ایکس نے ایڈیٹ شدہ تصاویر کے لیے نیا لیبل متعارف کروانے کا اعلان کردیا
اشاعت کی تاریخ: 29th, January 2026 GMT
سوشل میڈیا پلیٹ فارم ایکس نے ایڈیٹ شدہ تصاویر کی نشاندہی کے لیے نیا فیچر متعارف کرا دیا ہے، جس کے تحت ایسی تصاویر کو ترمیم شدہ میڈیا کے لیبل کے ساتھ دکھایا جائے گا۔
ایکس کے مالک ایلون مسک نے اس اقدام کا اشارہ ایک مختصر پوسٹ کے ذریعے دیا، جبکہ پلیٹ فارم کی نئی خصوصیات سامنے لانے والے اکاؤنٹ ڈاج ڈیزائنز کی جانب سے بھی اس حوالے سے اعلان کیا گیا۔ تاہم تاحال ایکس انتظامیہ نے باضابطہ طور پر یہ واضح نہیں کیا کہ یہ سسٹم کس طرح کام کرے گا۔
یہ بھی پڑھیں: ’واٹس ایپ محفوظ نہیں‘، ایلون مسک کی صارفین کو وارننگ
یہ تفصیل بھی سامنے نہیں آسکی کہ یہ لیبل صرف مصنوعی ذہانت سے تیار کردہ تصاویر پر لاگو ہوگا یا روایتی ایڈیٹنگ سافٹ ویئر جیسے فوٹو شاپ کے ذریعے تبدیل کی گئی تصاویر بھی اس میں شامل ہوں گی۔
Edited visuals warning https://t.
— Elon Musk (@elonmusk) January 28, 2026
یاد رہے کہ ری برانڈنگ سے قبل ٹوئٹر میں ایک پالیسی موجود تھی جس کے تحت ایڈیٹ یا تبدیل شدہ میڈیا کو ہٹانے کے بجائے اس پر لیبل لگایا جاتا تھا، جس میں ویڈیو کی رفتار کم کرنا، سب ٹائٹلز میں تبدیلی، آواز شامل کرنا یا تصویر کو کراپ کرنا شامل تھا۔
ابھی یہ واضح نہیں کہ ایکس اسی پرانی پالیسی کو دوبارہ نافذ کررہا ہے، اسے مصنوعی ذہانت کے تناظر میں تبدیل کیا جارہا ہے یا مکمل طور پر نیا فریم ورک متعارف کرایا گیا ہے۔
یہ بھی پڑھیں: چیٹ جی پی ٹی ایلون مسک کے ’گروکی پیڈیا‘ سے استفادہ کرنے لگا
ماہرین کا کہنا ہے کہ اس فیچر کے نفاذ پر سوالات برقرار ہیں، کیونکہ ماضی میں غیر مستند یا جعلی میڈیا سے متعلق پالیسیوں پر عملدرآمد یکساں نہیں رہا۔ حالیہ عرصے میں ڈیپ فیک تصاویر سے متعلق معاملات نے بھی ان خدشات کو تقویت دی ہے۔
ایکس کی جانب سے یہ بھی واضح نہیں کیا گیا کہ صارفین لیبل پر اعتراض یا اپیل کیسے کر سکیں گے، یا اس حوالے سے صرف کمیونٹی نوٹس پر انحصار کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایڈٹڈ ویڈیو ایکس ایلون مسک لیبل
ذریعہ
ذریعہ: WE News
کلیدی لفظ: ایکس ایلون مسک لیبل ایلون مسک
پڑھیں:
ایچ آئی وی کے خلاف حکومت سندھ موثر اقدامات کر رہی ہے، وزیر صحت
کراچی:صوبائی وزیر صحت ڈاکٹر عذرا افضل پیچوہو نے کہا ہے کہ ایچ آئی وی کے خلاف حکومت سندھ موثر اقدامات کر رہی ہے۔
جناح اسپتال کراچی میں چوتھی انٹرنیشنل فیملی پلاننگ سمٹ کے موقع پر میڈیا سے گفتگو کرتے ہوئے انہوں نے کہا کہ ایچ آئی وی کی بروقت تشخیص کیلئےاسکریننگ کا عمل مزید تیز کردیا گیا ہے، زیادہ سے زیادہ اسکریننگ سے ایچ آئی وی پر جلد قابو پانے میں مدد مل سکتی ہے۔
انہوں نے کہا کہ اسپتالوں میں سہولیات کی بہتری کے لیے حکومت سندھ بھرپور کوششیں کر رہی ہے، ہمیں معلوم ہے مریضوں کو مشکلات کا سامنا ہے، صحت کے شعبے میں حال ہی میں نئی بھرتیاں کی گئی ہیں، مزید بھرتیوں کی طرف بھی بڑھ رہے ہیں، اسپتالوں میں سہولیات کی بہتری کے لیے مزید بھرتیوں سے مدد ملے گی۔
صوبائی وزیر صحت نے کہا کہ اسپتالوں میں میڈیا کی موجودگی کی اجازت نہیں ہوتی، میڈیا سے بات کرنے کے خواہشمند ڈاکٹر اور دیگر افراد اسپتال سے باہر آکر موقف دیں، تمام ڈاکٹرز کو میڈیا سے بات کرنے اور اپنا مؤقف دینے کی اجازت ہے۔
انہوں نے کہا کہ میڈیا اسپتال میں موجود خامیوں کی نشاندہی کرے، میڈیا کی نشاندہی سے ہی ہمیں مدد ملتی ہے، جناح اسپتال میں ڈاکٹر خالد شیر کو کہہ دیا ہے اب سے وہ میڈیا کو موقف دیں گے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم