بھاٹی گیٹ سانحہ قتل کے مترادف قرار، 5 افسران گرفتار، 2 برطرف
اشاعت کی تاریخ: 29th, January 2026 GMT
وزیراعلیٰ پنجاب مریم نواز نے لاہور کے بھاٹی گیٹ میں پیش آنے والے مین ہول سانحے کو قتل کے مترادف قرار دیتے ہوئے غفلت کے مرتکب افسران کے خلاف سخت کارروائی کا حکم دے دیا ہے۔
وزیراعلیٰ کی زیرصدارت ہونے والے اعلیٰ سطح اجلاس میں واقعے پر تفصیلی بریفنگ دی گئی، جس کے بعد پروجیکٹ ڈائریکٹر سمیت 5 افسران کی گرفتاری اور 2 افسران کو ملازمت سے برطرف کرنے کے احکامات جاری کیے گئے۔
مزید پڑھیں: ماں اور بچی کے سانحے پر وزیراعلیٰ مریم نواز شدید رنجیدہ، غفلت کے مرتکب کیخلاف سخت کارروائی کا اعلان
اجلاس کے دوران وزیراعلیٰ نے متعلقہ اداروں کی کارکردگی پر شدید برہمی کا اظہار کرتے ہوئے کہا کہ ایل ڈی اے، نیسپاک اور کنٹریکٹر تینوں نے مجرمانہ غفلت کا مظاہرہ کیا۔
لاہور واقعہ کے ذمہ داروں کو گرفتار کر لیا گیا، پنجاب میں نااہلی کی کوئی جگہ نہیں، ہر کوئی جواب دہ ہے pic.
— Hina Parvez Butt (@hinaparvezbutt) January 29, 2026
مریم نواز نے واضح کیا کہ لاہور جیسے بڑے شہر میں تعمیراتی کام شہریوں کی سہولت اور شہر کی خوبصورتی کے لیے ہوتے ہیں، نہ کہ انسانی جانوں کے ضیاع کے لیے۔ انہوں نے کمشنر لاہور کو بھی اس واقعے کا اتنا ہی ذمہ دار قرار دیا جتنا ایل ڈی اے کو ٹھہرایا گیا ہے۔
وزیراعلیٰ پنجاب نے انکشاف کیا کہ واقعے کو دبانے کی کوشش کی گئی اور ہر مرحلے پر غفلت برتی گئی، جو ناقابلِ قبول ہے۔ ایسے واقعات کے ذمہ دار افراد کو قانون کے مطابق سخت سزا دی جائے گی تاکہ آئندہ کسی شہری کی جان خطرے میں نہ پڑے۔
مزید پڑھیں: پنجاب میں پالتو شیر رکھنے کی قانونی اجازت ختم، وزیراعلیٰ مریم نواز کا بڑا فیصلہ
دوسری جانب مسلم لیگ (ن) کی رہنما حنا پرویز بٹ نے سماجی رابطے کی ویب سائٹ ایکس پر اپنے بیان میں کہا کہ لاہور واقعے کے ذمہ داروں کو گرفتار کرلیا گیا ہے۔ انہوں نے واضح کیا کہ پنجاب میں نااہلی کی کوئی گنجائش نہیں اور ہر شخص کو اپنے اعمال کا جواب دینا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
5 افسران گرفتار، 2 برطرف بھاٹی گیٹ سانحہ قتل وزیراعلیٰ پنجاب مریم نواز
ذریعہ
ذریعہ: WE News
کلیدی لفظ: 5 افسران گرفتار 2 برطرف بھاٹی گیٹ سانحہ قتل وزیراعلی پنجاب مریم نواز مریم نواز
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار