انٹرنیشنل کرکٹ کونسل کی بھارت نوازی
اشاعت کی تاریخ: 30th, January 2026 GMT
data-id="863a0a8" data-element_type="widget" data-widget_type="theme-post-content.default">
کرکٹ اب صرف ایک کھیل نہیں رہا۔ یہ اب دل ٹوٹنے کی کہانیاں، خوابوں کی تباہی، اور طاقتور کے سامنے کمزور کی چیخ و پکار کا میدان بن چکا ہے۔ جب ایک ملک کی ٹیم کو ورلڈ کپ سے نکال دیا جائے، صرف اس لیے کہ وہ اپنے کھلاڑیوں کی عزت اور حفاظت کی بات کرے، تو دل خون کے آنسو روتا ہے۔ ٹی ٹوینٹی ورلڈ کپ 2026 میں بنگلا دیش کو خارج کر کے اسکاٹ لینڈ کو شامل کرنے کا آئی سی سی کا فیصلہ کوئی محض انتظامی اقدام نہیں؛ یہ ایک قوم کے جذبات پر طمانچہ ہے، ایک غیرت مند ملک کی توہین ہے، اور سب سے بڑھ کر، آئی سی سی کی بھارت کے سامنے گھٹنے ٹیکنے کی زندہ مثال ہے۔ یہ سب کچھ جنوری 2026 میں اس وقت شروع ہوا جب مصطفی ظریف رحمن (مصطفی رحمن) کو انڈین پریمیئر لیگ (آئی پی ایل) 2026 سے نکال دیا گیا۔ کولکتہ نائٹ رائڈرز نے اسے 9.
شیخ حسینہ کی حکومت کے خاتمے کے بعد دونوں ملکوں کے تعلقات میں کشیدگی بڑھ گئی تھی۔ بی سی بی نے آئی سی سی سے گزارش کی کہ ان کے میچز سری لنکا منتقل کیے جائیں، جہاں پاکستان کے میچز پہلے سے ہی نیوٹرل وینیو پر شیڈول تھے۔ مگر آئی سی سی نے انکار کر دیا اور کہا کہ ’’کوئی سنگین سیکورٹی خطرہ نہیں‘‘، یہ کہہ کر انہوں نے بنگلا دیش کی آواز کو دبا دیا۔ 24 جنوری 2026 کو فیصلہ آ گیا: بنگلا دیش کو ٹورنامنٹ سے خارج، اسکاٹ لینڈ کو شامل کر لیا گیا۔ ٹیسٹ کر کٹ کھیلنے والا ایک ملک، جو حالیہ برسوں میں بہترین کارکردگی دکھا رہا تھا، اسے یوں ذلیل کر دیا گیا۔ بنگلا دیشی کھلاڑی، جو ورلڈ کپ کے لیے ہفتوں سے تیاری کر رہے تھے، ان کے خواب چکناچور ہو گئے۔ میڈیا، آفیشلز، فینز سب کو ایک ساتھ توہین کا سامنا کرنا پڑا۔ یہ صرف کرکٹ کی بات نہیں؛ یہ ایک قوم کے دل پر وار تھا۔
اب سوال یہ ہے کہ آئی سی سی نے بھارت کی حمایت کیوں کی؟ کیونکہ بھارت کرکٹ کا ڈکٹیٹر ہے۔ بی سی سی آئی کی مالی طاقت آئی سی سی کی 70-80 فی صد آمدنی ہے۔ آئی پی ایل، ٹی وی رائٹس، اسپانسرشپ، سب کچھ بھارت سے جڑا ہے۔ جب بھارت نے 2025 چمپئنز ٹرافی کے لیے پاکستان نہ جانے کا فیصلہ کیا تو آئی سی سی نے ’’ہائبرڈ ماڈل‘‘ بنا کر اسے قبول کر لیا۔ مگر جب بنگلا دیش نے وہی مطالبہ کیا تو کہا گیا کہ ’’یہ مثال نہیں بن سکتا‘‘ کہہ کر انکار کر دیا۔ یہ دوہرا معیار نہیں تو کیا ہے؟ پاکستان نے بنگلا دیش کی حمایت کی۔ پی سی بی کے چیئرمین محسن نقوی نے کھل کر کہا: ’’یہ انصاف نہیں، ڈبل اسٹینڈرڈز ہیں‘‘۔ دوسرے معیارات ہیں پاکستان نے بائیکاٹ کی دھمکی دی، مگر آئی سی سی نے جرمانوں کی دھمکی دے دی۔ یہ سب دیکھ کر افسوس ہوتا ہے کہ دنیا کی آنکھوں پر پٹی بندھی ہوئی ہے۔ کرکٹ اب طاقتوروں کا کھیل بن چکی ہے، جہاں کمزور کی آواز دب جاتی ہے۔ بنگلا دیش کے کھلاڑیوں نے برسوں سے محنت کی، درد سہے، مگر آج انہیں یوں دھکے دے دیے گئے۔ مصطفی رحمن جیسے ہیرو کو نفرت کی نذر کر دیا گیا۔ ایک قوم کے خواب چکناچور ہوئے۔ آئی سی سی نے نفرت انگیز پروپیگنڈے پر آنکھیں موند لیں، مگر بنگلا دیش کی حفاظت کی بات پر کان نہ دی۔ یہ شرمناک بات ہے۔ آئی سی سی میں ذرا بھی غیرت ہوتی تو وہ ڈوب کر مرجاتے۔ کیا یہ ادارہ عالمی ہے، یا صرف ایک ملک کا غلام؟ اگر بھارت کی طاقت کی وجہ سے دوسرے ممالک کے حقوق پامال ہوتے رہے تو کرکٹ کی ساکھ ختم ہو جائے گی۔ بنگلا دیش کے ساتھ انصاف ہونا چاہیے۔ نفرت کو روکا جائے۔ کرکٹ کو سیاست سے الگ رکھا جائے۔ ورنہ یہ کھیل صرف پیسے اور طاقت کا آلہ بن کر رہ جائے گا، جہاں کمزور کے آنسوؤں کی کوئی قیمت نہیں ہو گی۔ دل ٹوٹنے کی یہ ناانصافیاں بند ہونی چاہیے۔ کرکٹ کو دوبارہ قوموں کے درمیان محبت اور احترام کا کھیل بنانا ہو گا۔
ذریعہ
ذریعہ: Jasarat News
کلیدی لفظ: بنگلا دیشی کھلاڑی بنگلا دیش کی ا ئی پی ایل دیا گیا ورلڈ کپ کی بات کر دیا
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
بھارت سے جنگ اور افغانستان میں کارروائی خارج ازامکان نہیں، وزیردفاع