Jasarat News:
2026-07-23@23:56:01 GMT

منفی پالیسیوں نے عوام کی کمر توڑ ڈالی ‘ شاہد رشید بٹ

اشاعت کی تاریخ: 30th, January 2026 GMT

data-id="863a0a8" data-element_type="widget" data-widget_type="theme-post-content.default">

اسلام آباد (کامرس ڈیسک) معروف تاجر رہنما اور اسلام چیمبر آف کامرس کے سابق صدر شاہد رشید بٹ نے کہا ہے کہ منفی پالیسیوں نے عوام کی کمرتوڑ ڈالی ہے جبکہ کاروباری برادری کی امیدیں خاک میں مل گئی ہیں۔ ماہرین اور نوجوان ملک چھوڑ رہے ہیں۔ غیر ملکی سرمایہ کار پاکستان کا رخ نہیں کر رہے ہیں جبکہ مقامی سرمایہ کار بھاگ رہے ہیں۔ اشرافیہ کی لوٹ مار کا بوجھ عوام پر ڈالنے کا سلسلہ روکاجائے اور پاکستان کو ناقابل سرمایہ کاری ملک بننے سے روکنے کے لیے سنجیدہ اور دیرپا اصلاحات کی جائیں تاکہ کاروباری اعتماد بحال ہو سکے۔ شاہد رشید بٹ نے یہاں جاری ہونے والے ایک بیان میں کہا کہ جولائی سے دسمبر تک ملک میں براہ راست غیر ملکی سرمایہ کاری میں 43.

3 فیصد کی نمایاں کمی ریکارڈ کی گئی جبکہ پورٹ فولیو سرمایہ کاری منفی 225.1 ملین ڈالر رہی جو گزشتہ سال اسی مدت میں منفی 221.8 ملین امریکی ڈالر تھی یہ اعداد و شمار سرمایہ کاروں کے عدم اعتماد کی واضح عکاسی کرتے ہیں۔انھوں نے کہا کہ مالی سال 2026 کی پہلی ششماہی کے دوران برآمدات میں 5 فیصد کمی آئی جبکہ کرنٹ اکاؤنٹ خسارہ بڑھ کر 1.174 ارب ڈالر ہو گیا جو گزشتہ مالی سال کی اسی مدت کے مقابلے میں زیادہ ہے۔اس وقت زرمبادلہ کے ذخائر 21.3 ارب ڈالر ہیں جن میں سے 16.1 ارب ڈالر اسٹیٹ بینک آف پاکستان کے پاس ہیں جس کا بڑا حصہ قرضوں پر مشتمل ہے جو مستقبل کے لئے تشویشناک صورتحال ہے۔ انہوں نے زرعی شعبے کا حوالہ دیتے ہوئے کہا کہ اگرچہ موجودہ مالی سال کی پہلی سہ ماہی میں زرعی نمو 2.9 فیصد رہی جو گزشتہ سال 1.0 فیصد تھی تاہم اہم فصلوں میں گندم کے علاوہ 0.7 فیصد کمی آئی۔ کپاس کی پیداوار میں 1.2 فیصد کمی، سبز چارے کی پیداوار میں 14.4 فیصد کمی اور کھاد کی قیمتوں میں 13 فیصد اضافہ کسانوں کے لیے سنگین مسائل پیدا کر رہا ہے۔شاہد رشید بٹ نے کہا کہ جولائی سے جنوری تک نجی شعبے کو قرضوں کی فراہمی صرف 578.4 ارب روپے رہی جبکہ گزشتہ سال اسی مدت میں یہ 1.520 کھرب روپے تھی جو نجی شعبے کی کمزور حالت اور سرمایہ کاری میں جمود کو ظاہر کرتی ہے۔ پالیسیوں میں فوری اصلاحات کے بغیر معاشی بحالی ممکن نہیں۔

کامرس ڈیسک گلزار

ذریعہ

ذریعہ: Jasarat News

کلیدی لفظ: شاہد رشید بٹ سرمایہ کاری فیصد کمی کہا کہ

پڑھیں:

بجلی، گیس، پانی، پیٹرول سمیت ہر شعبے میں ٹیکس وصول کیے جا رہے ہیں، شاداب نقشبندی

سربراہ پاکستان سنی تحریک نے کہا کہ وقت کا تقاضا ہے کہ عوام کو مہنگائی، بے روزگاری اور بنیادی سہولیات کے بحران سے نجات دلانے کے لیے فوری، سنجیدہ اور مؤثر اقدامات کیے جائیں تاکہ عوام کا اعتماد بحال ہو اور ملک معاشی استحکام کی جانب گامزن ہو سکے۔ اسلام ٹائمز۔ پاکستان سنی تحریک کے سربراہ محمد شاداب رضا نقشبندی نے کہا ہے کہ گیس، بجلی اور پانی کی مسلسل قلت، بڑھتی ہوئی مہنگائی اور حکومتی معاشی پالیسیاں عوام کے لیے شدید پریشانی کا باعث بن چکی ہیں، حکمران طبقہ تاجروں، کسانوں، مزدوروں اور عام شہریوں کو معاشی ریلیف اور سہولیات فرام کرنے میں بے بس ہے۔ ان کیالات کا اظہار انہوں نے مرکز اہلسنت سے جاری ایک بیان میں کیا۔ محمد شاداب رضا نقشبندی نے کہا کہ پیٹرولیم مصنوعات کی قیمتوں میں بار بار ہونے والے اضافے نے نہ صرف شہریوں کی مشکلات میں اضافہ کیا ہے بلکہ معیشت کو بھی عدم استحکام سے دوچار کر دیا ہے، بازاروں میں سناٹے تاجر بھی پریشان حال ہیں، حکمرانوں کے پاس تاحال ایسی عوام دوست معاشی پالیسی دکھائی نہیں دے رہی جو مہنگائی پر قابو پا سکے اور عام آدمی کو حقیقی سہولت فراہم کرے۔

ان کا کہنا تھا کہ حکومت کو چاہیئے کہ دعووں اور اعلانات کے بجائے عملی اقدامات کرے، عوام کی بنیادی ضروریات کی فراہمی کو یقینی بنائے اور معاشی استحکام کے لیے بڑے، مؤثر اور دیرپا فیصلے کرے۔ انہوں نے کہا کہ جمہوریت اور آئین کا بنیادی مقصد عوام کو باعزت، محفوظ اور خوشحال زندگی فراہم کرنا ہے، حکومت کی ذمہ داری ہے کہ وہ شہریوں کو معیاری تعلیم، بہترین طبی سہولیات، روزگار کے مواقع، معاشی استحکام اور بنیادی ضروریات کی فراہمی یقینی بنائے، عوام کو مہنگائی، بے روزگاری اور غربت سے نجات دلانے کے لیے مؤثر اور عوام دوست پالیسیاں اختیار کی جائیں، حقیقی جمہوریت اسی وقت مضبوط ہوتی ہے جب آئین کی بالادستی، قانون کی مساوی حکمرانی اور عوامی فلاح و بہبود کو اولین ترجیح دی جائے۔

متعلقہ مضامین

  • عالمی منڈی میں خام تیل کی قیمتیں بے قابو، فی بیرل 100 ڈالر سے متجاوز
  • حکومت نے یومیہ بنیادوں پر آج پھر عوام پر پیٹرول بم گرا دیا
  • پاکستان کے لیے بڑی معاشی خوشخبری، عالمی ادارے نے کریڈٹ ریٹنگ 7 سال کی بلند ترین سطح پر قرار دیدی
  • فیلڈ مارشل عاصم منیر کا بلوچستان میں پائیدار امن کے عزم کا اعادہ
  • طوفانی سیلاب سے عوام شدید مشکلات کا شکار ہیں، حکومت فوری اقدامات اٹھائے، کاظم میثم
  • بجلی، گیس، پانی، پیٹرول سمیت ہر شعبے میں ٹیکس وصول کیے جا رہے ہیں، شاداب نقشبندی
  • دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
  • پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ
  • فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
  • آئی ٹی برآمدات میں اضافہ حکومتی اقدامات اور پالیسیوں کا ثمر ہے، وزیراعظم شریف