وزیرصحت بلوچستان کی سرکاری اسپتالز کے دوروں کی ہدایت
اشاعت کی تاریخ: 29th, January 2026 GMT
data-id="863a0a8" data-element_type="widget" data-widget_type="theme-post-content.default">
کوئٹہ(نمائندہ جسارت)وزیر صحت بلوچستان بخت محمد کاکڑ نے متعلقہ حکام کو ہدایت کی ہے کہ صوبے سرکاری اسپتالوں کے اچانک دورے کئے جائیں،زمینی حقائق کا درست اندازہ لگانا ضروری ہے۔وزیر صحت بلوچستان بخت محمد کاکڑ کی سربراہی میں ہیلتھ ٹاسک فورس کمیٹی کا اہم اجلاس نئے ٹرامہ سینٹر کوئٹہ میں منعقد ہوا۔ اجلاس میں صوبے میں صحت کی سہولیات کی بہتری، اسپتالوں کی کارکردگی اور مریضوں کو فراہم کی جانے والی خدمات کے معیار کا تفصیلی جائزہ لیا گیا۔ بریفنگ میں بتایا گیا کہ صوبے بھر میں صحت کے اداروں کی کارکردگی کو جانچنے کے لیے کلیدی اشاریہ جات کی بنیاد پر انڈیکیٹر وائز مانیٹرنگ کو مزید مؤثر بنایا جا رہا ہے۔ وزیر صحت بلوچستان بخت محمد کاکڑ نے اجلاس سے خطاب کرتے ہوئے واضح ہدایات جاری کیں کہ کوئٹہ سمیت صوبے کے تمام سرکاری اسپتالوں کے مکمل اور اچانک دورے کیے جائیں تاکہ زمینی حقائق کا درست اندازہ ہو سکے۔ انہوں نے زور دیا کہ مریضوں کی دیکھ بھال، ادویات کی بروقت فراہمی، اسپتالوں کی صفائی و ستھرائی، عملے کی حاضری اور دیگر تمام ضروری امور کو کے مطابق انڈیکیٹر وائز سختی سے مانیٹر کیا جائے۔وزیر صحت نے کہا کہ عوام کو معیاری اور بروقت علاج کی فراہمی حکومت کی اولین ترجیح ہے اور اس سلسلے میں کسی بھی قسم کی غفلت یا کوتاہی برداشت نہیں کی جائے گی۔ انہوں نے متعلقہ افسران کو ہدایت کی کہ مانیٹرنگ رپورٹس کی بنیاد پر فوری اصلاحی اقدامات کیے جائیں اور اسپتالوں کی کارکردگی کو بہتر بنانے کے لیے ٹھوس اور قابلِ عمل سفارشات مرتب کی جائیں۔
ذریعہ
ذریعہ: Jasarat News
کلیدی لفظ: صحت بلوچستان
پڑھیں:
جرمنی کا بڑا فیصلہ، یکم اگست سے توسیع شدہ افغان پاسپورٹ تسلیم نہیں کیے جائیں گے
جرمنی کی وفاقی وزارت داخلہ نے اعلان کیا ہے کہ یکم اگست 2026 یا اس کے بعد توسیع کیے جانے والے افغان پاسپورٹس کو جرمنی میں درست سفری دستاویز کے طور پر تسلیم نہیں کیا جائے گا۔
وزارت داخلہ کی ترجمان ایلینا سنگر نے افغانستان انٹرنیشنل کو جاری بیان میں کہا کہ یہ فیصلہ افغان سفارتی مشنز میں پاسپورٹ کے حصول کے طریقہ کار میں ہونے والی تبدیلیوں، بین الاقوامی قانونی تقاضوں اور بین الاقوامی شہری ہوا بازی تنظیم (ICAO) کی سفارشات کو مدنظر رکھتے ہوئے کیا گیا ہے۔
انہوں نے بتایا کہ جرمنی کے رہائشی قانون (Residence Act) کی دفعہ 3(1) کے تحت ملک میں داخل ہونے یا رہائش اختیار کرنے والے غیر ملکیوں کے لیے لازم ہے کہ ان کے پاس ایک درست اور تسلیم شدہ پاسپورٹ یا اس کے متبادل منظور شدہ سفری دستاویز موجود ہو۔
وزارت داخلہ نے واضح کیا کہ یکم اگست 2026 سے پہلے توسیع کیے گئے افغان پاسپورٹس اس نئی پالیسی سے متاثر نہیں ہوں گے اور بدستور قابل قبول رہیں گے۔
بیان میں مزید کہا گیا کہ جرمنی میں اپنے رہائشی اجازت نامے (ریذیڈنس پرمٹ) کی تجدید کے خواہش مند افغان شہریوں کو بھی ایک درست اور تسلیم شدہ سفری دستاویز پیش کرنا ہوگی۔
تاہم جرمنی کے مقامی امیگریشن حکام ہر درخواست کا انفرادی بنیادوں پر جائزہ لیتے رہیں گے تاکہ یہ طے کیا جا سکے کہ متعلقہ افغان شہری کے لیے افغان سفارتی مشن سے پاسپورٹ حاصل کرنا ممکن اور مناسب ہے یا نہیں۔
اگر متعلقہ اتھارٹی اس نتیجے پر پہنچتی ہے کہ کسی افغان شہری کے لیے افغان سفارت خانے یا قونصل خانے سے پاسپورٹ حاصل کرنا ممکن یا مناسب نہیں، تو ایسے فرد کو ٹریول ڈاکیومنٹ فار فارنرز (غیر ملکیوں کے لیے سفری دستاویز) جاری کی جا سکتی ہے۔
جرمن وزارت داخلہ نے اس بات پر بھی زور دیا کہ 1951 کے جنیوا ریفیوجی کنونشن کے تحت تسلیم شدہ افغان مہاجرین کو افغان سفارتی مشنز سے رجوع کرنے کی ضرورت نہیں ہوگی۔ ایسے افراد جرمنی کے قانونی تقاضے پورے کرنے کے لیے ریفیوجی ٹریول ڈاکیومنٹ حاصل کر سکتے ہیں۔
وزارت کے مطابق اس وقت یہ اندازہ لگانا ممکن نہیں کہ نئی پالیسی سے کتنے افغان شہری متاثر ہوں گے، تاہم نئے افغان پاسپورٹس کے اجرا کے لیے درخواستیں بدستور دی جا سکتی ہیں۔
جرمن وزارت داخلہ نے یہ بھی واضح کیا کہ اس فیصلے کا جرمنی میں طالبان کی جانب سے مقرر کردہ سفارتی عملے کی موجودگی یا افغان شہریوں کی ملک بدری سے متعلق جرمن حکومت کے پروگرام سے کوئی تعلق نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت سے جنگ اور افغانستان میں کارروائی خارج ازامکان نہیں، وزیردفاع