غزہ بورڈ آف پیس کا ابراہم اکارڈ سے تعلق نہیں، پاکستان آزاد فلسطین کا حامی ہے، دفتر خارجہ
اشاعت کی تاریخ: 29th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد: ترجمان دفتر خارجہ نے کہا ہے کہ غزہ بورڈ آف پیس کا ابراہم اکارڈ سے تعلق نہیں ہے۔ پاکستان آزاد فلسطین کا حامی ہے۔
دفتر خارجہ کے ترجمان طاہر حسین اندرابی نے صحافیوں کو ہفتہ وار بریفنگ دیتے ہوئے بتایا کہ رواں ہفتے صدر مملکت متحدہ عرب امارات کا دورہ کر رہے ہیں جو دونوں ممالک کے درمیان دیرینہ، مضبوط اور دوستانہ تعلقات کا عکاس ہے۔ انہوں نے کہا کہ یہ دورہ باہمی تعاون کو مزید فروغ دینے میں اہم کردار ادا کرے گا۔
ترجمان نے بتایا کہ نائب وزیراعظم اسحاق ڈار نے حال ہی میں ڈیوس کا دورہ کیا جہاں انہوں نے متعدد عالمی رہنماؤں سے ملاقاتیں کیں۔ انہوں نے واپسی پر ابوظبی میں اسٹاپ اوور کے دوران اتصالات کے اعلیٰ عہدیداران سے بھی ملاقات کی جس میں باہمی تعاون کے مختلف پہلوؤں پر تبادلہ خیال کیا گیا۔
طاہر حسین اندرابی نے کہا کہ امریکا کی جانب سے پاکستان سے متعلق ٹریول ایڈوائزری کو اپ گریڈ کیا گیا ہے، جس سے مزید غیر ملکی اور پاکستانی شہری پاکستان کا سفر کر سکیں گے۔ انہوں نے بتایا کہ امریکی ٹریول ایڈوائزری میں پاکستان کو ایک محفوظ ملک کے طور پر ظاہر کیا گیا ہے جو ایک اہم پیش رفت ہے۔
انہوں نے مزید کہا کہ قزاقستان کے صدر جلد پاکستان کا دورہ کریں گے ۔ اس دورے کی تاریخوں کا اعلان جلد متوقع ہے۔ ترجمان کے مطابق یہ دورہ دونوں ممالک کے درمیان سیاسی اور معاشی تعاون کو مزید مستحکم کرے گا۔
غزہ بورڈ آف پیس سے متعلق بات کرتے ہوئے ترجمان نے کہا کہ پاکستان نے خلوصِ نیت سے اس فورم میں شمولیت اختیار کی ہے ۔ پاکستان سمیت 7 دیگر اہم مسلم ممالک بھی اس بورڈ کا حصہ بنے ہیں۔ انہوں نے واضح کیا کہ اس بورڈ کے ذریعے پاکستان فلسطین میں امن، تعمیر نو اور بہتری کا خواہاں ہے۔
انہوں نے کہا کہ غزہ بورڈ آف پیس سے متعلق ابراہم اکارڈ سے جوڑنے کے الزامات بے بنیاد ہیں ۔ اس فورم کا ابراہم اکارڈ سے کوئی تعلق نہیں۔ ترجمان کے مطابق پاکستان 1967 کی سرحدوں کے مطابق ایک آزاد فلسطینی ریاست کا حامی ہے جس کا دارالحکومت القدس الشریف ہونا چاہیے۔
انہوں نے مزید کہا کہ ایمان مزاری اور ہادی علی چٹھہ کو سزا پاکستان کا داخلی معاملہ ہے۔ پاکستان یورپی یونین کے ساتھ رابطے میں رہتا ہے، انڈیا اور متحدہ عرب امارات کے درمیان معاہدے پر تبصرہ نہیں کریں گے۔ ڈی آئی خان حملے میں افغان حملہ آور کی شمولیت ایک پیٹرن ہے، اصل میں افغان نیشنلز پاکستان میں دہشتگردی کر رہے ہیں۔ ڈی آئی خان حملے کا معاملہ دوطرفہ اور دیگر پلیٹ فارمز پر اٹھایا گیا ہے۔
.
ذریعہ
ذریعہ: Jasarat News
کلیدی لفظ: ابراہم اکارڈ سے غزہ بورڈ آف پیس نے کہا کہ انہوں نے
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا