امیر جماعت اسلامی بنگلا دیش سے امریکاو یورپی یونین کے سفیر وں کی ملاقات
اشاعت کی تاریخ: 30th, January 2026 GMT
data-id="863a0a8" data-element_type="widget" data-widget_type="theme-post-content.default">
ڈھاکا( صباح نیوز) امیر جماعت اسلامی بنگلا دیش ڈاکٹر شفیق الرحمن سے ڈھاکا میں متعین امریکی سفیر مسٹر برینٹ ٹی کرسٹینسن اور یورپی یونین کے سفیر مائیکل ملر نے الگ الگ ملاقات کی۔ اس موقع پر امریکی سفیر کے ہمراہ سفارت خانے کے پولیٹیکل و اکنامک قونصلر ایرک گِل مین، پبلک آفیسر مس مونیکا ایل سائی، پولیٹیکل آفیسر جیمز اسٹیورٹ اور پولیٹیکل اسپیشلسٹ فیروز احمد بھی تھے جبکہ یورپی یونین کے پولیٹیکل فرسٹ سیکرٹری سیباسٹین ریگر براؤن بھی اس موقع موجود تھے۔ دونوں ملاقاتیں نہایت خوشگوار، باہمی احترام اور گرمجوشی کے ماحول میں منعقد ہوئیں۔امریکی سفیر سے ملاقات کے دوران بنگلا دیش کی موجودہ سیاسی و معاشی صورتحال، صنعت و تجارت، آئندہ قومی اسمبلی کے انتخابات، ریاستی اصلاحات اور روہنگیا مسئلے سمیت دیگر اہم امور پر تفصیلی تبادلہ خیال کیا گیا۔امریکی سفیر نے بنگلا دیش کی معاشی ترقی اور جمہوری سفر میں جماعت اسلامی کے مثبت کردار کو سراہتے ہوئے اس کی تعریف کی۔ انہوں نے اس امید کا اظہار بھی کیا کہ مستقبل میں بنگلا دیش اور امریکا کے درمیان دوطرفہ تعلقات مزید مضبوط ہوں گے۔ یورپی یونین کے سفیر سے باہمی دلچسپی کے مختلف امور پر تبادلہ خیال کیا گیا۔ گفتگو میں بنگلا دیش میں آئندہ قومی پارلیمانی انتخابات اور جمہوریت کو بامعنی بنانے کے موضوع کو خصوصی اہمیت حاصل رہی۔ دونوں فریقین نے مستقبل میں باہمی تعلقات، ترقی اور پیش رفت کے تسلسل کے حوالے سے امید کا اظہار کیا۔اس موقع پرجماعت اسلامی کے اسسٹنٹ سیکرٹری جنرل اور مرکزی شعبہ تشہیر و میڈیا کے سربراہ ایڈووکیٹ احسانْ المحبوب زبیر، مرکزی عاملہ کے رکن محمد مبارک حسین اور امیر جماعت کے خارجہ امور کے مشیر پروفیسر ڈاکٹر محمودالحسن بھی موجودتھے۔
ذریعہ
ذریعہ: Jasarat News
کلیدی لفظ: یورپی یونین کے امریکی سفیر بنگلا دیش
پڑھیں:
مسجد اقصیٰ میں اسرائیلی آبادکاروں کی دراندازی: پاکستان سمیت 8 ممالک کا شدید ردعمل، پورا حرم صرف مسلمانوں کی عبادت گاہ قرار
پاکستان، سعودی عرب، مصر، ترکیہ، انڈونیشیا، اردن، قطر اور متحدہ عرب امارات (یو اے ای) کے وزرائے خارجہ نے مسجد اقصیٰ میں انتہا پسند اسرائیلی آبادکاروں کی مسلسل دراندازی، اسرائیلی فورسز کی سرپرستی میں ہونے والی کارروائیوں اور مسجد کے احاطے میں اسرائیلی پرچم لہرانے کی شدید مذمت کی ہے۔
یہ بھی پڑھیں: فلسطینی قیدیوں کو سزائے موت سے متعلق اسرائیلی قانون سازی، پاکستان سمیت 8 اسلامی ممالک کا مذمتی بیان جاری
8 عرب و اسلامی ممالک کے وزرائے خارجہ نے مشترکہ بیان میں کہا کہ انتہا پسند اسرائیلی آبادکاروں کی یہ اشتعال انگیز اور ناقابل قبول کارروائیاں بین الاقوامی قانون، اقوام متحدہ کی متعلقہ قراردادوں اور مقبوضہ مشرقی یروشلم میں مقدس مقامات کی تاریخی و قانونی حیثیت کی کھلی خلاف ورزی ہیں۔
بیان میں اسرائیل کی جانب سے مقبوضہ مشرقی یروشلم کی تاریخی، قانونی اور آبادیاتی حیثیت تبدیل کرنے اور اسلامی و مسیحی مقدس مقامات کے تشخص کو نقصان پہنچانے کے لیے جاری منظم اقدامات اور خلاف ورزیوں کی بھی سخت مذمت کی گئی۔
وزرائے خارجہ نے یروشلم اور اس کے اسلامی و مسیحی مقدس مقامات کی تاریخی و قانونی حیثیت تبدیل کرنے کی ہر کوشش کو مسترد کرتے ہوئے اس کے تحفظ پر زور دیا جبکہ اس حوالے سے ہاشمی سرپرستی کے خصوصی کردار کو بھی تسلیم کیا۔
مشترکہ بیان میں کہا گیا کہ مسجد اقصیٰ/الحرم الشریف کا پورا 144 دونم (تقریباً 35.6 ایکڑ) پر مشتمل رقبہ صرف مسلمانوں کی عبادت گاہ ہے اور اردن کی وزارت اوقاف و اسلامی امور سے وابستہ یروشلم اوقاف و مسجد اقصیٰ امور ڈائریکٹوریٹ ہی اس مقدس مقام کے انتظام و انصرام اور داخلے کے امور کا واحد مجاز ادارہ ہے۔
مزید پڑھیے: پاکستان سمیت 8 اسلامی ممالک کا مشترکہ بیان، غزہ میں امن کے لیے ٹرمپ کی کوششوں کا خیرمقدم
وزرائے خارجہ نے اسرائیلی حکام کو ان اشتعال انگیز اقدامات کے فوری خاتمے کا ذمہ دار قرار دیتے ہوئے خبردار کیا کہ بار بار کی جانے والی ایسی خلاف ورزیاں خطے میں کشیدگی، عدم استحکام اور انتہا پسندی کو فروغ دیتی ہیں امن کی بین الاقوامی کوششوں کو نقصان پہنچاتی ہیں اور بین الاقوامی قانون کے تحت اسرائیل کی ذمہ داریوں کی صریح خلاف ورزی ہیں۔
انہوں نے مطالبہ کیا کہ اسرائیل فوری طور پر ایسی تمام غیر قانونی اور اشتعال انگیز کارروائیاں بند کرے اور مسجد اقصیٰ کی تاریخی و قانونی حیثیت کا مکمل احترام یقینی بنائے۔
????PR No.1️⃣4️⃣0️⃣/2️⃣0️⃣2️⃣6️⃣
Joint Statement by Foreign Ministers of the Group of Eight Arab-Islamic States
????⬇️ pic.twitter.com/qZTmgSZM0n
— Ministry of Foreign Affairs – Pakistan (@ForeignOfficePk) June 2, 2026
آٹھوں ممالک نے فلسطینی عوام کے ساتھ اپنی غیر متزلزل یکجہتی کا اعادہ کرتے ہوئے ان کے جائز اور ناقابل تنسیخ قومی حقوق، بالخصوص حقِ خودارادیت اور 1967 کی سرحدوں پر مشتمل ایک آزاد اور خودمختار فلسطینی ریاست کے قیام کی حمایت کا اعادہ کیا، جس کا دارالحکومت مشرقی یروشلم ہو۔
مزید پڑھیں: غزہ جنگ بندی کی خلاف ورزیاں، پاکستان سمیت 8 اسلامی ممالک اسرائیلی جارحیت پر بول پڑے
بیان میں اسرائیلی قبضے کے خاتمے اور 2 ریاستی حل کی بنیاد پر منصفانہ، دیرپا اور جامع امن کے قیام کے لیے جاری تمام سفارتی کوششوں کی بھی مکمل حمایت کا اظہار کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 اسلامی ممالک اسرائیل کی جارحیت مسجد اقصیٰ میں اسرائیلی آبادکاروں کی دراندازی
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ