آزاد کشمیر انتخابات: ن لیگ کے ٹکٹ ہولڈرز کے حتمی انٹرویوز نواز شریف کریں گے
اشاعت کی تاریخ: 29th, January 2026 GMT
مسلم لیگ (ن) آزاد کشمیر سیاسی کمیٹی نے فیصلہ کیا ہے کہ میاں نواز شریف آزاد کشمیر اور گلگت بلتستان انتخابات کی تیاریوں کے لیے دورے اور امیدواروں کے انٹرویوز کی نگرانی کریں گے۔
یہ بھی پڑھیں: وی ایکسکلوسیو: آزاد کشمیر میں اگلی حکومت ن لیگ کی ہوگی، وزیراعظم کا فیصلہ نواز شریف کریں گے، راجا فاروق حیدر
وزیر اعظم شہباز شریف کی قائم کردہ کمیٹی کے اجلاس میں فیصلہ کیا گیا کہ پہلے مرحلے میں میاں نواز شریف گلگت بلتستان کے آنے والے انتخابات کے سلسلے میں بھی دورہ کریں گے جبکہ آزاد کشمیر کے انتخابات کے امیدواروں کی جانچ پڑتال اور انٹرویوز بھی ان کی زیر نگرانی ہوں گے۔
اجلاس کی سربراہی وزیر اعظم کے مشیر برائے سیاسی امور سینیٹر رانا ثنااللہ اور وفاقی وزیر امور کشمیر انجینئر امیر مقام نے کی۔
اپوزیشن لیڈر اور صدر ن لیگ آزاد کشمیر شاہ غلام قادر کمیٹی ارکان کے ہمراہ اجلاس میں شریک ہوئے۔ اجلاس میں مرکزی جنرل سیکریٹری چوہدری طارق فاروق، سینیئر نائب صدر مشتاق منہاس، سیکریٹری اطلاعات بیرسٹر افتخار گیلانی، ڈاکٹر نجیب نقی اور عبدالرحمان آرائیں بھی موجود تھے۔
مزید پڑھیے: راجا ثاقب مجید کی مسلم لیگ ن میں شمولیت، آزاد کشمیر کے انتخابات سے پہلے سیاسی ماحول گرم
اجلاس میں آزاد کشمیر کی موجودہ سیاسی صورتحال پر تفصیلی تبادلۂ خیال کیا گیا اور ن لیگ آزاد کشمیر کے ٹکٹ ہولڈرز کے انتخاب کے لیے حتمی انٹرویوز کرنے کا فیصلہ کیا گیا جو براہ راست صدر مسلم لیگ ن، میاں نواز شریف کریں گے۔
سیاسی کمیٹی نے آئندہ لائحہ عمل طے کرنے کے لیے مشاورت کی اور آزاد کشمیر میں انتخابی تیاریوں، پارٹی کے تنظیمی امور اور انتخابی حکمتِ عملی پر تفصیلی غور کیا۔
اجلاس میں اتحاد، نظم و ضبط اور عوامی رابطہ مہم کو تیز کرنے پر بھی زور دیا گیا۔
مزید پڑھیں: آزاد کشمیر الیکشن، نواز شریف نے اہم اجلاس طلب کر لیا
ن لیگ قیادت نے آزاد کشمیر میں بھرپور انتخابی مہم چلانے کا عزم ظاہر کیا اور پارٹی کے امیدواروں کے لیے مکمل حمایت کی یقین دہانی کروائی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد کشمیر آزاد کشمیر کے انتخابات میاں محمد نواز شریف ن لیگ.
ذریعہ
ذریعہ: WE News
کلیدی لفظ: ا زاد کشمیر کے انتخابات میاں محمد نواز شریف ن لیگ زاد کشمیر کے اجلاس میں نواز شریف کریں گے کے لیے
پڑھیں:
خیبر پی کے میں بلدیاتی انتخابات 2 مراحل میں ہونے کا امکان
پشاور (بیورو رپورٹ) الیکشن کمشن نے خیبر پی کے میں مرحلہ وار بلدیاتی انتخابات کروانے پر کام شروع کر دیا۔ صوبے میں بلدیاتی انتخابات 2 مراحل میں ہونے کا امکان ہے۔ الیکشن کمشن نے 23 اضلاع میں حلقہ بندیاں مکمل کر لیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمشن جلد خیبر پی کے حکومت سے انتخابات کی حتمی تاریخ مانگے گا۔ ذرائع کے مطابق الیکشن کمشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا۔ بلدیاتی اداروں کی مدت مارچ اور جون 2026ء میں مکمل ہو چکی ہے۔ الیکشن کمشن نے 23 اضلاع میں الیکشنز کرانے کے لیے تیار ہے۔ چیف سیکرٹری کے پی کے 28 جولائی تک الیکشن کمشن کو آگاہ کریں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار