ماں اور بچی کے سانحے پر وزیراعلیٰ مریم نواز شدید رنجیدہ، غفلت کے مرتکب کیخلاف سخت کارروائی کا اعلان
اشاعت کی تاریخ: 29th, January 2026 GMT
وزیراعلیٰ پنجاب مریم نواز نے ماں اور بچی کے دلخراش واقعے پر گہرے دکھ اور رنج کا اظہار کرتے ہوئے انتظامیہ کی غفلت اور لاپرواہی کے خلاف سخت اقدامات کا اعلان کیا ہے۔ وزیراعلیٰ نے واقعے کے ریسکیو آپریشن میں شامل تمام اداروں کے کردار کا غیر جانبدارانہ جائزہ لینے اور ذمہ داروں کو کٹہرے میں لانے کی ہدایت کر دی ہے۔
یہ بھی پڑھیں:لاہور، سیوریج لائن میں گرنے والی ماں اور بچی کی لاشیں برآمد، تحقیقات کا آغاز
وزیراعلیٰ مریم نواز نے کہا ہے کہ ایک ماں کا دکھ ایک ماں ہی پوری طرح سمجھ سکتی ہے، اور ماں اور بچی کے اس المناک واقعے نے انہیں شدید طور پر رنجیدہ کر دیا ہے۔ انہوں نے انتظامیہ کی غفلت اور لاپروائی کے خلاف اعلانِ جنگ کرتے ہوئے واضح کیا کہ کسی بھی سطح پر کوتاہی برداشت نہیں کی جائے گی۔
وزیراعلیٰ نے ماں اور بچی کے واقعے کے دوران ریسکیو آپریشن میں شامل تمام اداروں کے افسران کو جوابدہ قرار دیتے ہوئے انہیں کٹہرے میں کھڑا کرنے کا فیصلہ کیا ہے۔ انہوں نے ہدایت دی کہ پولیس، ریسکیو 1122، واسا اور ضلعی انتظامیہ واقعے سے متعلق تمام پہلوؤں پر مشتمل غیر جانبدار فیکٹ فائنڈنگ رپورٹ فوری طور پر پیش کریں۔
ذرائع کے مطابق وزیراعلیٰ مریم نواز نے بھکر کی مصروفیات کے دوران بھی ماں اور بچی کے واقعے کی لمحہ بہ لمحہ رپورٹ حاصل کی اور صورتحال پر مسلسل نظر رکھے رکھی۔
پرندہ مارکیٹ کے قریب مین ہول میں گرنے والی ماں اور بیٹی کی لاشیں مل گئیں۔ اب اس واقعے کو فیک کال قرار دینے والی عظمی بخاری کس منہ سے وزیراعلی پنجاب کے قصیدے بیان کریں گی۔ شاید اسلئے کہتے ہیں کہ سیات بہت ظالم ہوتی ہے۔
اللہ پاک سب پر اپنا کرم رکھیں۔ امین pic.
— Omer Yaqoob ???????? (@Omer_Yaqoob) January 29, 2026
وزیراعلیٰ نے فیصلہ کیا کہ بھکر سے واپسی پر گھر جانے کے بجائے ایئرپورٹ پر ہی ان کی زیر صدارت ایک ہنگامی اجلاس منعقد کیا جائے گا، جس میں واقعے سے متعلق تمام پہلوؤں کا جائزہ لیا جائے گا۔
وزیراعلیٰ نے فیکٹ فائنڈنگ رپورٹ کی روشنی میں فوری اور سخت ترین کارروائیوں کا عندیہ دیتے ہوئے کہا ہے کہ ریسکیو آپریشن کے دوران متضاد اور غیر مستند معلومات فراہم کرنے والے تمام افسران اور اداروں کے خلاف بلا امتیاز کارروائی کی جائے گی۔ انہوں نے واضح کیا کہ انسانی جانوں سے متعلق معاملات میں کسی قسم کی غفلت ناقابلِ قبول ہے اور ذمہ داروں کو قانون کے مطابق سزا دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
کلیدی لفظ: ماں اور بچی کے مریم نواز
پڑھیں:
ٹرمپ کی خام خیالی تھی وہ ہمیں مذاکرات میں لگاکر حزب اللہ کیخلاف کارروائیاں کریں گے، ایرانی سفیر
ایرانی سفیر رضا امیری مقدم(فائل فوٹو)۔پاکستان میں متعین ایرانی سفیر رضا امیری مقدم نے کہا کہ ٹرمپ کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
ایرانی سفیر نے کہا کہ میناب میں اسکول اور عام شہریوں کو نشانہ بنایا گیا، امریکا اور اسرائیل کو 40 روزہ جنگ کے بعد شکست کا سامنا کرنا پڑا۔
اسلام آباد میں تقریب سے خطاب کرتے ہوئے ایرانی سفیر رضا امیری مقدم نے مزید کہا کہ مذاکرات کے حوالے پاکستان ثالث کے طور پر ابھرا، ہم مذاکرات میں اس لیے آئے کہ ہماری نیت ہے، ٹرمپ کہتے ہیں کہ ہمارے پاس ایٹمی ہتھیار نہیں ہونے چاہئیں۔
ایرانی سفیر نے کہا ہمارے رہبر اعلیٰ نے فتویٰ دیا ہوا ہے کہ ہم ایٹمی ہتھیاروں کو حرام سمجھتے ہیں، مذاکرات کی میز پر امریکی کہتے ہیں آپ یورینیم بھی افزودہ نہیں کرسکتے۔
رضا امیری مقدم نے کہا کہ ایٹمی ہتھیاروں اور پرامن مقاصد کیلئے یورینیم افزودہ کرنا الگ ہے، امریکا اور مغرب کے سامنے ایران کبھی نہیں جھکے گا۔
ایرانی سفیر نے کہا کہ ٹرمپ صبح سے شام تک دیوانوں کی طرح باتیں کرتے رہتے ہیں، ان کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ