اسنوکر میں حیران کن شاٹس: 2 سالہ بچے کا نام گنیز بک آف ورلڈ ریکارڈز میں شامل
اشاعت کی تاریخ: 29th, January 2026 GMT
data-id="863a0a8" data-element_type="widget" data-widget_type="theme-post-content.default">
لندن: اسنوکر جیسے مشکل اور تکنیکی کھیل میں جہاں تجربہ کار بالغ کھلاڑی بھی برسوں کی محنت کے بعد مہارت حاصل کرتے ہیں، وہیں برطانیہ میں محض 2 سالہ بچے نے ایسا کارنامہ انجام دے دیا جس نے کھیلوں کی دنیا کو حیرت میں مبتلا کر دیا۔
غیر ملکی میڈیا رپورٹس کے مطابق برطانوی بچے جوڈی اوئنز نے انتہائی کم عمری میں اسنوکر کے مشکل شاٹس کامیابی سے کھیل کر گنیز ورلڈ ریکارڈز میں اپنا نام درج کرا لیا ہے۔
گنیز ورلڈ ریکارڈز کی جانب سے جاری تفصیلات کے مطابق جوڈی اوئنز نے اپنی عمر کے اعتبار سے غیر معمولی مہارت کا مظاہرہ کرتے ہوئے 2 مختلف اسنوکر شاٹس مکمل کیے، جو عام طور پر بڑے اور تجربہ کار کھلاڑیوں کے لیے بھی چیلنج سمجھے جاتے ہیں۔ بتایا گیا ہے کہ 12 اکتوبر 2025ء کو جب جوڈی اوئنز کی عمر صرف 2 سال اور 302 دن تھی، اس نے کامیابی کے ساتھ پول بینک شاٹ مکمل کیا، جسے اسنوکر کے مشکل ترین شاٹس میں شمار کیا جاتا ہے۔
رپورٹس کے مطابق اس سے قبل بھی جوڈی اوئنز نے ایک اور شاندار کارنامہ سرانجام دیا تھا۔ بتایا گیا ہے کہ جب اس کی عمر 2 سال اور 261 دن تھی تو اس نے اسنوکر کا ڈبل پوٹ شاٹ کامیابی سے کھیلا، جو درست نشانے اور تکنیکی مہارت کا متقاضی ہوتا ہے۔ ان دونوں شاٹس کی کامیاب تکمیل کے بعد گنیز ورلڈ ریکارڈز کی ٹیم نے تمام شواہد، ویڈیوز اور تکنیکی تفصیلات کا جائزہ لیا اور باضابطہ طور پر جوڈی اوئنز کو اسنوکر کے مشکل شاٹس مکمل کرنے والا دنیا کا کم عمر ترین کھلاڑی قرار دے دیا۔
اس غیر معمولی کامیابی کے بعد کھیلوں کے ماہرین اور شائقین کی جانب سے بھی جوڈی اوئنز کی صلاحیتوں کو سراہا جا رہا ہے۔
اسنوکر کے ماہرین کا کہنا ہے کہ اتنی کم عمر میں ہاتھوں کی ہم آہنگی، فوکس اور درست نشانے کی صلاحیت کا مظاہرہ غیر معمولی ہے، جو فطری صلاحیت اور ابتدائی تربیت کی عکاسی کرتا ہے۔
گنیز ورلڈ ریکارڈز میں نام شامل ہونے کے بعد جوڈی اوئنز عالمی سطح پر توجہ کا مرکز بن چکا ہے جب کہ اس کارنامے کو کھیلوں کی تاریخ میں ایک منفرد مثال کے طور پر دیکھا جا رہا ہے۔ ماہرین کا اس حوالے سے کہنا ہے کہ اگر مناسب رہنمائی اور تربیت جاری رہی تو مستقبل میں جوڈی اوئنز اسنوکر کے میدان میں مزید ریکارڈز قائم کر سکتا ہے۔
.
ذریعہ
ذریعہ: Jasarat News
کلیدی لفظ: گنیز ورلڈ ریکارڈز جوڈی اوئنز اسنوکر کے کے بعد
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
بھارت سے جنگ اور افغانستان میں کارروائی خارج ازامکان نہیں، وزیردفاع