقین سے تعزیت کرتے ہیں اور انہیں یقین دہانی کرواتے ہیں کہ اس سانحہ کی سندھ حکومت نہ صرف صاف و شفاف انکوائری کروا رہی ہیں بلکہ اس سانحہ کے تمام حقائق سب کے سامنے لائیں جائیں گے۔ سندھ حکومت سانحہ میں جاں بحق افراد کے اہلخانہ کے ساتھ کھڑی ہے اور ان کو ہر قسم کی مدد فراہم کی جائے گی۔ ان خیالات کا اظہار انہوں نے بدھ کے روز سانحہ گل پلازہ میں جاں بحق اور تاحال لاپتا تین بہنوں کے گھر جاکر ان کے اہلخانہ سے تعزیت اور بات چیت کرتے ہوئے کیا۔ اس موقع پر رکن سندھ اسمبلی علی احمد جان، ٹاؤن چیئرمین علی اکبر جان، پیپلز پارٹی ڈسٹرکٹ ساؤتھ کے صدر جاوید ناگوری اور دیگر بھی ان کے ہمراہ موجود تھے۔ صوبائی وزیر سعید غنی نے منگھوپیر میں سانحہ میں جاں بحق محمد عارف کے والد محمد رفیق سے ان کی رہائش گاہ پر جاکر تعزیت کی اور فاتحہ خوانی کی۔ بعد ازاں صوبائی وزیر سعید غنی نے میٹروول سائٹ ایریا میں سانحہ میں جاں بحق ہونے والے محمد عثمان کے والد گل فیض خان سے ان کی رہائش گاہ پر جاکر تعزیت کی اور فاتحہ خوانی کی۔ صوبائی وزیر نے میٹروول کی رہائشی تین بہنوں راحیلہ، شائستہ اور کائنات جو سانحہ گل پلازہ میں تاحال لاپتا ہیں ان کی رہائش گاہ پر جاکر ان کے والد اور دیگر اہلخانہ سے تعزیت کی۔ صوبائی وزیر نے انہیں یقین دہانی کروائی کہ ان تینوں بہنوں کے جسد خاکی اگر وہ اس سانحہ میں جاں بحق ہوگئی ہیں تو ڈی این اے ٹیسٹ کے بعد ان کے حوالے آئندہ ایک سے دو روز میں کردی جائیں گی۔ بعد ازاں سعید غنی نے ڈسٹرکٹ ساؤتھ کے رہائشی نواجوان محمد شیز ولد محمد ہارون کے گھر جاکر ان کے والد، والدہ اور دیگر اہلخانہ سے تعزیت کی اور مرحوم کی مغفرت کے لیے فاتحہ خوانی کی۔
ذریعہ
ذریعہ: Jasarat News
کلیدی لفظ: سانحہ گل پلازہ تعزیت کی سے تعزیت کے والد
پڑھیں:
تحریک انصاف میں اختلافات شدید، دو گروپ آمنے سامنے آگئے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اختلافات شدید تحریک انصاف گلگت بلتستان انٹری نواز شریف وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ