صدرِ مملکت آصف علی زرداری کا آسٹریلیا کے خلاف پہلے ٹی ٹوئنٹی میچ میں کامیابی پر اظہارِ مسرت
اشاعت کی تاریخ: 30th, January 2026 GMT
اسلام آباد( طارق محمود سمیر)صدرِ مملکت آصف علی زرداری نے پاکستان اور آسٹریلیا کے درمیان ٹی ٹوئنٹی سیریز کے پہلے میچ میں قومی کرکٹ ٹیم کی شاندار کامیابی پر خوشی اور اطمینان کا اظہار کیا ہے۔
صدرِ مملکت نے کہا کہ قومی کرکٹ ٹیم کی یہ قابلِ فخر فتح کھیل کے میدان میں پاکستان کے مثبت تشخص کو اجاگر کرتی ہے۔ ان کا کہنا تھا کہ کھلاڑیوں نے منظم حکمتِ عملی، اعلیٰ نظم و ضبط اور بہترین ٹیم ورک کا مظاہرہ کرتے ہوئے میدان میں پاکستان کا وقار بلند کیا۔
صدرِ زرداری نے قومی ٹیم کی کارکردگی کو سراہتے ہوئے کہا کہ ایسی کامیابیاں نوجوانوں کے لیے حوصلہ افزا ہیں اور ملک کے لیے خوشی کا باعث بنتی ہیں۔
انہوں نے قومی کرکٹ ٹیم کے لیے آئندہ میچز میں مزید کامیابیوں کی نیک تمناؤں کا اظہار کیا اور کہا کہ پوری قوم ٹیم کے ساتھ کھڑی ہے۔
صدرِ مملکت نے پاکستان کرکٹ بورڈ اور بالخصوص چیئرمین محسن نقوی کو بھی قومی ٹیم کی بہترین کارکردگی پر مبارکباد دی اور ان کی کوششوں کو لائقِ تحسین قرار دیا۔
ذریعہ
ذریعہ: Daily Mumtaz
کلیدی لفظ: ٹیم کی
پڑھیں:
تیزی سے بڑھتی آبادی ملک کیلئے سب سے بڑا چیلنج ہے: وزیراعظم
وزیراعظم شہباز شریف نے تیزی سے بڑھتی آبادی کو ملک کے لیے چیلنج قرار دے دیا۔وزیراعظم شہبازشریف کی زیرصدارت ملک میں بہبود آبادی کے حوالے سے جائزہ اجلاس ہوا جس میں وزیراعظم نے نیشنل پاپولیشن کونسل کا اجلاس جلد از جلد بلانے کی ہدایت کی۔شہباز شریف نے کہا کہ تیزی سے بڑھتی ہوئی آبادی ملک کے لیے سب سے بڑا چیلنج ہے، آبادی پر قابو پانے کیلئے اقدامات اور بہبود آبادی کو قومی فریضہ سمجھا جانا چاہیے۔وزیراعظم کا کہنا تھا کہ آبادی میں توازن ہی پائیدار قومی ترقی کی ضمانت ہے، آبادی کی منصوبہ بندی کو قومی ترقی اور معاشی استحکام سے ہم آہنگ کرنے کی ضرورت ہے، بہبود آبادی اقدامات سے متعلق صوبوں کے ساتھ روابط اور ہم آہنگی مزید بہتر بنائی جائے، بڑھتی ہوئی آبادی پر قابو پانے کے مؤثر عوامی آگہی مہم کا کلیدی کردار ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار