گل پلازا متاثرین کو ٹیکس میں ریلیف دیا جانا چاہیے: طحہٰ احمد خان
اشاعت کی تاریخ: 29th, January 2026 GMT
طحہٰ احمد خان---فائل فوٹو
متحدہ قومی موومنٹ (ایم کیو ایم) کے رکنِ اسمبلی طحہٰ احمد خان کا کہنا ہے کہ گل پلازا کے متاثرین کو ٹیکس میں ریلیف دیا جانا چاہیے۔
طحہٰ احمد خان نے چیئرمین ایف بی آر کو سانحۂ گل پلازا کے متاثرین کو ٹیکس میں چھوٹ دینے سے متعلق خط لکھا ہے۔
طحہٰ احمد خان کی جانب سے ایف بی آر کو لکھے گئے خط کے مطابق سانحۂ گُل پلازا میں قیمتی جانوں اور روزگار کا نقصان ہوا ہے، کراچی ملکی معیشت میں 60 فیصد سے زیادہ ٹیکس دینے والا شہر ہے، غیر معمولی صورتِ حال میں ٹیکس میں نرمی منصفانہ اقدام ہے۔
طحہٰ احمد نے یہ بھی کہا ہے کہ اس سانحے میں متاثرہ تاجروں کے کاروبار اور ریکارڈ تباہ ہو چکے ہیں، ٹیکس ایئر 2026ء کے لیے متاثرین کو خصوصی سہولت دی جانی چاہیے۔
.
ذریعہ
ذریعہ: Jang News
کلیدی لفظ: متاثرین کو ٹیکس میں
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی