کراچی میں پسند کی شادی پر غیرت کے نام پر باپ نے بیٹی داماد کو قتل کردیا
اشاعت کی تاریخ: 29th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: شہر کے علاقے بھینس کالونی میں پسند کی شادی کرنے والے میاں بیوی کو فائرنگ کر کے قتل کر دیا گیا۔
پولیس کے مطابق واقعہ اس وقت پیش آیا جب لڑکی کے والد نے بیٹی اور داماد پر اچانک فائرنگ کر دی، جس کے نتیجے میں دونوں موقع پر ہی جاں بحق ہو گئے۔
پولیس کا کہنا ہے کہ فائرنگ کے اس واقعے میں ایک راہگیر بھی گولی لگنے سے زخمی ہوا جسے فوری طور پر اسپتال منتقل کیا گیا۔ ابتدائی تحقیقات کے مطابق مقتول جوڑے نے تقریباً ایک ماہ قبل پسند کی شادی کی تھی اور دونوں کا تعلق ضلع ٹھٹھہ سے تھا۔
پولیس کے مطابق واقعہ ذاتی رنجش اور غیرت کے نام پر قتل کا شاخسانہ معلوم ہوتا ہے، جبکہ ملزم واقعے کے بعد فرار ہو گیا جس کی تلاش جاری ہے۔
واقعے کا نوٹس لیتے ہوئے آئی جی سندھ جاوید عالم اوڈھو نے پولیس سے تفصیلی رپورٹ طلب کر لی ہے اور ملزم کی فوری گرفتاری کی ہدایت جاری کی گئی ہے۔
.
ذریعہ
ذریعہ: Jasarat News
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا