لاہور:داتادربار کے قریب سیوریج لائن میں ماں بیٹی گرگئیں،خاتون کی نعش مل گئی
اشاعت کی تاریخ: 29th, January 2026 GMT
لاہور (نامہ نگار + نوائے وقت رپورٹ) داتا دربار کے مرکزی دروازے کے قریب سیوریج لائن کی گہری ہودی میں مبینہ طور ماں گود میں اٹھائی شیر خوار بیٹی سمیت گرگئی، جبکہ ریسکیو ٹیموں نے ماں بیٹی کی لاشوں کی تلاش میں رات گئے تک ریسکیو آپریشن جاری رکھا۔ بتایا جاتا ہے کہ داتا دربار فیملی کے ہمراہ سلام کرنے کے لئے آنے والی 24 سالہ سعدیہ گود میں 10 مہینے کی بیٹی ردا کو اٹھا کر جا رہی تھی۔ علاوہ ازیں نوائے وقت رپورٹ کے مطابق ڈی آئی جی آپریشن فیصل کامران نے کہا ہے کہ ایک جگہ سے خاتون کی نعش ملی ہے۔ بچی کی تلاش جاری ہے۔ واقعہ کی انکوائری کیلئے ہائی لیول کی کمیٹی بنا دی ہے۔ خاتون کی نعش آ وٹ فال روڈ سے ملی ہے۔
.
ذریعہ
ذریعہ: Nawaiwaqt
پڑھیں:
کوہاٹ ٹول پلازہ کے قریب دہشت گردوں کا کسٹمز حکام پر حملہ، 2 اہلکار شہید، ایک زخمی
کوہاٹ ٹول پلازہ کے قریب دہشت گردوں نے کسٹمز انفورسمنٹ اسکواڈ پر حملہ کر دیا، جس کے نتیجے میں سپاہی جاوید احمد اور اے ایس آئی ساجد الاسلام جامِ شہادت نوش کر گئے، جبکہ پاکستان کسٹمز کا ایک سپاہی زخمی ہوا، جسے علاج کے لیے اسپتال منتقل کر دیا گیا ہے۔ پاکستان کسٹمز کے مطابق قانون نافذ کرنے والے اداروں کی کارروائیاں جاری ہیں۔
پاکستان کسٹمز کے مطابق دہشت گرد حملے کے بعد سرکاری انفورسمنٹ گاڑی کو آگ لگا دی گئی، جبکہ ملزمان کی تلاش کے لیے سرچ آپریشن شروع کر دیا گیا ہے۔
پاکستان کسٹمز نے شہید سپاہی جاوید احمد اور شہید اے ایس آئی ساجد الاسلام کی عظیم قربانی کو خراجِ عقیدت پیش کرتے ہوئے کہا کہ شہداء نے اسمگلنگ کے خلاف جنگ اور وطن کی معاشی سرحدوں کے تحفظ میں اپنی جانوں کا نذرانہ پیش کیا۔
پاکستان کسٹمز نے شہداء کے اہلِ خانہ سے دلی تعزیت، زخمی اہلکار کی جلد صحت یابی کے لیے دعا اور اسمگلنگ، دہشت گردی و جرائم کے خلاف کارروائیاں مزید مؤثر بنانے کے عزم کا اعادہ کرتے ہوئے کہا کہ ہمارے شہداء کی لازوال قربانیاں قوم کا سرمایہ ہیں، ان کا خون ہرگز رائیگاں نہیں جائے گا، جبکہ پاکستان کسٹمز ملک کی معاشی سرحدوں کے تحفظ اور اسمگلنگ کے مکمل خاتمے کے لیے پرعزم ہے۔
پاکستان نے ورلڈ کپ 2028 کیلیے براہ راست کوالیفائی کر لیا