سال 2026 میں گھوڑوں کا سال، چینی کیلنڈر کے مطابق اہمیت اور خصوصیات
اشاعت کی تاریخ: 30th, January 2026 GMT
data-id="863a0a8" data-element_type="widget" data-widget_type="theme-post-content.default">
قونصل جنرل جمہوریہ چین یانگ یونڈونگ نے نئے چینی سال 2026 کے موقع پر کہا ہے کہ یہ سال گھوڑوں کا سال ہے، جو چینی روایتی ثقافت میں آزادی، جذبہ اور لامحدود جوہر کی علامت سمجھا جاتا ہے۔
یہ موقع کراچی کے چینی قونصلیٹ میں ایک پروقار تقریب کے دوران میڈیا نمائندگان کے ساتھ منایا گیا، جہاں قونصل جنرل نے نئے سال کا جشن منانے کے ساتھ چین اور پاکستان کی دوستانہ تعلقات کی تجدید پر زور دیا۔ انہوں نے کہا کہ گھوڑے کا سال پھلتی پھولتی توانائی، بلند حوصلہ اور شاندار کامیابی کی علامت ہے۔
یانگ یونڈونگ نے بتایا کہ گزشتہ سالوں میں چین اور پاکستان کی دوستی مزید مضبوط ہوئی ہے اور سندھ و بلوچستان میں عملی تعاون کے ذریعے نئے سنگ میل حاصل کیے گئے ہیں، جو دونوں ملکوں کی مشترکہ کوششوں اور حکمت عملی کا ثبوت ہیں۔ انہوں نے کہا کہ پاکستانی میڈیا دوطرفہ تعلقات کی مضبوط ترقی کی عکاسی کرنے والا آئینہ ہے۔
انہوں نے 2025 کے حوالے سے بتایا کہ چین کے 14ویں پنج سالہ منصوبے کا یہ سال اقتصادی ترقی کا غیرمعمولی دور تھا، جس میں عالمی اقتصادی سست روی، یکطرفہ رجحانات اور بین الاقوامی تجارتی نظام میں رکاوٹوں کے باوجود معیشت مستحکم رہی۔ یانگ یونڈونگ نے کہا کہ اصلاحات اور کھلے پن نے صارفین کی منڈی کو وسعت دی اور نئی معیاری پیداواری قوتیں فروغ پائی ہیں۔
انہوں نے مزید کہا کہ 2026 چین کے 15ویں پنج سالہ منصوبے کا آغاز ہے، جو سوشلسٹ جدیدیت کی جانب ایک نئے سفر کا آغاز کرے گا، اور اس دوران مالیاتی پالیسی کو فعال اور مانیٹری پالیسی کو معتدل رکھنے کے ساتھ معاشی معیار اور نمو میں بہتری لانے پر توجہ دی جائے گی۔
.
ذریعہ
ذریعہ: Jasarat News
پڑھیں:
پاکستان میں سریے کی قیمت آج 23 جولائی 2026، تازہ ریٹس جاری
اسلام آباد: پاکستان میں سریے کی قیمت جمعرات 23 جولائی 2026 کو مجموعی طور پر مستحکم رہی، تاہم مختلف برانڈز اور گریڈز کے لحاظ سے معمولی فرق دیکھا گیا۔ تعمیراتی شعبے سے وابستہ افراد کے لیے جاری کردہ تازہ مارکیٹ اپ ڈیٹ کے مطابق ملک بھر میں سریے کی قیمت 258 روپے سے 265 روپے فی کلوگرام کے درمیان برقرار ہے۔
تعمیراتی ماہرین کے مطابق رہائشی اور کمرشل منصوبوں میں سب سے زیادہ گریڈ 40 اور گریڈ 60 سریا استعمال کیا جاتا ہے، کیونکہ یہ مضبوطی اور معیار کے لحاظ سے موزوں تصور کیے جاتے ہیں۔
پاکستان میں سریے کے تازہ ریٹس
سریے کا گریڈ قیمت (روپے فی کلوگرام)
گریڈ 40 260 روپے
گریڈ 60 265 روپے
مارکیٹ ریٹ 258 سے 265 روپے
ماہرین کا کہنا ہے کہ پاکستان میں سریے کی قیمتوں میں اتار چڑھاؤ کئی عوامل سے متاثر ہوتا ہے، جن میں خام مال کی قیمت، بجلی اور گیس کے نرخ، ٹرانسپورٹ کے اخراجات اور تعمیراتی شعبے کی مجموعی طلب شامل ہیں۔
انہوں نے خریداروں اور بلڈرز کو مشورہ دیا ہے کہ بڑی مقدار میں سریا خریدنے سے قبل مقامی ڈیلرز سے تازہ نرخ ضرور معلوم کریں، کیونکہ مختلف شہروں، برانڈز اور مینوفیکچررز کے لحاظ سے قیمتوں میں معمولی فرق ہو سکتا ہے۔
تعمیراتی صنعت سے وابستہ ماہرین کے مطابق اگر خام مال یا توانائی کی قیمتوں میں نمایاں تبدیلی آتی ہے تو آئندہ دنوں میں پاکستان میں سریے کی قیمت بھی متاثر ہو سکتی ہے، اس لیے مارکیٹ کی صورتحال پر نظر رکھنا ضروری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار