غلط حقائق شیئر ہونے پر شرمندہ، انسانی جان کے ضیاع کی کوئی گنجائش نہیں، عظمیٰ بخاری
اشاعت کی تاریخ: 30th, January 2026 GMT
وزیر اطلاعات پنجاب کا کہنا تھا کہ انہیں انتظامیہ کی جانب سے فراہم کی گئی معلومات میڈیا کے ساتھ شیئر کرنا پڑیں، تاہم حقائق سامنے آنے کے بعد وہ ذاتی طور پر بھی خود کو شرمندہ محسوس کر رہی ہیں۔ وزیر اطلاعات پنجاب نے بتایا کہ وہ اس واقعے کے بعد استعفیٰ دینے کے لیے بھی تیار تھیں، مگر وزیراعلیٰ پنجاب نے واضح کیا کہ غلطی ان کی نہیں بلکہ انتظامی غفلت کا نتیجہ ہے۔ اسلام ٹائمز۔ وزیر اطلاعات پنجاب عظمیٰ بخاری نے ماں اور بیٹی کی ہلاکت کے افسوسناک واقعے پر دلی دکھ اور شرمندگی کا اظہار کرتے ہوئے کہا ہے کہ یہ سانحہ ناقابلِ برداشت ہے اور انسانی جان کے ضیاع پر کوئی معافی نہیں دی جا سکتی۔ انہوں نے واضح کیا کہ انتظامیہ نے اپنی غلطی چھپانے کے لئے ابتدا میں غلط حقائق شیئر کیے جو بعد ازاں سامنے آئے۔ عظمیٰ بخاری نے کہا کہ وزیراعلیٰ پنجاب مریم نواز نے اس واقعے میں کسی بھی قسم کی کوتاہی کو چھپانے کے بجائے کھلے دل سے ندامت کا اظہار کیا اور ذمہ داران کے خلاف سخت کارروائی کے احکامات جاری کیے۔
ان کا کہنا تھا کہ انہیں انتظامیہ کی جانب سے فراہم کی گئی معلومات میڈیا کے ساتھ شیئر کرنا پڑیں، تاہم حقائق سامنے آنے کے بعد وہ ذاتی طور پر بھی خود کو شرمندہ محسوس کر رہی ہیں۔ وزیر اطلاعات پنجاب نے بتایا کہ وہ اس واقعے کے بعد استعفیٰ دینے کے لیے بھی تیار تھیں، مگر وزیراعلیٰ پنجاب نے واضح کیا کہ غلطی ان کی نہیں بلکہ انتظامی غفلت کا نتیجہ ہے۔ انہوں نے اس عزم کا اعادہ کیا کہ پنجاب حکومت آئندہ ایسے حادثات کی روک تھام کے لئے سخت اقدامات کرے گی اور عوام کے تحفظ پر کوئی سمجھوتہ نہیں کیا جائے گا۔
ذریعہ
ذریعہ: Islam Times
کلیدی لفظ: وزیر اطلاعات پنجاب کے بعد کیا کہ
پڑھیں:
بانی جس دن محمود اچکزئی سے مطمئن نہیں ہوں گے ہٹادیے جائیں گے، جنید اکبر
پاکستان تحریک انصاف (پی ٹی آئی) رہنما جنید اکبر نے کہا ہے کہ جس دن بانی پی ٹی آئی محمود اچکزئی سے مطمئن نہیں ہوں گے ہٹادیے جائیں گے۔
راولپنڈی کے اڈیالہ روڈ پر میڈیا سے گفتگو میںپی ٹی آئی خیبر پختونخوا کے صدر جنید اکبر نے کہا کہ خیبر پختونخوا میں بجٹ پاس کرنا ہے یا نہیں فیصلہ پارٹی کرے گی۔
بانی پی ٹی آئی کی ہمشیرہ علیمہ خان نے نے کہا کہ حکمراں اتنے خوفزدہ ہیں کہ بشریٰ بی بی کی فیملی کو بتایا ہوا ہے باہر جا کر بات نہیں کرنا۔
انہوں نے کہا کہ سہیل آفریدی کو وزیراعلیٰ بانی پی ٹی آئی نے نامزد کیا ہے، جب تک وہ ہیں ہر ایم پی اے ان کو ہی ووٹ دے گا، میں چیلنج کرتا ہوں کوئی ایک ایم پی اے کو توڑ کر دکھائے۔
جنید اکبر نے مزید کہا کہ ان کی کوئی حیثیت نہیں کہ کوئی فارورڈ بلاک بناسکے، کل 7 ناراض ایم پی ایز سے ملے ہیں، جن کی شکایات کو حل کریں گے۔
اُن کا کہنا تھا کہ محمود اچکزئی کو ذمے داری بانی پی ٹی آئی نے دی، اس پر نہ میں بول سکتا ہوں اور نہ ہی کوئی اور بات کرسکتا ہے، جس دن بانی پی ٹی آئی محمود اچکزئی سےمطمئن نہیں ہوں گے ہٹادیے جائیں گے۔
وزارت آئی ٹی نے 1.67 ارب روپے سے زاید کے فنڈز طلب کرلیے