گوادر کو افریقہ کیلئے ایک اہم برآمدی مرکز کے طور پر تیار کیا جا رہا ہے،جنید انوار چوہدری
اشاعت کی تاریخ: 30th, January 2026 GMT
روانڈا کی ہائی کمشنر ہریریمانا فاتو نے وزیرِ بحری امور جنید انوار چوہدری سے ملاقات کی جس میں پاکستان اور روانڈا کے درمیان مشرقی افریقہ تک براہِ راست سمندری راہداریوں کے قیام پر تفصیلی تبادلہ خیال کیا گیا۔
ملاقات کے دوران کراچی سے جبوتی اور ممباسا تک نئی شپنگ لائنز شروع کرنے کی تجویز زیر غور آئی۔ وزیرِ بحری امور جنید انوار چوہدری نے کہا کہ مشرقی افریقہ کی پچاس کروڑ صارفین پر مشتمل مارکیٹ تک رسائی پاکستان کا اہم ہدف ہے۔ انہوں نے کہا کہ نئی سمندری راہداریوں سے تجارتی لاگت میں تیس فیصد تک کمی متوقع ہے جبکہ کراچیجبوتی روٹ کے آغاز سے ترسیل کے وقت میں نمایاں کمی آئے گی۔
جنید انوار چوہدری نے کہا کہ گوادر کو افریقہ کے لیے مستقبل کے ایک اہم برآمدی مرکز کے طور پر تیار کیا جا رہا ہے جس سے پاکستانی ٹیکسٹائل اور ادویات کے لیے افریقی منڈیوں میں نئے مواقع پیدا ہوں گے۔ انہوں نے مزید کہا کہ کراچیممباسا روٹ سے علاقائی انضمام مزید مضبوط ہوگا اور بہتر بحری روابط سے پاکستانی برآمدات عالمی منڈی میں زیادہ مسابقتی بنیں گی۔ ان کا کہنا تھا کہ نئے سمندری راستے بحرِ ہند میں پاکستان کے بحری کردار کو وسعت دیں گے۔
اس موقع پر روانڈا کی ہائی کمشنر ہریریمانا فاتو نے کہا کہ براہِ راست سمندری روابط سے دوطرفہ تجارت کو فروغ ملے گا اور روانڈا کی چائے، کافی اور ایووکاڈو کی پاکستان تک رسائی مزید آسان ہو جائے گی۔
اشتہار
.
ذریعہ
ذریعہ: Al Qamar Online
کلیدی لفظ: پاکستان کھیل جنید انوار چوہدری نے کہا کہ
پڑھیں:
دیو ہیکل بحری جہاز "ایم ایس سی ڈیلیٹا” کراچی پورٹ پہنچ گیا
کراچی : دیو ہیکل بحری جہاز ‘ایم ایس سی ڈیلیٹا ‘ کراچی پورٹ پر لنگر انداز ہوگیا ، جو بندرگاہ کے عالمی معیار کے انفراسٹرکچر اور آپریشنل صلاحیت کا واضح ثبوت ہے۔تفصیلات کے مطابق دنیا کا دیو ہیکل کنٹینر بحری جہاز "ایم ایس سی ڈینلیٹا” کامیابی کے ساتھ کراچی پورٹ پہنچ گیا ہے اور کے پی ٹی کے مخصوص ٹرمینل پر لنگر انداز ہوگیا۔کراچی پورٹ ٹرسٹ نے بتایا کہ یہ بحری جہاز اپنی نوعیت اور حجم کے اعتبار سے انتہائی وسیع ہے، جو بندرگاہ کے عالمی معیار کے انفراسٹرکچر اور آپریشنل صلاحیت کا واضح ثبوت ہے۔کے پی ٹی کا کہنا تھا کہ 400 میٹر طویل اور 67 میٹر چوڑا یہ بحری جہاز 255,288 ڈیڈ ویٹ ٹن گنجائش رکھتا ہے، جو اسے دنیا کے بڑے تجارتی جہازوں میں شامل کرتا ہے۔ترجمان نے کہا کہ اتنے بڑے جہاز کی آمد اس بات کا مظہر ہے کہ کراچی پورٹ جدید سہولیات اور بڑے بحری جہازوں کو سنبھالنے کی مکمل صلاحیت رکھتی ہے۔ادارے کے مطابق ایسے بڑے جہازوں کی آمد سے بندرگاہ کی استعداد میں مزید اضافہ ہوگا، عالمی شپنگ کمپنیوں کا اعتماد مضبوط ہوگا اور پاکستان کی تجارتی سرگرمیوں کو بھی فروغ ملے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار